الــتفــاح المــقــرمــش من علا عبد المنعم

المقادير:
=====

1/2 كوب دقيق
1/2 كوب سكر ابيض عادى
1/2 معلقة صغيرة قرفة
5 معالق كبار زبدة
1/4 معلقة صغيرة ملح
1/3 كوب شوفان
1/3 كوب جوز مفروم

لخليط التفاح هنحتاج
6 تفاحات متوسطى الحجم
1 معلقة صغيرة عصير ليمون
3 معالق كبار سكر ابيض عادى

 الطريقة :

 اولا سخنى الفرن على 375 درجة

ثانيا اخلطى كل المكونات الاولى مع بعض

 هتجيبي التفاح وتقشريه

 وهتقطعيه بقطاعة التفاح

 بعد كده هتقطعيه مكعبات

 بعد كده هتضيفي عليه باقى مكونات خليط التفاح

 وتخلطيهم مع بعض كويس

هتجيبي الصينية او القالب وتدهنيه بالزيت او الزبدة على حسب مانتى عايزة

 هتصبي بعد كده خليط التفاح

بعد كده هتوزعى فوقه الخليط الاولاني

وهتدخليه الفرن لمدة 40 دقيقة او لحد مايتحمر ويبقى لونه جميل

 هتسيبيه يبرد لمدة نص ساعة بعد كده استمتعى بالطعم اللذيذ

قدميه مع الايس كريم

وصحتيييين

تم نشره في: أطباق علا عبد المنعم