رز خلطة على طريقة الشيف شربينى من رشا موسى

رز خلطة

 

 اولا لكل كيلو رز 3 معالق سكر فى حلة على النار لحد ما ياخد لون الكراميل الذهبى

 بالشكل ده

 ثم نضيف الماء والملح وذرة فلفل لحد ما يغلى الماء

 ثم نضيف الزبدة والزيت

 وده بعد ما ضفت الرز

 و دة شكل الرز بعد السوا

 نعمل الخلطة
نحمر بصلة مع قطعة زبدة

 ثم نضيف على البصل كبدة فراخ

 ثم نضيف زبيب أوأي نوع مكسرات انتى بتحبيها وملح وفلفل

وده شكل الرز قبل اضفت الخلطة عليه

الطبق النهائي رز بالخلطة

بالهنا والشفا  

رشا موسى

تابع القراءة »

تم نشره في: أطباق رشا موسى

طاجن الرز المعمر من رشا موسى

 

طاجن الرز المعمر
المقادير
3 كوب رز مصرى مغسول
3 كوب لبن
نصف كوب ماء
ملح ونصف كوب كريمة لبانى او قشطة
4 معلق زبدة معلقة صغيرة سكر

 اولا نغلى اللبن

 ثم نضيف عليه الزبدة

 اولا لازم يكون الطاجن سخن جدا
نضيف على الرز الملح والسكر ونقلبهم كويس

 ثم نضيف البن المغلى على الرز وعليهم الكريمة ويدخل الفرن تحت الشوية الاول لحد ما يعمل وش احمر نطفى الشوية ونشغل الفرن من تحت لحد ما يتشرب نهدى النار وممكن نحط غط على الوش عشان البخار بس بعد ما يحمر الوش

 طاجن الرز المعمر بعد الخروج من الفرن

شكل البرام من قريب

بألف هنا وشفا    رشا موسى

تابع القراءة »

تم نشره في: اكلات ستات البيوت

ملوخية ملوخيتي المصرية جدااااا بالصور من مطبخ الأميرة

لكل شيخ طريقة .. أثناء تجولي في النت شاهدت الكثير من طرق الملوخية  منها ما عجبني ومنها وجدته غريب عن الملوخية المصرية الأصيلة ...

اصل الملوخية دي في مصر عندنا حكاية عشق من قديم الأزل ... قربنا نأخدوها حقن عضل من كتر حبنا فيهااااا 

وعندي زوجي عاشق لها بيشربها مش بياكلها  :)

ومهما عملت وجددت فيها من طرق مافي اجمل من طريقة مامتي وجدتي من قبلها .. والتقلية اللي ريحتها تجيب آخر الشارع والكل يعرف ان البيت دة حد عامل فيه ملوخية 

ودي كانت مقدمة عن عشق وحب الملوخية المصرية الأصيلة    ويلا ندخل على الطريقة المتوارثة جيل بعد جيل وخصوصا الشهقة :)

طبعا انتي بعد ما تغسلي الملوخية وتتركيها تنشف   وبعدين تخرطيها  اما بالمخرطة وتعيشي دور ستي وستك 

او بالكبة والطريقة الحديثة  انتي وراحتك المهم يكون فيه ملوخية في النهاية   :)

يلا نبدأ الخطواااات مع بعض عشان نحصل على طبق ملوخية حكااااااااااااية 

نغلي الشوربة على النار مع فصين ثوم مقطعين وملعقة صغيرة كسبرة ناشفة في الشوربة برضه تغلي معاها قبل مانحط الملوخية 

وطبعا نظبط الملح والفلفل الاسمر   

دلوقتي نضيف الملوخية للشوربة  ( وكانت ستي تعمل صوت غريب كدة بشفايفها وهي بتحطها وكنت اضحك عليها بس وانا بعملها بلاقي نفسي بعمل نفس الصوت وابص حوليا اشوف حد سمعني ولالا :) 

نقلب الملوخية في الشوربة لحد ماتفك بس بلاش نقلبها كتير 

ونتركها تغلي غلوتين بس واقفلي النار  وشوفي الملحوظة دي للي بتسقط منهم الملوخية 

( لا نترك الملوخية فوق البوتاجاز بعد ما نقفل النار  ولا نغطيهااااا ابداا عشان ماتسقطش منك تحت والشوربة تطلع فوق )

يلا نجهز التقلية الخطيرة 

ثوم مفروم + كسبرة ناشفة + ملعقة سمن بلدي 

وعلى النار نحمرهم  وبعدين نضيفهم للملوخية مع الششششششههههههقة الكبيييييييييييرة 

ونغطي الملوخية شوية ..( عاوزة تاخديها غلوة تاني براحتك .. انا مش بغليها  اغطيها شوية بس واقدمها )

ونقدمها مع ارز ابيض  

وبالهنا والشفاااااااااااا

تابع القراءة »

تم نشره في: أكلات مطبخ الأميرة

بروفيتيرولز بالشيكولاتة من علا عبد المنعم

للعجين :
50 جرام زبدة
200 مل ماء
100 جرام دقيق
3 البيض

صلصة الشوكولا :
100 جرام الشوكولاته نصف حلو
1 ملعقة صغيرة من الزبدة


الحشوة :
200 جرام كريم شانتيه  + 2 ملعقة طعام من السكر البودرة.

للعجين :
الماء يغلي ثم تضاف الزبدة والطحين ويقلب.
تتخذ بعيدا عن الحرارة ثم يضاف البيض ويحرك حتى  تتكون عجينة سلسة .
وضع أكثر من ورقة رق العجين على صنية الفرن ثم تشكلها كرات صغيرة بواسطة (مع ملعقة أو طرف نجمة تزيين) وفقا للحجم  الذي نحبه
تدخل في الفرن لدرجة 200 لمدة 

20 دقيقة.

ثم نفتحه من النصف ونقوم بحشوها بالطريم شانتيه
وتزيينها مع صلصة الشوكولاتة.

تابع القراءة »

تم نشره في: أطباق علا عبد المنعم

من اكلات ستات البيوت : ساندوتش فرايداى كوك دور

هالوز عليكم

طبعا كلنا عارفين ساندوتش كوك دور الشهير ( فرايداى )

انا بحب اى مطعم ديليفرى اخد المنيو علشان اشوف مكونات الساندوتش واعمل زيه

جربوه وهتلاقوا نفس الطعم بالظبط ويمكن احلى

المقادير

بصل شرائح

علبه مشروم

صدور دجاج مقطعة شرايح

ملح _ فلفل _ زعتر

جبنة موتزاريلا مينفعش رومى موتزاريلا هتدى نفس الطعم بالظبط

وانا كمان بضيف التشيز بتاعة البرجر اللى هى شرايح بيبقى الساندوتش سايح

ونايح بالتشيييييييييز يا لينا

هنشوح البصل فى معلقتين زيت زيتون ولما يدبل بس يكون لونه ابيض نضيف

علبه مشروم كاملة ونشوح تشويحة وبعد كدة الدجاج



هنوطى النار لحد ما يستوى ونضيف الملح والفلفل والزعتر فقط لا غير ما تزودوش توابل تانى بس اتوصوا بالزعتر



هنحضر الفينو الكبير وندهن طبقة خفيفة مايونيز



ثم الدجاج



ثم التشيز وندخله الميكروييف دقيقة او الفرن على الشوايه بردو وقت مش كتير يا دوب الجبنة تسيح

ونقدمه مع البطاطس والبيبسى وسلطة كلو سلو تعمليها فى البيت أو تومية

انا عملت تومية

تابع القراءة »

تم نشره في: اكلات ستات البيوت

تشيز كيك بصوص الشيرى "الكرز " من رحاب البارودي

تشيز كيك بصوص الشيرى "الكرز " من رحاب البارودي

تشيز كيك بصوص الشيرى "الكرز "

للقاعدة

250 جرام دايجستف بسكتس مفتت

100 جرام زبدة
للتشيز
4 بيضات
فانيليا 3/4 كوب سكر
480 جرام جبن كريمى لافاش كيرى أكواب
علبه كريمة طبخ جهينه الصغيرة
تخلط كل مكونات التشييز بالخلاط
للتوبينج
علبه كمبوت كرز بالشراب
ملعقة كبيرة نشا مذابة بقليل من الماء البارد
كوب سكر
نضع الشراب على النار ونضيف له النشا المذابه ونقلب حتى يغلظ القوام ثم نضيف الكرز ونقلب تقليبة ونطفى النار

الطريقة 

فى قالب متحرك نضع البسكتس ونكبسه جيدا ثم نصب فوقه التشييز ويدخل فرن متوسط لمدة 45 دقيقة ثم يترك ليبرد ويصب فوقه 

التوبينج ويدخل التلاجة ويفضل اكلها تانى يوم ... بالهنا والشفا

تابع القراءة »

تم نشره في: أطباق رحاب البارودي

كيش باللحم المفروم والجبن من علا عبد المنعم

المقادير

1 1 / 2 الطحين (كنت ج 1 القمح الكامل و 1 / 2 ج الطحين الأبيض)
 
100 غرام زبدة
 
1 / 4 ج المياه
 
قليل من الملح.

الحشوة :
 
150 جرام لحم مفروم (مطبوخ) ( عصاج )
 
150 جرام جبن مبشورة 
 
3-4  ملاعق البقدونس
4 بيضات
 
250 جم كريم الجلد
 
الملح والفلفل.

 الطريقة

عمل عجينة من المكونات  وفردها على حسب حجم الصينية 
 
نضع جميع المكونات الأخرى  فوق العجين 

وتدخل فرن مسخن 200 درجة لمدة 30 دقيقة.

تابع القراءة »

تم نشره في: أطباق علا عبد المنعم

الكفتة البانية من رحاب البارودي

كفتة بانية 

المقادير

نصف كيلو لحم مفروم

ملعقة صغيرة بودرة توم

ملعقة صغيرة بودرة بصل

نصف ملعقة جنزبيل

ربع ملعقة بابريكا 

نصف ملعقة بهارات لحم

بيضة 

خليط بقسماط متبل ومبهر 


الطريقة 

نعجن كل المكونات ماعدا البقسماط نشكل الكفته أصابع وتغمس فى البقسماط وتقلى فى

زيت غزير حتى تحمر


وبالهنا والشفا

تابع القراءة »

تم نشره في: أطباق رحاب البارودي