تورتة بالشيكولاتة والفواكه المسكرة بالصور من مطبخ الأميرة ~ مطبخ الأميرة المصرية

تورتة الشيكولاتة من مطبخي الاميرة المصرية

المقادير

للكيكة الاسفنجية

8 بيضات

2 كوب الا ربع دقيق ( بتاع حلويات وكيكات موجود عند السوبر ماركت )

ربع كوب كاكاو غامق

2كوب الا ربع سكر بودرة

فانيليا

ملعقة كبيرة بيكنج بودر

للتزيين

2 عبوة كريم شانتيه ( حوالي 5 ملاعق كبيرة بودرة الخفق )

200 جرام شيكولاتة خام + 2 شيكولاتة جلاكسي

100 جرام شيكولاتة سايحة ( اشتريتها من عند بتاع ادوات الحلواني روعة وبتساعد على فرد الشيكولاتة على التورتة بعد تسييحها )

فواكه مسكرة ايضا من عند محل الحلواني للي ساكنين في اسكندرية (من سوق المنشية محل اسمه مطير عنده كل حاجة واسعاره حلوة)

كوب مياة غازية ( سفن اب)

الطريقة

نوقد الفرن قبل الاستخدام حتى تصل درجة حرارتخ ل 180 درجة

نبدأ بخفق البيض والسكر البودرة حتى يصير مثل الكريمة ويكون لونه فاتح مع اضافة الفانيليا وملعقة كبيرة ماء

ثم نضيف البودر للدقيق ويتم نخله عدة مرات لادخال الهواء فيه ونضيف الكاكاو ايضا

نبدأ نضيف الدقيق والكاكاو بالتدريج ونقلب بخفة من اسفل لاعلي

نجهز الصينية وندهنها سمن ثم نضع ورقة زبدة (( لو مافيش ورق زبدة (ورق الخبيز) )) نبطنها بالسمن والدقيق

نصب الخليط برفق وندخله الفرن في الرف الاوسط لمدة 35 دقيقة ولا نفتح الفرن مطلقا قبل مرور 30 دقيقة

نخرج الصينية ونتركها دقيقتين ثم نقلبها على منخل سلك ونتركها تبرد تماما

مرحلة التزيين

نجهز حمام ماء ونضع فيه الشيكولاتة الخام مع الشيكولاتة الجلاكسي

وفي نفس الوقت نجهز الكريم شانتيه بالخفق ( 5 ملاعق كبيرة بودرة كريم شانتيه مع ربع كوب ماء مثلج او لبن مثلج ) ونضع عليه قليل من الشيكولاتة السايحة الجاهزة

نبدا بتقسيم الكيك الي قسمين ونرش علي القسمين كوب السفن اب ثم نضع كمية من الكريم شانتيه في المنتصف ونضع النصف الآخر عليها ( لو اردتي وضع فواكه مسكرة في النص او مكسرات دي حسب ذوقك)

نأتي بالشيكولاتة الخام والجلاكسي اللي عملناها على حمام ماء ساخن ونضع عليها كمية الشيكولاتة السايحة الجاهزة ايضا ونصبها فوق الكيك ونفردها بواسطة السكين الخاص بالتورتة وننزلها على الجوانب ونساويها

نضع كمية من الكريم شانتيه في قرطاس التزيين ونعمل وردات على مسافات متباعدة

ثم نقوم بعمل دوائر من الداخل للخارج .. نمسك سكينة ونسحب الدوائر من الداخل للخارج لتعطي هذا الشكل

نضع قليل من الفواكه المسكرة للتزيين على الوجه والجوانب

اي استفسار عن اي شئ انا تحت امركم

الاميرة