كيكة الجبن من سارة عبد السلام



مقادير البسكوتة

400 جم بسكوت بالقمح (أحسن حاجة دايجستيف)
100 جم زبدة سايحة
رشة قرفة


مقادير الجبنة

200 جم جبنة كريمة للحلويات (أحسن حاجة فلاديلفيا)
200 جم جبنة بالقشطة (أحسن حاجة كيري أو بريزيدون)
450 جم كريمة حامضة (كريمة الحامضة من جهينة ممتازة)
3 بيضات
كوب سكر
1 ½ معلقة صغيرة فانيليا سائلة


الطريقة

لعمل البسكوتة نفرم البسكوت بالقمح ناعم جداً ونضيفله رشة القرفة ونخلط وبعدين نضيف الزبدة السايحة ونستمر في الخلط. في صينية خبز من اللي بتتفتح نفرد طبقة البسكوت ونضغط عليها لحد ما تتساوى وتمسك ونسيب الصينية في الثلاجة.

لعمل خليط الجبنة نضيف في المضرب الكهربائي نوعين الجينة ونضرب لحد ما يتخلطوا تماماً وتصبحوا مثل الكريمة وبدون أي كتل. نضيف البيض واحدة ورا الثانية مع الخلط جيداً. نضيف السكر تدريجياً حتى يمتزج تماماً وبعدين نزود الكريمة الحامضة والفانيليا. لازم نتأكد إن كل المكونا ممزوجه تمامأ ومفيش أي حاجة في القاع متخلطتش. نصب الخليط على طبقة البسكوت ونساوي تماما.

نجيب صينية كبيرة جدأ ونملاها ماء ساخن ونحطها في قاع الفرن ونشغل الفرن على نار عالية وعلى الرف اللي فوق القاع علطول نحط صينية التشيز كيك ونخبزها لمدة 45 دقيقة. المفروض إن الكيكة تجمد من الأطراف وتفضل طرية شوية من النص. نسيبها تبرد تماماً وبعدين نشيلها متغطية في الثلاجة على الأقل 4 ساعات قبل التقديم.

لعمل الصوص نحط على النار كيلو من الفاكهة اللي نفضلها مع ½ كوب سكر ونسيبهم يغلوا لحد ما يصبح كثيف القوام. ممكن يضاف أو يقلل السكر حسب الرغبة.


وبالهنا والشفا

0 التعليقات:

إرسال تعليق

ضع تعليقك هنا

 
Design by Free Wordpress Themes | Bloggerized by Lasantha - Premium Blogger Templates | :