كيك الشكولاتة من وئام عرفان Wiaam Irafane

السلآآام عليكم و رحمة الله
اهداء إلى هذا المطبخ الرائع و الراقي من Wiaam IRAFANE

هدي كيكة حضرتها البارح و خرج طعمها روعة و قلت نشاركها مع البنات خاصة المبتدئات و تيقو بيا طعمها روعة
المقاديييير : 

150 غ شكلاط ابيض ( شكولاتة بيضا)

3 بيضات

كاس سنيدة ( سكر بودرة)

3 ملاعق كبيرة زبدة

ملعقة كبيرة قشرة الحامض محكوكة (مبشورة)

ربع كاس عصير الحامض (الليمون)

نص كاس حليب (لبن)

3 كؤوس دقيق

ملعقة باكينغ باودر

الطريقة

نضرب البيض بالخلاط الكهربائي مع السكر سنيدة  (بودرة)حتى يتضاعف حجمه،
و ندوبو الزبدة و الشكلاط فحمام مريم (حمام مية)
نضيفو على البيض الحليب ( اللبن)، عصير و قشرة الحامض (الليمون)، الشكلاط الذائب مع الزبدة و نخلطو مزيآآان، و فالاخييير نضيفو الدقيق و الباكينغ باودر و نخلطو حتى ينسجمو العناصر و ندخلوها فران ساخن على نار متوسطة
ملي نخرجوها ممكن نزينوها باللي حبينا، شكلاط أبيض و شكلاط أسود
أنا عملت شكلاط أبيض ذوبتو مع حليب مركز محلى و زينتو برقائق اللوز و الفرمسييل كنت ناوية نزينو بخطوط الشكلاط بحال ميلفوي لكن ما توفرش لي الشكلاط الاسود
و بالصحة و العافية ^^

تم نشره في: اكلات ستات البيوت