بـــيـــتــــزا بالجلاش باللحم المفروم وياجمالوا من مطبخ الأميرة



الواحد من كثرة ماشاف وسمع  شكله اتأثر شويتين بالشيف حسن ملك الحلويات وكنج التكات والحركات 

بس قلت طيب ما اعمل زيه شوية واتكتك كدة صينية جلاش  بطريقة جديدة 

وطلعت النتيجية ياجمالوا يا جمالو  وبونو بونو يا ستات  

ويلا ندخل على تفاصيل وصفتنا اليوم 

عاوزين 

لفة جلاش  ( نص كيلو)

ربع كيلو لحمة مفرومة معصجة 

2 فلفل اخضر 

حزمة بقدونش  مقعطة صغير

شوية زيتون اسود  مقطع 

سمن  سايح لدهن الطبقات بس والصينية 

ملح + فلفل اسمر + ربع ملقعة صغيرة زعتر 


الطريقة 

وبمنتهى السهولة  اخلطي اللحم المفرومة مع الفلفل الاخضر بعد تقطيعه طبعا 

والبقدونش والزيتون  والملح والفلفل والزعتر 

وتعالي للصينية 

( مقاسها يكون اصغر من مقاس ورق الجلاش شوية  لاننا محتاجين اطرف الجلاش تكون عالية شوية زي الصورة )

 ادهنيها بالسمن  وضعي طبقتين  من ورق الجلاش  وعلى خفيف اوي ادهني سمن  وحطي طبقتين كمان وادهني لحد ماتخلصي

 لفة الجلاش كلها 


نضع الخلطة على الوجه ونوزعها  ثم ندخلها الفرن  حتى ينضج الجلاش  

وبالهنا والشفا  









0 التعليقات:

إرسال تعليق

ضع تعليقك هنا

 
Design by Free Wordpress Themes | Bloggerized by Lasantha - Premium Blogger Templates | :