طريقة تخزين المانجو من مطبخ الأميرة

طريقة تخزين المانجو أو المانجه

والغاية طبعا أن نحتفظ بالطعم والريحه الرائعه للمانجو

وبرضه نحافظ عالقيمه الغذائيه

اول طريقه (1)

تجيبى المانجه زى ما هيا تغسليها كويس جدا بماء جارى من الحنفيه

وممن تستخدمى قطعه اسفنجيه خشنه علشان لو فيها حتت جمده بره عالقشره تقدرى تشيليها بسهوله

وتحطيها فى الفريزر زى ما هيا بالظبط بعد وضعها في كيس طبعا

ولما تحبى تستخدميها شليها من الفريزر على مايه سخنه وشيلى القشره هتلاقيه رقيقه جدا وتتطلع بسهوله

او ممكن تقشريها تحت الحنفيه زى البطاطسايه

وتشيلى لحمه المانجه بالسكينه وحطى فى الخلاط وشويه مية وسكر

واشربى احلى كوبايه عصير لاحلى عضوات في صفحة مطبخ الأميرة

الطريقه التانيه (2)

ودى بقى للى مش عندها مكان فى الفريزر

واهم نقطه هيا انك تشيلى البزر او اللب علشان ميخدش مكان معاكى

بص يا حلوه ... اغسلى برضه المانجه كويس قوى زى ما ذكرنا قبل كده

واقطعى المانجايه نصين بالطول او العرض زى ما يحلو لكى

شيلى البزره

وحطى المانجه بالقشر فى كيس كل مانجايه او مانجايه ونص فى كيس نظيف واربطيه كويس او استخدمى الدباسه

ورصيها فى الفريزر مش هتاخد معاكى مكان

وهتبقى سهله الخفق لما تخرجيها شيلى القشره بالسكينه

وحطى فى الخلاط ومية وسكر زيك طبعا

هتتطلع حلوه قوى

الطريقه الثالثه (3)

هاتى المانجو اغسليها كويس قوى كما ذكرنا سابقا

وقطعى المانجو حتت بعد ما تقشريها كويس طبعا

وحطيها فى اكياس نظيفه

والفريزر

ولما تحبى تستخدميها حطيها مباشره فى المكسر ومايه وسكر

وبالللللللف هنا

تم نشره في: طرق التخزين