مطبخ الأميرة ( شيف أيمن العطار) دجاج تندوري

دجاج تندوري
========

النهارده عملت ليكم حاجه جميله اوى اسمها التندورى او الفراخ التندورى طريقه جدبده وسهله للفراخ وتغير من المعتاد انا عملتها هنا بالاوراك او دبابيس الفراخ بيكون شكلها احلى وطعم الاوراك فى الفراخ اجمل

المقادير:
-----------
4 اوراك دجاج + 2 كوب زبادى +4فص ثوم +2 معلقه معجون طماطم+ ملعقة ملح +"توابلها اللى بنسميها جراما ماسالا"
و هى عبارة عن 2 معلقة كبيرة كركم +2 ملعقة كبيرة بابريكا +نصف معلقة شاى قرنفل مطحون +نصف معلقة شاى حبهان مطحون +نصف معلقة شاى كمون مطحون +نصف ملعقة شاى فلفل اسود مطحون + نصف ملقعة شاى قرفة مطحونة . يفضل ان كل التوابل دى تتطحن وقت تحضير الفراخ علشان تبان فيها طعم التوابل

الطريقة :
----------
نفضى الزبادى فى وعاء غويط شوية و نضيف عليه الملح و الثوم المفروم الناعم اوى ثم مجموعة البهارات الجراما ماسالا و نقلبها كلها مع بعض كويس اوى و بعدها نضع قطع الفراخ فى الخليط دة و نتركها ساعة و بعد كدة ناخد الفراخ نرصها فى صينية قطعة قطعة و ندخلها الفرن فى الرف الاوسط و نتقعد فى الفرن حوالى 35 دقيقة و بتتقدم مع الارز الاصفر او زى ما انا حاطط جنبها صوص من الطماطم مه الفلفل الحامى والكزبره والكمون و بالهنا و الشفا .........

الشيف ايمن العطار

تم نشره في: وصفات الشيف أيمن العطار