6/19/2012 09:44:00 م
ستات كتير عاملين رجيم لكن احيانا يتعارض الرجيم بوصفاته مع اكل باقي افراد الاسرة والنتيجة اننا نكسل نكمل رجيم عشان مانعملش اكل مخصوص لوحدنا
بس مع شوية اصرار وتفتيح مخ تقدري تاكلي نفس اكل باقي افراد العائلة لكن بطريقة مختلفة
اليوم مثلا كنت عاملة سمك مقلي وارز وصلطة اكل عادي زي اي بيت
لكن فكرت ان السمك المقلي بيشرب زيت مهما حطيناه على ورق مطبخ
والنتيجة انني ممكن اخسر يوم على الفاضي
اخدت نصيبي من السمك وعملته بطريقة تتماشى مع الرجيم والدايت عشان احافظ على وزني :)
وطلع اكتر من رائع والطعم يجنن وبدون اي زيوت او دهون نهائي ولا نقطة واحدة
تابعوا معايا الطريقة
طبعا بعد ما قطعت نصيبي من السمك الفليه قطع وتبلته بالملح والكمون والثوم
قطعت طماطماية و2 فلفل اخضر وبصلة شرائح وفصين ثوم
وجبت ورق الومنيوم حطيت شرائح السمك وتحتها وفوقها الخليط دة طماطم وفلفل وبصل وثوم
ورشيت ملح وكمون
وقفلت عليها ودخلتها الفرن لمدة نص ساعة
وبعدين فتحت ورقة الالومنيوم وحطيتها تحت الشواية تاخد لون
وطلعتها كانت تجنن ريحة وطعم
وطبعا اكلتها كدة لوحدها مع سلطة وشبعت وكله تمام :)
وممكن اي نوع سمك بلطي او بوري تعمليه كدة وبيكون جميل برضه
يارب غدايا اليوم يكون عجبكم
تم نشره في: أكلات مطبخ الأميرة
المشاركات
1 التعليقات:
فعلا اكله صحيه جدا وشكلها يشهى جدا يمى يمى
تسلم ايديكى يااارب
إرسال تعليق
ضع تعليقك هنا