المكونات
1 كيلو بطاطس مقشره ومسلوقه سلق كامل
2 معلقه زبده صفراء
نصف كوب كريمه لبانى
ملح فلفل ابيض جوز الطيب
ربع كيلو لوز مبشور
دقيق وبيض وبقسماط ده للبانيه بتاع البطاطس
زيت للقلى
طريقه العمل
بعد سلق البطاطس وتصفيتها من الماء بقوم بهرسها بالمضرب السلك او بالمفرمه والاهم انها تكون متماسكه عشان اقدر اشكلها كويس وبعد كده بحط عليها الفلفل والملح وجوز الطيب والزبده والكريمه اللبانى بعد كده بشكلها على شكل كرات زى الصوره بالظبط وبعدين بحطها فى الفريزر لمده نصف ساعه
وبعدين اكون جهزت البانيه اللى هو دقيق ثم بيض ثم بقسماط والبقسماط ده هضيف عليه ربع كيلو اللوز المبشور بعد كده هطلع البطاطس من الفريزر واعملها بانيه باللوز وارجعها تانى الفريزر لمده نصف ساعه تانيه وبعد كده بقليها فى زيت غزير وبالهنا والشفا ملحوظه اقدر اعمل كميه كبيره من البطاطس دى واحتفظ بيها فى الفريزر على القلى مباشره
الشيف ايمن العطار
تم نشره في: وصفات الشيف أيمن العطار
0 التعليقات:
إرسال تعليق
ضع تعليقك هنا