5/07/2012 11:09:00 ص
بريوات مغربية بالدجاج والتين والبرقوق المجفف والقرفة
طبعاً البريوات ليها عجينة مخصوص بتتعمل في البيت وأنا حاولت أعملها وفشلت فشل ذريع لإنها صعبة جداً في طريقة تسويتها ومعرفتش أعملها خالص! أنا سمعت نصيحة آسيا وإستخدمت عجينة السبرنج رولز لإن آسيا قالتلي إنها نفس الحاجه تقريباً وفعلاً طلعت جميله جداً
المقادير
باكيت عجينة سبرنج رولز
500 جرام صدور دجاج مقطه شرائح رفيعه وصغيرة
2 بصله حمراء مقطعه شرائح
معلقة صغيرة ثوم مفروم
معلقة صغيرة قرفة
½ معلقة صغيرة جنزبيل
رشة جوزة الطيب
ملح وفلفل أسود
زيت زيتون
¼ كوب تين مجفف
¼ كوب برقوق مجفف- قراصية
الطريقة
نسخن زيت الزيتون ونشوح البصل لحد ما يدبل، نضيف الثوم والدجاج وكل التوابل ونسيب الدجاج يستوي، في نفس الوقت نضيف الفواكه المجففة لشوية مياه مغلية ونسيبهم على النار لحد ما يطروا وينفشوا كويس، نشيلهم من المياه ونصفيهم كويس من المياه ونقطعهم قطع صغيره، نشيل الدجاج من على النار أول ما يسوي ونضيف الفواكه المجففة عليه ونسيبه يبرد تماما قبل ما نلف الرولز، نبدأ باللف ونقلي في شوية زيت لحد ما اللون يبقى ذهبي ونقدم علطول
وبالهنا والشفا
تم نشره في: أطباق سارة عبد السلام
المشاركات
0 التعليقات:
إرسال تعليق
ضع تعليقك هنا