سألته تتغدى ايه؟؟ قالي قضيها انهاردة !!

هو سؤال  كل يوم لا يكاد يخلو بيت منه في صباح كل يوم .. حوار دائم ومستمر مع استمرار الحياة 

نتغدى ايه انهاردة.؟؟

 وحيرة تنتاب ست البيت يوميا ماذا تصنع للغداء الوجبة الرئيسية !!

ملل نصاب به من تكرار الاكلات .. ومن اللحوم والاسماك بصفة يومية

فالتغيير مطلوب وان كان بامور بسيطة  

وحواري هذا الصباح مع زوجي كان بهذا الخصوص  .... نتغدى ايه انهاردة   

واذا به ينفجر كنقبلة موقوتة في وجهي   ... اعملي اي حاجة  عندك اللحوم في الثلاجة 

(طبعا عنده حق السؤال دة كل يوم مش بيتغير ابداااا)

فقلت له /  مللنا من لحوم كل يوم  

فقال /  غيرك مش لاقيها احمدي ربنا عندك كل شئ

( لم يكذب طبعا في مقولته )  والحمد لله على نعمه 

ولكن بالفعل احيانا النفس تشتهي شئ غير تقليدي

 وانتهي النقاش اني حتصرف واعمل اي حاجة   ,,, وبعد 

ماغادر من البيت  فكرت قليلا  وكان على ان اعمل وجبة من غير لحوم 

لكنها متكاملة العناصر الغذائية  من اجل الاولاد  

واخيرا  قررت عمل الآتي  ليكون وجبة الغداء 

كشري  اصفر

بيض مسلوق

بطاطس مقلية

مسقعة باذنجان مع فلفل حار 

وسلطة .......

واليكم صور   الوجبة  

 

تم نشره في: أكلات مطبخ الأميرة