باجيلز من سارة عبد السلام

باجيلز


المقادير

كيلو دقيق
معلقة صغيرة ملح
معلقة صغيرة سكر
100 جرام زبادي
3 معالق كبيرة زيت
50 جرام خميرة طازة
550 مللي ماء دافئ
1 معلقة بيكنج باودر


الطريقة

نخلط الدقيق والسكر والملح مع بعض، نضيف الزبادي والزيت ونفتفت فوقهم الخميرة، نضيف المياه ونعجن لحد ما العجينة تبقى ناعمة جداً مش بتلزق في الإيد خالص، أنا زودت 3 كوب دقيق عشان أوصل لإنها متلزقش خالص، نسيب العجينة تخمر نص ساعة، أنا دايماً يشغل الفرن 10 دقايق يسخن وأقفله وبعدين بغطى العجينة بفوطه مبلولة وأحطها تخمر في الفرن الدافى، بعد النص ساعة نطلع العجينة ونفردها تخين وبالقطاعات نعمل دواير مخرومة دايرة من النص

في صينية كبيرة نغلي مياه مع معلقة كبيرة سكر ومعلقة كبيرة بيكنج باودر وأول ما المياه تغلي نحط البيجلز، أول ما يطلعوا على الوش نطلعهم من المياه ونحطهم في صينية الخبز، نجهز بيضة معاها رشة ملح وفلفل ندهن بيها وش البيجيلز وبعدين نرش اللي يعجبنا حبة بركة أو سمسم أو زعتر أو أي حاجة نحبها، نخبزها لحد ما تنفش شوية ووشها يحمر ونفدمها مع أي جبنة نحبها


وبالهنا والشفا

تم نشره في: أطباق سارة عبد السلام