طريقة عمل العزيزية من Safy Om Amr‏

العزيزيه

المقادير

 تلت ارباع كيس مكرونه اسباجتي مسلوقه تلت ارباع سوا 

نص كيلو لبن 

ـ كوب ونص سكر

 ـ فانيليا

 ـ 3 اصفر بيض

 ـ كوب لبن 

ـ 3 ملاعق نشا 

نضرب المكرونه والسكر واللبن والفانيليا كويس جدا لحد ما الخليط ما يكون ناعم

 بعدين نصبه في صينيه مدهونه سمن 

 

نضيف مكسرات المتوفره وجوز الهند وزبيب

نجيب صفار البيض مع كوب اللبن والنشا وملعقتين سكر وفانيليا ونضربهم بالمضرب السلك ونوزعهم علي وجه الصينيه وندخلها 

الفرن لحد ما تاخد لون من فوق وتحت وبالهنا

تابع القراءة »

تم نشره في: اكلات ستات البيوت

كباب الحلة من memy elsayed

كباب الحله 

المقادير

كيلو لحم
بصلتان كبار
معلقه ثوم
ملح فلفل بهارات لحم
سمن
ماء
معلقتين ك لوز شرايح
معلقتين ك زبيب
التزين
**** تشوح اللوز والزبيب فى معلقه سمن صغيره
الطريقة
******
تقطع اللحمه قطع متوسطه
نشوح اللحم فى السمن لمدة دقايق
ثم نضع البصل المقطع ونشوح مره تانى حتى يدبل

نضع معلقة الثوم ونكمل تشويح وتاخد لون دهبى غامق نضع التوابل ونضع كوبين ماء ونسبها تستوى ونشفها من وقت 

للتانى عشان لو عايزه مايه ونكمل السوا حتى تنضج و تتقل 

وعند التقديم يغرف ويزين بشرائح اللوز والزبيب

تابع القراءة »

تم نشره في: أطباق memy elsayed

ستربس الدجاج الحارة مع صوص المسترده والعسل من سارة عبد السلام

ستربس الدجاج الحارة مع صوص المسترده والعسل

يا جماعه بجد الستربس دي من أحلى الستربس اللي كلتها وفعلاً أحلى من أي حاجه ممكن تجيبيها من أي مطعم ولا مجمده ولا أي حاجه من ده وسهله جداً وأنا كمان عملت كمية منها النص قليته وطلع روعه والنص التاني خبزته في الفرن تاني يوم ومجرد إني دهنت الصينية بشوية زيت ووش الستربس بشوية زيت برده وإتصدمت لما لقيت إنها طلعت ألى من المقلية كمان! يعني تاكلي منها وإنت ضميرك مرتاح وعارفة إنها مفهاش أي دهون تقريباَ ومفيده جداً فياريت الكل يخبزها مش يقليها


مقادير تتبيلة الدجاج

500 جرام صدور دجاج مخلية وبدون جلد
¼ كوب صوص توباسكو حار
½ معلقة صغيرة بابريكا
½ معلقة صغيرة بودرة ثوم
½ معلقة صغيرة بودرة بصل
2 معلقة كبيرة حليب رايب
ملح وفلفل أسود


مقادير الكرست

½ كوب حليب رايب
150 جرام كورن فليكس
½ كوب جبنة بارميزان
1 معلقة كبيرة أوريجانو
1 معلقة صغيرة بابريكا
½ معلقة صغيرة بودرة ثوم
½ معلقة صغيرة بودرة بصل
½ معلقة صغيرة فلفل أسود


مقادير صوص المسترده بالعسل

1/3 كوب زبادي
1 معلقة كبيرة مايونيز
¼ كوب مسترده
2 معلقة كبيرة عسل وممكن تقليل أو زياده الكمية حسب الذوق
ملح وفلفل أسود



الطريقة

تقطع صدور الدجاج شرائح سميكة وتتخلط كل مكونات التتبيله وتترك قطع الدجاج فيها ساعتين على الأقل ويفضل ليلة كاملة

لتحضير صوص المسترده نخلط كل المكونات ونسيبه لحد ما يستوي الدجاج

لتحضير الكرست ننقل اللبن الرايب في طبق عميق وفي محضر الطعام نضيف كل المكونات الباقية ونطحن بس نخلي الخليط خشن مش ناعم عشان يبقى كريسبي جداً بعد كده

نحط قطع الدجاج في اللبن الرايب ومنه على الكورن فليكس، نضغط كويس عشان الكرست تمسك ونجيب صينية خبز ندهنها زيت ونرص قطع الدجاج وندهن وشها أو نرشة بشوية زيت، نخبز لحد ما اللون يبقى ذهبي والكرست تبقى كريسبي وجميله ونقدم مع صوص المسترده والعسل


وبالهنا والشفا

تابع القراءة »

تم نشره في: أطباق سارة عبد السلام

دجاج محشي رز الجامسين مع تشكيلة خضروات مشوية في الفرن من سارة عبد السلام

وجبة الصينية الواحده: دجاج محشي رز الجامسين وتحتهم تشكيلة خضروات مشوية في الفرن



مقادير الدجاج والتتبيله

2 دجاجه صغيرة
¼ كوب زيت زيتون
2 معلقة كبيرة أوريجانو
½ معلقة كبيرة بابريكا
1 معلقة صغيرة بودرة ثوم
1 معلقة صغيرة بودرة بصل
1 معلقة صغيرة فلفل أسود
½ معلقة كبيرة ملح
¼ معلقة صغيرة جوزة الطيب
¼ معلقة صغيرة قرفة
2 معلقة صغيرة توابل دجاج


مقادير الرز للحشو

2 كوب رز جاسمين
بصله كبيرة مفرومة
2 ورقة لارو أو ورقة غار
6 قرنفل
2 حبهان
1 عود قرفة
2 معلقة صغيرة كركم
½ 1 كوب مرقة دجاج
سمنة
ملح


مقادير الخضروات

أي تشكيلة خضروات مقطعه قطع كبيرة
زيت زيتون
بابريكا
أوريجانو
ملح وفلفل أسود



الطريقة

نغسل الدجاج وننشفه من أي مياه، نخلط كل التوابل مع زيت الزيتون لحد ما يتكون عندنا خليط سميك زي المعجون، نقسم الخليط ده بالنص على الدجاجتين وندعك الدجاج ونفركة كويس بخلطة التوابل من جوه وبره وتحت الجلد كمان لحد ما كل مكان في الدجاجه يوصله التوابل، نسيب الدجاج في التلاجه يتبل لحد ما نخلص الرز والخضروات

دلوقتي نجهز الحشو، نغسل الرز كويس ونسيبه منقوع في المياه 20 دقيقه، في شوية سمنة نشوح البصل مع كل التوابل لحد ما البصل يدبل ويبقى شفاف، نضيف الرز ونشوحه 5 دقائق مع البصل والتوابل، نضيف مرقة الدجاج ونسيب الرز يشربها ومنقلبوش خالص إلا لما يشرب كل المرقة، نسيب الرز على جنب يبرد كويس قبل ما نحشي بيه الدجاج

لتجهيز الخضروات نضيفلها شوية زيت زيتون وبابريكا وأوريجانو وملح وفلفل أسود ونخلط كويس، نسيب الخضروات على جنب تتبل لحد ما نحشي الدجاج

نبدأ الحشي، نجيب الدجاج ونحشي التجويف كويس وكمان تحت الجلد وأي مكان ممكن يتحشي، نعمل رجلين الدجاج كروس ونربطهم كويس ونلف الرباط حولين الدجاج عشان نمسك الجنحان، نرص الدجاج في الصينية وحواليه الخضروات، بالفرشة ندهن صدر الدجاج بسوية زيت خفاف جداً ونرش الصدر بالملح والفلفل الأسود وندخلها الفرن ساعه ونص تستوي، لما نطلعها من الفرن نسيبها ترتاح 10 دقائق وبعدين نقدم وبجد حتاكلوا ألى أكله في ياتكوا


وبالهنا والشفا

تابع القراءة »

تم نشره في: أطباق سارة عبد السلام

تورتة الأيس كريم بالصور والخطوات من رشا موسى

طريقة عمل الآيس كريم من الرائعة رشا موسى

نحتاج هنا للوصفة

كيك اسبونج

فواكه مجمدة ( فراولة , مانجة, جوافة,)

علبة حليب مكثف

فواكه للتزيين ( اناناس , كيوي, خوخ)

الطريقة

اولا عملت الاسبونج الفانيليا
مقاديره
4 بيضات
كوب اللى ربع دقيق
نصف كوب سكر
معلقة صغيرة فانيليا
معلقة صغيرة بكنج بودر

 وتخلط بطريقة الكيك الاسفنجي 

نفرد الخليط فى صاج مقاس 50 فى 30

 بشكل ده ويدخل الفرن على درجة حرارة 180 لمدة 20 دقيق

بعد الخروج من الفرن

 مكونات سوبرى الفواكه2 علبة من الحليب المكثف المحلى خالى الدسم

3 انواع من الفواكه المثلجة وهنا فرولة مانجة جوافة
علبة اناناس كموت

اولا نخلط المانجة مع نصف علبة من الحليب المكثف

ويكون ده شكلها ولازم تكون الفاكها مجمدة

الفرولة مع نصف العلبة التانى

وبتكون بنفس الشكل ده

الجوافة مع باقى الحليب المكثف

وتكون بشكل ده ولازم لازم الفاكهة تكون تلج

اناناس ممكن فرولة ممكن خوخ

نخد مقاس الصينية من الاسبونج

ونقفل الصينية

نرس الاناناس

ثم نضيف جزء من المانجة

 ثم جزء من الجوافة

جزء من الفراولة

وهنا نفس الكلام بس صينية اصغر ويدخلو الفريزر من بالليل

ودة شكلها تاني يوم

وتبدأ مرحلة التزيين
الصور موضحة نفسها بعد كده

تابع القراءة »

تم نشره في: اكلات ستات البيوت

مسقعة بالخل والثوم من سارة عبد السلام

مسقعة بالخل والثوم

 
المقادير

5 حبات باذنجان مقشرين ومقطعين شرائح
5 فلفل أخضر مقطعين إرباع وبدون بذر
3 حبات فلفل أحمر حار
6 طماطم بدون قشر مقطعين مكعبات صغيرة جداً
¼ كوب خل أبيض
1/3 كوب ثوم مقطع شرائح
زيت ذرة أو عباد شمس
زيت زيتون
ملح وفلفل أسود



الطريقة

في طاسة كبيرة نضيف زيت خضروات ونقلي الباذنجان وبعديه الفلفل الأخضر والفلفل الأحمر نقليه سليم، نسيب كل الخضروات تتصفى على جنب

في حلة عميقة نضيف شوية زيت زيتون ونقلي الثوم وأول ما لونه يبدأ يبقى ذهبي نضيف الخل ونسيبهم دقيقة على النار، ننزل عليهم الطماطم وأول ما تبدأ تغلي نضيف الباذنجان والفلفل الأخضر والفلفل الأحمر، نسيبهم يغلوا بعدين نتبل بملح وفلفل أسود ونوطي النار خالص ونسيبهم متغطيين على النار لحد ما يتقلوا وكل النكهات تختلط، يتسابوا في الثلاجه يبرده وتقدم بارده مع خبز


وبالهنا والشفا

تابع القراءة »

تم نشره في: أطباق سارة عبد السلام

كيك الشيكولاته بالخوخ من رحاب البارودي

كيك الشيكولاته بالخوخ

المكونات :

2 كوب دقيق

ملعقة بيكنج بودر

3 بيض

3 ملاعق زبدة

2 ملعقة كاكاو بودرة

نصف كوب لبن

كوب سكر

خوخ مقطع  قطع كبيرة

 

الطريقة

  نخلط ال2 كوب دقيق وملعقة بيكنج بودر

  ثم  نخلط الزبد والسكر نضيف لهم البيض  مع نص كوب لبن  وملعقتين بودرة كاكاو ونخلط كويس وبعدين نضيف مكعبات خوخ سميكة فى الخليط ونضعه فى صينية وعلى فرن حار لمدة 20 دقيقة
ولما تطلع نزينه بمكعبات الخوخ وبشر الشيكولانه

وبالهنا والشفا

رحاب البارودي

تابع القراءة »

تم نشره في: أطباق رحاب البارودي

فلان بالشيكولاتة لذيذ من مسلمة لرب العالمين

فلان بالشيكولاتة 

المكونات

 عبوة فلان = الكاستر = الكريمة 

( ونتبع التعليمات على العبوة لتجهيزها)

بسكويت سادة 

للتزيين : شيكولاتة نوتيلا

الطريقة:

نجهز القوالب

 نضع  بسكويت السادة  (برانس)

 ثم نضيف عليه فلان شكولا ونغمس البسكوت في الفلان كلما طلع وندخله الثلاجة يبرد

بعد خروجها من الثلاجة نقلبها في اطباق التقديم 

و نزينها  بشكولاتة نوتيلا وشكولاتة تويكس

 هذا شكلها من الداخل

 بالهنا والشفا 

مسلمة لرب العالمين

تابع القراءة »

تم نشره في: اكلات ستات البيوت