مطبخ الأميرة (شيف ايمن العطار) السجق بالحمص والسلطة اليونانية

مدونة مطبخ الأميرة المصرية
 اكلات واطباق لا تقاوم

 لزيارة صفحتنا على الفيسبوك اضغطوا على الرابط ادناه

 http://www.facebook.com/amira.kitchen

تابع القراءة »

تم نشره في: وصفات الشيف أيمن العطار

ريش ضانى مع صوص النعناع والبطاطس بالكريمه الشيف ايمن العطار

المقادير

ريش ضانى
ملح وفلفل وعصير ليمون وعصير بصل ورق لوره حبهان بودره كل ده فى الخلاط ده عشان المارنيه اللى هتبل بيه الريش الضانى
صوص النعناع
نعناع مفروم لو مش فى فريش ممكن يكون نعناع ناشف
بصل مفروم
ثوم مفروم
ملح وفلفل
صوص ديمجلاس
كريمه لبانى ودى كمان هستخدمها مع البطاطس اللى هطحها فى الطبق
البطاطس بالكريمه
بطاطس مقطعه اسليز
ملح وفلفل ابيض وجوزه الطيب وكريمه لبانى ولبن وجبنه مودزاريلا
 

 الطريقة

هنتبل الريش بالمارنيه ونسيبها حوالى نص ساعه بعد كده نشويها على الجريله ولو مش فى جريله ممكن فى طاسه لحد ملونها يغير وقبل متدخل على السوى الكامل برفعها من على النار
وبعد كده بحط طاسه على النار وفيها شويه زيت بسيط وبعدين البصله المفرومه ومعلقه ثوم مفروم وبلف كويس لحد ملونهم يبتدى يغير بنزل بالنعناع وبعدين صوص الديمجلاس وبعدين شويه بيون او شوربه بسيطه او شويه مايه عشان اعمل صوص النعناع لحد ما القوام بتاع الصوص يتماسك احط شويه كريمه لبانى وشويه ملخ وفلفل حسب الرغبه وبكده يبقى خلاص الصوص خلص هحط فيها الريش الضانى عشان تكمل سواها فى الصوص وكمان انا عايز الريش تتشرب من الصوص لحد متستوى وتكمل سواها برفعها من على النار
نيجى لمرحله البطاطس باللكريمه
فى طاسه تانيه على النار مع بصله مفرومه وثوم مفروم فى شويه زيت صغيرين باخدهم سوتيه وبعد كده بنزل بالبطاطس والفها معاهم واحط فلفل ابيض وملح وكريمه لبانى
وشويه حوز الطيب مبشوره وبعدين كل ده فى صينيه وبحط جبنه مبشوره على الوش وبدخلها الفرن على درجه حراره 170 لمده 25 دقيقه
بعد كده طريقه التقديم زى ما انا عامل كده فى الصوره وطريقه التقديم بتختلف من -
حد للتانى يعنى دى بتكون حسب ما انتى عايزه يعنى انا فى الصوره واخد جزء من البطاطس وحاطط خضار سوتيه فى الطبق يعنى زى متحبى قدمى الطبق

وبالهنا والشفا 

الشيف ايمن العطار

تابع القراءة »

تم نشره في: وصفات الشيف أيمن العطار

تارت الجبن على البارد الشيف ابمن العطار

( تارت الجبن على البارد) 

 
{ المقادير}
• 6 عدد علبة زبادى
• 250 جرام جبنة ريكوتا أو جبنة كريم
• 500 جرام كيلو سكر
• 700 جرام كريم جانتية مخفوقة
• 6 ورقة جيلاتين محلولة فى قليل من الماء




{ طريقة العمل }
• يتم ضرب السكر مع الجبنة بماكينة الخلط أولا ثم يضاف الزبادى مع الخلط
• يرفع الخليط من الماكينة ويضاف عليه الكريمة المخفوقة ويقلب برفق بالأيدى
• ثم يضاف محلول الجيلاتين
• يحضر الفرم أو طوق التارت ويبطن بالأسبونش ممكن الاسبونج الابيض او الشيكولاته وده حسب الرغبه مع قليل من الفروت المكسرة ودى بردوه حسب الرغبه بعنى انا حد من الناس اللى مش بحبها بالفاكهه
ثم يصب الخليط عليه ويوضع فى ثلاجة الفريزر حتى يتجمد
ملحوظة :
عند اضافة الجيلاتين على الخليط .. مراعاة صب الخليط سريعا حتى لا يترسب
الجيلاتين فى أسفل الاناء .

ملحوظه مهمة اللى مش عندها اسبونج ممكن تحط مكانه بسكويت جاهز مفروم مع زبده ومقاديره 6 باكو بسكويت مع 200 جرام زبده متماسكه وبنضربهم مع بعض ودى بتكون الطبقه الداخليه للتارت مكان الاسبونج

تنفيذ شيف /ايمن العطار

تابع القراءة »

تم نشره في: وصفات الشيف أيمن العطار

مطبخ الأميرة (الشيف ايمن العطار) الفطير المشلتت

مدونة مطبخ الأميرة المصرية
 اكلات واطباق لا تقاوم

 لزيارة صفحتنا على الفيسبوك اضغطوا على الرابط ادناه

 http://www.facebook.com/amira.kitchen

تابع القراءة »

تم نشره في: وصفات الشيف أيمن العطار

طريقه عمل البسبوسه

طريقه عمل البسبوسه  سهله جدا من الشيف ايمن العطار
 

المقادير:

3 أكواب من السميد
1 كوب سكر
1 علبة لبن زبادي (علبة متوسطه)
1 كوب سمنة بلدى او زبد سايح


الطريقة:

يخلط اللبن والسكر والسمن سويا حتى يذوب السكر ثم يضاف السميد ويخلط جيداً وتفرد في صينية أكبر من الوسط شوية ثم تترك ترتاح لمدة 2/1 ساعة ثم تدخل الفرن درجة حرارة 250 لمدةساعة أو حتى تتحمر ثم تسقى بشراب البسبوسة البارد الخفيف وليس الغليظ

انتى بقى ممكن تزينيها من فوق بللوز و الفسدق المحمر
يعنى نجحها او انها تطلع زى بتاع المحلات بيتركز فى الاخر لما تضيفى الشربات او شراب البسبوسة زى ما بيقولوا لازم يكون خفيف ميكونش غليظ
بالف هنا و شفا
الشيف ايمن العطار

تابع القراءة »

تم نشره في: وصفات الشيف أيمن العطار

الفراخ الشركسيه من الشيف ايمن العطار

الفراخ الشركسيه من الشيف ايمن العطار

المقادير:

فرخه مسلوقة مقطعه على _ قطع بالعظم
3شرائح توست من غير الجوانب بتاعته يعنى لبابه توست
بصلة مفرومة
فص ثوم كسبرة ناعمة
مكعب مرقه دجاج
زبده وكزبره وعين جمل سليم
ملح وفلفل ابيض

الطريقة:

أولا يسلق الدجاج فى ماء مع بصل وجزر وكرفس ورق لورا وحبهان وملح وفلفل ونشيلها على جنب
فى حله حطى زبدة ومكعب مرق وبصل مفروم ويشوح الكل ثم العيش التوست، ثم
الكسبرة الخضراء ثم عين الجمل، ثم يضاف بعض من شوربة الدجاج واللبن وتترك الشركسية حتى النضج ثم نضيف الملح والفلفل الابيض وبعدين ناخد الشركسيه دى ونضربها كلها فى الخلاط او بالميسكر بعد ماتغلى معانا طبعا وياريت ناخد بالنا اننا نقلبها كويس باستمرار عشان مش تشيط من النار

تقدم الشركسية فى طبق تقديم مع الأرز وترص قطع الدجاج المسلوقة وتصب الشركسيه فوقه. ونحط شويه عين جمل تانى على الوجه للتجميل طبعا وشويه كزبره خضرا

أو تقدم الشركسية فى طبق منفرد مع وضع قطع الدجاج المسلوقة معها.

وبالهنا والشفا الشيف ايمن العطار

تابع القراءة »

تم نشره في: وصفات الشيف أيمن العطار

مطبخ الأميرة الشيف أيمن العطار طاجن الكاليماري بالخضروات

مدونة مطبخ الأميرة المصرية
 اكلات واطباق لا تقاوم

 لزيارة صفحتنا على الفيسبوك اضغطوا على الرابط ادناه

 http://www.facebook.com/amira.kitchen

تابع القراءة »

تم نشره في: وصفات الشيف أيمن العطار

طريقة عمل الكبيبة بالصور من الشيف أيمن العطار

الكبيبة من الشيف ايمن العطار

- المكونات
-كيلو برغل ناعم
-كيلو الاربع لحم مفروم (ده غير الكميه اللى هحشى بيها الكبيبه ودى حوالى نص كيلو)
-2 حبه بصل متوسطه
قرنفل - نعناع ناشف - جوزه الطيب
ملح
فلفل اسود
شطه جافه ناعمه حسب الرغبه

الطريقه
 :-ينظف البرغل ويغسل وينقع لمدة نصف ساعه
ثم يصفى تماما

-نضيف عليه اللحم المفروم (نئ مش مستوي) ونضيف البصل (يكون البصل مفروم ناااااااعم وتحطي جميع انواع البهارات والملح والشطه ويقلب جيدا"

-يفرم الخليط فرم ناعم جدا في (مكينة الكبه مش المفرمه الي تفرم خشن)

-نضعها بعد الفرم في وعاء ونغطيها كويس بكيس بلاستيك في الثلاجه لمدة ساعتين

-بعد مرور ساعتين تكوني جهزتي اللحم الي هتحشي فيه الكبيبه وده عياره عن نص كيلو لحم مفروم وبصله مفرومه مع ملح وفلفل اسود ومعاه شويه نعناع وتشوحى اللحم المفروم مع البصل على النار وتصفيها بعد كده من اى دهون وتسبيها تبرد وتبدأي تقطعي دوائر من عجينة الكبيبه وتكوريها براحة اليد ممكن تدهني يدك بشوية زيت او ماء بارد وانتي بتكوريها عشان لا تلصق او تتشقق وتعملى فيها حفره باصباعك بشويش عشان لا تتشقق او تثقب من الجهه الثانيه وتحطي فيها اللحم وتبدأي تلفيها بطريقه دائريه عشان تنقفل مظبوط وتخليها على جنب وتعملى غيرها لحد تخلصي الكميه

-دخليها الفريزر الحد ما تتجمد تماما وبعدين لما تجي تقليها لازم يكون الزيت غزير وسخن بس اول ما يسخن الزيت وتحطي الكبيبه هدى النار شويه عشان تستوي من جوه ولا تقلبيها لحد ما تتحمر تماما من الاسفل بعدين اقلبيها بشويش

-بعدين ارفعيها من الزيت على ورق ناشف وتقدم علطول وهيه سخنه

ممكن الكبيبه تعملى منها كميات كبيره وتخزنيها عندك في الفريزر بالايام ومتقلقيش وتقليها عادي مش بيحصلها حاجه

وبالهناء والشفا ايمن العطار
معليش طولت عليكم بس جربوها وان شاء الله تعجبكم

تابع القراءة »

تم نشره في: وصفات الشيف أيمن العطار

الكنافه العثمانلى بالقشطه ( الشيف أيمن العطار)

الكنافه العثمانلى بالقشطه




المقادير: 
1/2 كيلو كنافة.
4 اكواب من القشدة الطازجة ،
2 كوب من السمن
1/2 كوب من الفستق المطحون.
2 كوب من الشربات

التحضير: 
تفرك شعيرات الكنافة باليدين ، و يضاف اليها نصف كمية السمن.
توضع نصف كمية الكنافة في صينية صغيرة ذات حافة قصيرة مدهونة بالزبدة او السمن.
تكبس بالملعقة ونعمل ده كمان فى صينيه تانيه
يوزع باقي السمن على السطح و الجوانب و توضع في فرن متوسط الحرارة.
عندما يحمر السطح ، تخرج من الفرن وبعدين نسقيها بالشربات ونحط القشطه على الصينيه ونحط الكنافه اللى فى الصينيه التانيه على القشطه بحيث ان القشطه تكون حشو للكنافه وبعدين تحطى الفستق على الوش انا عملتها فى الصوره فى صينيه صغيره جدا لكن الكميه دى اللى انا قلتها تكفى 8 اشخاص

ملاحظات: 
الكنافة العثملي طبق لبناني .
يجب متابعه الكنافة اثناء وجودها في الفرن ، فاذا وجدت قاعها احمر ، واعلاها لم يحمر اقلبيها بحذر.

الشيف ايمن العطار

تابع القراءة »

تم نشره في: وصفات الشيف أيمن العطار

وصفات مطبخ الأميرة الصوتية ( تورتة الجيلي)

مدونة مطبخ الأميرة المصرية
 اكلات واطباق لا تقاوم

 لزيارة صفحتنا على الفيسبوك اضغطوا على الرابط ادناه  http://www.facebook.com/amira.kitchen

تابع القراءة »

تم نشره في: وصفات الأميرة ( الصوتية)