ارز بسمتي بالكاري والخضراوات من مطبخ الأميرة

النهارده هعملكوا طريقة رز تجنن طعما وشكلا وبيبقى شكلها شيك اوى فى العزومات 

 المقادير :
1- 2 كوب ارز بسمتى
2-نصف كيس خضار مشكل (بسله وجزر وفاصوليا)
3- 2 مكعب مرقه
4-فص حبهان +عود قرفه خشب
5- التوابل (ملح + فلفل +كارى +كركم)
6-1/2 3 كوب ماء(لكل كوب رز 2 كوب الا ربع ماء)
الطريقه:

-نضع زيت على سمن فى الحله
-ثم نشوح الخضار على نار هاديه لحد ما لونه يتغير ونرش عليه قليل من الملح والفلفل والكارى والكركم متكتريش علشان طعمه مايبقاش وحش يدوب نصف ملعقة صغيرة
- ثم نضع الارز البسمتى المغسول ونشوحه بسرعه مع الخضار ثم نضع الماء وملعقه صغيره ملح (لكل كوب رز نصف ملعقه صغيره ملح )والحبهان والقرفه الخشب ومكعبين المرقه
- ثم نغطى على الحله ولما تشرب ميتها نضع الشياطه ونهدى النار زى الارز العادى
- وتقدم فى سرفيس وبالهنا والشفا

تم نشره في: أكلات مطبخ الأميرة