تــــورتـــــة الـــجـــيـــلــي بالـــصـــور والخطوات من مطبخ الاميرة

اليوم جايبة لكم وصفة حلويات خطيرة

طعهما يجنن وشكلها كمان

تـــورتــة الــجــيــلي


المقادير



كيك اسفنجي

4 عبوات جيلي (3 فراولة وواحدة مشمش او اناناس)

موز

فراولة

تفاح


ندخل على الطريقة

طبعا الكيك الاسفنجي كلنا عارفينه لكن حقول المقادير
وفي مرة جاية حعمله واصوره

8 بيضات

2 كوب دقيق

1/2 1 كوب سكر بودرة ناعم اوي

فانيليا

ملعقة بيكنج بودر

نقطتين عصير ليمون



بعد ما نجهز الكيك الاسفنجي ويكون بالشكل دة

نتركه يبرد ..



نجهز الجيلي المشمش او الاناناس باذابة العبوة في كوب واحد ماءمغلي ..

ثم نضعه في الصينية ونضعها على الرف الاول في الثلاجة



بعد ما يجمد خالص نطلعها ونقطع الموز والفراولة والتفاح
(لو عندك اي فاكهة تانية تنفع حطيها)
ونكون جهزنا جيلي الفراولة ال 3 عبوات في 4 اكواب ماء مغلية

نضع الفاكهة في الصينية بالشكل الزخرفي اللي تحبيه



وفوقها مقدار كوب جيلي فراولة



وندخلها الثلاجة لمدة ساعة تجمدوتكون بالشكل دة



وبعد كدة نطلعها ونضع نصف كوب بس من الجيلي

ثم نضع الكيك الاسفنجي



ونضع عليه باقي الجيلي كله

(ممكن تقسمي الكيك نصفين وتحشيه كريم شانتيه لو تحبي )



دخليها الثلاجة ساعتين او ثلاثة

وبعدين طلعيها ..

والخطوة الجاية دي مهمة جدا عشان تقليبها صح

حطي الصينية على نار هادئة ولفيها بسرعة فوق النار

وانتي بتعدي من 1 لـ 15 بس

وشيليها بسرعة وهاتي صينية تقديم على المقاس واقلبيها

حتنزل سليمة

ودة شكلها بعد القلب


صورة تانية من طائرة هليكوبتر



خلاص الولاد مش قادرين قطعتها وامري لله ما لحقتش افرح بيها



اتفضلوا معانا

يارب تكون تورتة الجيلي عجبتكم
وانتظروني لسة كتيييييير
في الطريق خلوا بالكم من صوابعكم

تم نشره في: أكلات مطبخ الأميرة,حلويات شرقية وغربية