فطاير التفاح بالبف بيستري من سارة عبد السلام

فطاير التفاح بالبف بيستري


المقادير

عبوة بف بيستري كبيرة
¼ كوب زبده سايحه
1 بيضة مضروبة شوية


مقادير حشوة التفاح

3 تفاحات متوسطة
½ كوب عصير تفاح
¼ كوب سكر
2 معلقة صغيرة قرفة
¼ معلقة صغيرة جوزة الطيب
¼ معلقة صغيرة قرنفل
½ معلقة صغيرة فانيلا
¼ كوب زبيب
زبده



الطريقة

لعمل الحشوة نقشر التفاح ونقطعه مكعبات صغير جداً، ننقع التفاح في عصير التفاح علطول عشان لونه ميتغيرش، نسخن شوية زبده ونشوح فيها التفاح مع إضافة السكر وكل التوابل، نسيب التفاح على النار لحد ما تنشف كل المياه اللي فيه ونضيف الزبيب، نشيل من على النار ونضيف الفانيليا ونسيب الحشو يبرد خالص قبل ما نستخدمه

نفرد العجينه رفيع ونقطعها دوائر أو أي شكل تاني نحبه، نضيف شوية حشو في النص وندهن الأطراف بالبيض ونقفل كويس مع الضغط بشوكة عشان نتأكد إنها مش حتفتح في الفرن

نجيب صينية خبز وندهتنها بزبده، ندهن كمان كل الفطاير بزبده من الناحيتين ونرصهم على الصينية، نخبز في فرن ساخن لحد ما يبقى لونهم ذهبي جميل، نطلعهم من الفرن ونسيبهم يرتاحوا 10 دقائق قبل التقديم، وممكن تقدم مع آيس كريم فانيليا أو كريمة


وبالهنا والشفا

تابع القراءة »

تم نشره في: أطباق سارة عبد السلام

الديك الرومي المحمر في الفرن من Frawla

المكونات

• 
  
• 1 ديك رومي وزن 5/ 7 كيلو
• 2 بصله مبشوره
• 2 كوب عصير برتقال
• 1 م ص زعتر جاف
• 1 م ص روز ماري
• ا ليمونه مقطعه بالقشر
• 1 تفاحه
• 2 حبه جزر مكعبات
• 1 حبه فلفل رومي مقطع بصله
• بصله
• ثوم بالقشر
• 2 م ص ملح
• 2 م ص فلفل اسمر
• 2 م زبده

الطريقه

• 1 - ننظف الديك جيدا ونغسله اكتر من مره
• 2- نتبله بعصير البصل المفروم والملح والفلفل ونتركه لمده ساعه علي الاقل او من الليل
• 3- نصفي الديك واحشيه بالليمون والبصل والثوم والزعتر والروز ماري والتفاحه ويغلق الديك بالخيط او الخله
• 4- نضع الديك في ورق الفويل ونضع مكعبات الجزر والفلفل
• 5- نضع الديك في صينيه مع قص احد الاطراف الورق الفويل وادخل الصينيه الفرن في الرف الاوسط علي حراره متوسطه
• 6- بعد مضي حوالي ساعتين علي الاقل يفتح الفويل ويدهن الديك بالزبده ويسقي بنصف كوب من عصير البرتقال فقط وبعد نصف الساعه تكرر العمليه مره اخري حتي يحمر الديك وينضج
• عند التقديم يفك الخيط او الخله ويفرغ الديك ويرمي الحشو ونضع الديك في طبق التقديم مع الارز بالكاري والخضروات ويزين بالمكسرات ويقدم معاه السلطه وبالهنا والشفا
• ديه طريقتي

تابع القراءة »

تم نشره في: اكلات ستات البيوت

شارلوت الفراولة من Vanessa Masri

شـــارلـوت الـفـراولــة

المكونات
_كيك سويسرول فريز جاهز انا استخدمت أمريكانا

 _ علبة كريم شانتيه فريز ويندميل أو أي نوع آخر

 _ كوب حليب بارد

 _ 2 ملعقة طعام مربى فريز

 _ جبنة كيري 8 قطع بحرارة الغرفة

 _ ملعقة طعام بودرة جيلاتين مذوب بربع كوب ماء ساخن 

_ طبق عميق لوضع الكيك بداخلها

الطريقة :

 في وعاء تُخفق جبنة الكيري حتى تصبح كريمية وناعمة الملمس..

 في وعاء آخر تُخفق الكريما مع الحليب البارد ومربى الفريز ثم تضاف إليها الجبنة وتخفق وأثناء الخفق تضاف الجيلاتين المذوب بالماء الساخن ونستمر بالخفق إلى أن تتجانس المكونات مع بعضها البعض

تُقطع السويسول إلى حلقات ونغلف الطبق العميق بنايلو لاصق ونصف قطع السويس رول داخل الطبق في القاع وعلى الجوانب ثم نسكب خليط الكريما بداخل الطبق فوق السوسرول المصفوف ونملؤها للاعلى ثم نغطي مزيج الكريما بطبقة من قطع السويسرول وبعدها نغلف الطبق بالنايلون الاصق ونضع الطبق في الثلاجة مدة 4 ساعات على الأقل حتى تتماسك الكريما وبعدها نقلب الطبق رأساً على عقب ونزيل النايلو الشفاف عنها ونحصل على هذا الشكل كما ظاهر في الصورة

تابع القراءة »

تم نشره في: أطباق Vanessa Masri

كبدة دجاج بالمشروم من ام سارة

حنشوح البصل الاول ومعام الثوم ثم انزل بالكبدة اشوحها

 

 بعد كدة احط عليهم المشروم واقلب كويس

 ثم احط شوية مية واسيبها لحد متستوي

 وبعد كدة اخد نصفها علي جنب او في طاسة تانية واضع النصف الاول ملح وفلفل ومعلقة صويا صوص وتقلبتين واشيلها من عالناراما النصف التاني احطله مكعب مرق وفلفل وشويه كريمة لباني مع شوية دقيق زي البيكاتا ( انا عملت نصفها بالصويا صوص ونصفها بالكريمة )

تابع القراءة »

تم نشره في: أطباق ام سارة

سويسرول حادق من Safy Om Amr

سويسرول حادق

المقادير

 3كوب ونص دقيق ـ ملعقه كبيره خميره ـ م سكر ـ م ملح
نص كوب زيت ونص سمن
بيضه ـ كوب ماء دافئ
نضيف الملح للدقيق ثم السمن ثم الخميره ثم البيضه والميه ونعجنها 10 دقايق ونغطيها ونسيبها تختمر

الحشوه :
بصل وجزر وتونه ومايونيز وكاتشاب وزودت زيتون نخلطهم مع بعض وتبلتهم بملح وفلفل وممكن الحشوه تكون لحمه معصجه او جبنه قريش بالنعناع او سوسيس

نقسم العجينه نصين

 نكورها

نفردها بالنشابه مستطيل ونفرد الحشوه ونبرم رول

 ننقله بصاج مدهون ونتركه يخمر تاني

 

ندهن الوش ببياض بيضه وملعقة سكر وشوية لبن صغيرين نضربهم وندهن

ندخله الفرن 

وبعد خروجه نقطعه ونقدمه بالهنا والشفا

تابع القراءة »

تم نشره في: اكلات ستات البيوت

كريم بروليه من الشيف غادة التلي

كريم بروليه

المقادير:


* 1 لتر كريمة سائلة
* 8 صفار بيض
* ½ كوب سكر
* بيضة
* فانيلا (يفضل استعمال نوع جيد)
* سكر للوجه

الطريقة:

* نخفق الصفار مع السكر جيدا حتى يفتح لونه

* نضع الكريمة في وعاء على النار مع الفانيلا حتى تصبح الكريمة دافئة

* تضاف الكريمة تدريجيا لخليط البيض و نقلب

* نضع الخليط في قوالب ثم نضع القوالب في حمام مائي في الفرن على درجة حرارة 220 درجة لمدة 25 دقيقة تقريبا

* نضع القوالب في الثلاجة 4 ساعات على الأقل

* نرش السكر على وجه القوالب ثم نضعها تحت مشواة الفرن المسخنة سابقا حتى يتحول لون السكر إلى الذهبي

* يمكن استعمال ال (Torch) في كرملة السكر فتكون النتيجة أسرع و بالتالي احتفاظ الكريم برولية بدرجة البرودة

تابع القراءة »

تم نشره في: وصفات الشيف غادة التلي

بالفيديو شيش طاووق وشوكليت كيك من الشيف ايمن العطار

شيش طاووق وشوكليت كيك من الشيف ايمن العطار

المقادير الشيش طاووق

مقادير شوكليت كيك 

صورة الوصفتين

لمتابعة الفيديو من الشيف ايمن العطار

تابع القراءة »

تم نشره في: وصفات الشيف أيمن العطار

تجهيزات رمضان 3 ( بعض الاكلات والتجهيزات الخفيفة)

البصل : يقشر و يخرط او يفرم صغير ونضعة فى طبق فيبر ويجمد ولما تعوزى تستخدمية .تخدى بالسكينة الحته اللى انتى عوزاها وتسيبى الباقى مجمد زى ماهو 

الثوم : تقشرية ولسهوله التقشير حطية فى طبق بة ماء حتلاقى القشرة طلعت بسهولة تروحى فرماة كلة فى الكبة و تحطية فى ورق فويل على هيئة رولات (يعنى زى الهوهوز )
الكرنب : يسلق ورق الكرنب عادى فى ماء وملح وكمون وتقطفية مربعات جاهزة للحشو و ترصصيهم فوق بعض فى كيس نايلون او طبق فيبر

الورق العنب :تشتريةوتضعيه في ماء مغلي لمدة 3 دقائق ثم ماء بارد  ثم تنزعي منه العود وترصي الورق فوق بعضه وتكيسيه في الفريزر وعند الاستخدام اخرجيه قبلها بوقت  ضعيه في ماء بارد واستعمليه

شوربة العدس : تسلقى العدس وتصفية بالمصفاة ولما يبرد تحطية فى اكياس نايلون ولما تيجى تستخدمية تفضى الكيس فى حلة وتزودية بماء مغلى و تتبلية وتعملى التقلية وبقيت شوربة عدس سريعة

الكوردن بلو : برضة بعد ما تحشية وتعملية بيض وبقسماط وترصصيهم فى طبق فايبر بجانب بعض

الشبت والبقدونس والكسبرة الخضراء : تخرطيهم بالسكينة زى ماهما ومن غير غسيل وتحطى كل نوع فى كيس لوحدة و تعقدية وتخلية تحت فى الثلاجة عادى

البطاطس المحشية : تجيبى البطاطس المدورة الصغيرة وتقشريها وتقوريها و تحمريها يعنى يا دوب تلفيها فى الزيت او السمن و تطلعيها من المقلاية وتحشيها بالعصاج وترصصيهم فى صينية المونيوم وعند الاستخدام بتطلعيها زى ماهى على الفرن على طول بس بتحطى الصلصة فى الصينية الاول
2- او بعد ما تحمريها تشيليها زى ما هى فى الاطباق بدون حشو

الطماطم : اما تغسليها وتقطعيها وتضربيها فى الخلاط وتصفيها من القشر و تحطيها فى برطمانات
2- او بعد ما تصفيها تحطيها فى حلة كبيرة وتحطيها على النار وتسبيها على النار تتسبك (يعنى تتخن وتقل )بعد ماتبرد تعبيها فى البرطمانات

تابع القراءة »

تم نشره في: سحور وفطور

تجهيزات رمضان 2 ( اعداد اللحوم وتتبيلها وتفريزها)

كفتة : تجيبى اللحمة المفرومة وتبليها وتجهزيها وتعملى جزء منها كور علشان داوود باشا وترصصيها جنب بعض فى الطبق الفيبر وتحطى الطبق فى كيس نايلون وتدخل الفريزر 

2- وتعملى جزء منها صوابع وتخرميها من النص بأيد المعلقة الخشب وترصصيها جنب بعض فى الطبق وتحطى الطبق فى كيس نايلون ودى تبقى كفتة للشوى 

3- وتعملى جزء منها من غير ما تخرميها من النص ودى تبقى للصينية 

فراخ مشوية او صينية : تغسلى الفرخة وتنضفيها وتفتحيها من ضهرها بالطول بالسكينة و تتبليها تمام وتحطيها بنفس الطريقة

فراخ بانية : تحيبى شرائح الصدور البانية ونعملها بالبيض والبقسماط وترصصيها فى الطبق بس تحطى كيس نايلون بين صفوف الفراخ علشان ما تلزقش فى بعض

بفتيك بانية : نفس طريقة الفراخ البانية بس تدقى البفتيك الاول بالمدق المخصوص 

صيتية المكرونة بالبشاميل : تعمليها تمام وبعدين تحطيهافى صينية فويل وتدخليها 

الفريزر الاول من غير ما تغطيها لحد البشاميل اللى على وشها ما يجمد وبعدين تغطيها بورقة فويل ( علشان البشاميل وهو طرى حيلزق فى الغطاء ) ولما تيجى تستعمليها قبل ما تدخليها فى الفرن تضربى البيضة بالشوكة و تحطيها على الوش

 صينية المسقعة: بنفس طريقة المكرونة اللى بالبشاميل 

 اللحمة المفرومة :نعمل العصاج عادى بدون الصلصة وبعد ما يبرد نحطة فى اكياس نايلون بس بكميات مش كبيرة يعنى على أد صينية واحدة بس (سواء رقاق .سواء بطاطس بيورية

 صينية اللازانيا : نفس طريقة المكرونة بالبشاميل 

كفتة الفراخ : تتعمل عادى وتتصبع وتتحط عادى فى البيض والبقسماط وتترصص فى الاطباق الفل بجانب بعض

 الكبيبة الشامى : بعد ما تكوريها ترصصيهم فى الطبق الفيبر وتحطيهم الاول لحد ما يجمدوا وبعدين ترصصيهم جنب بعض وتحطى الطبق فى كيس نايلون 

 فراخ مسلوقة. اسلقى فرخة عادى ولما تبرد لفيها فى ورقة فويل وتطلعيها عالاستخدام على طول و تكونى حاطة الشوربة بتاعتها فى برطمان معاها

الحواوشى : بعد ما تحشى الرغيف تلفية فى ورقة الفويل ولما تستخدمية تطلعية على الفرن على طول 

 السمبوسك والسبرينج رول :بعد ما تحشيهم ترصصيهم فى الطبق الفيبر وتطلعيهم على التحمير

 الكبيبة الصينية : تعمليها فى صوانى المونيوم وتحطيها فى كيس وعلى الفريزر

تابع القراءة »

تم نشره في: سحور وفطور

تجهيزات رمضان 1 ( تجهيز الخضروات)

جهزى الخضار قبل رمضان وضعية فى الفريزر

 

البسلة
فصصى البسلة واسلقيها فى ماء مغلى لمدة 3 دقايق ثم شيليها وضعيها فى مصفاة واشطفيها بالماء البارد لحد ما تبرد وحطيها فى الاكياس النايلون النظيفة
الجزر
اكشطى الجزر بالسكينة و اغسلية وقطعية اما اصابع طويلة رفيعة او حلقات واسلقية فى ماء مغلى لمدة 3 – 5 دقايق ثم شيليه وضعيه فى مصفاة واشطفيه بالماء البارد لحد ما يبرد وحطيه فى الاكياس النايلون النظيفة
الفاصوليا
شيلى طرفين الفاصوليا الرفيعين ثم قطعى الفاصوليا بالسكينة بالورب والطول حسب ما بتحبى و واسلقيها فى ماء مغلى لمدة 3 دقايق ثم شيليها وضعيها فى مصفاة واشطفيها بالماء البارد لحد ما تبرد وعبيها فى الاكياس النايلون النظيفة
السبانخ
ياريت لو تكون طازة مرعرعة اغسليها كويس وضعيها فى المصفاة لحد ما تصفى مايتها ثم قطعيها بالسكينة (خرطيها).اسلقيها فى ماء مغلى يادوب مغطيها بس لمدة 3 دقايق وبعدين تشيليها وتبرديها بالماء بسرعة وتضعيها فى المصفاة علشان تتصفى كويس من مايتها وقبل ما تعبيها فى الاكياس اضغطى عليها برضة بأيدك علشان مايبقاش فيها ماء خالص
الملوخية
اغسلى الملوخية كويس وقطفيها وافرشيها على جرنال فى الشمس علشان تنشف ثم خرطيها بالمخرطة المخصوصة بالملوخية (اظن كلكم عارفينها اللى عاملة زى القارب ) نضع عليها من 3 ل 4 معالق كبيرة اما ماء او شوربة وقلبيها كويس يعنى كأنك بتفكيها ثم تعبى فى اكياس وتبططيها بأيدك علشان تبقى زى الاكياس اللى بنشتريها او ممكن فى علب بلاستيك
ملحوظة ...لكل نص كيلو ملوخية من 3 ل 4 معالق كبيرة شوربة او ماء
القرنبيط
شيلى الراس الكبيرة الجامدة وقطعيها وردات صغيرة منفصلة عن بعضها واسلقيها فى ماء مغلى لمدة 3 دقايق مع وضع عصير ليمونة الى الماء المغلى حتى يفضل لون القرنبيط ابيض زى ماهو تشيلية من الماء وتسبيه لحد ما يبرد وتعبية فى الاكياس
الباذنجان
نقشر البزنجان ونقطعه اما حلقات تو مربعات (زى ما انتى عاوزة )ورشى علية شوية ملح ولما يطلع مايته اضغطى علية بأيدك . ثم اقلية فى الزيت لحد ما يبقى لونه دهبى ثم يوضع على الورق الماص للدهون لحد ما يبرد .تعبيه فلى اكياس على هيئة صف بجانب بعض ثم ضعى فوقه قطعة ورقة زبد وبعدين رصصى الصف التانى .
ملحوظة
لما بتسلقى الخضار مثلا 3 دقايق يبقى تبردية تحت ماء الحنفية برضة 3 دقايق يعنى نفس وقت الغلى لازم يكون هو نفسه وقت الشطف
لاتضعى اى ملح على الخضروات الا بعد ما تطبخيها وتستوى
لازم وأنتى بتعبى الخضار فى الاكياس تفضى الكيس كويس من الهواء
عند تسويتها توضع على طول وهى مجمدة من غير ما تسيحيها

تابع القراءة »

تم نشره في: سحور وفطور