طريقة عمل عجينة الميل في بالصور والخطوات

اولا المقادير للعجينة

حوالى كوب و نصف دقيق
180 جرام زبده جامده" من التلاجة يعنى مش بدرجة حرارة الغرفة "
كوب الا ربع ماء للعجن ممكن اكتر او اقل حاجة بسيطة حسب الدقيق
ذرة ملح


الطريقة


سهلة جدا والله مش صعبة

نجيب الدقيق على السطح الرخامى او الترابيزة " يكون سطح املس " و نعمله زى الهضبه كدا و نعمل فى قلبه حفره زى فوهة البركان

و بعدين نبتدى نضيف الماء داخل الحفرة و نلم الدقيق عليها و نعجن لغاية ما تتكون معانا عجينه مبتلزقش و تلم كل الدقيق اللى على السطح





بعدين نحط العجينه فى كيس نايلون فى التلاجة للمدة ربع الى نص ساعة عشان تكون ارتاحت و بردت و الزبدة ال هنضيفها متسيحش فيها بسهولة

بعد ربع ساعة نخرجها من التلاجة و نبتدى نفردها على هيئة مربع و نجيب قطعة الزبدة بتاعتنا و نحطها فى نص العجينة و نقفل جوانب العجينه عليها زى كدا




انا قطعت الزبدة قطع صغيرة نسبيا و وزعتها فى قلب العجينه


بعدين نقفل اهو



بعدين نبتدى نفرد بالنشابه



بعدين نطوى



و نرجع نفرد بالنشابه و ياريت لو مثلا فردنا بالطول و طوينا بالعرض
بعد كدا نفرد بالعرض و نطوى بالطول يعنى نحاول نفرد الزبده داخل العجينه فى كل الاتجاهات

و لو حسينا ان العجينه هتبتدى تلزق على السطح او ان الزبده بتخرج نحط العجين فى التلاجه ربع ساعة ترتاح و تجمد و نخرجها و نرجع نفردها و نطويها كمان كام طيه و نرش السطح بالدقيق رشات خفيفة ضرورى جدا النقطة دى لسهولة الفرد و عدم التصاق العجين

كل ما عمليه الطى و الفرد دى بتزيد كل ما بتدى معانا نتيجة مدهشة بعد كدا فى الخبز و الطعم

انا عملتها اربع مرات و بين كل مرةومرة كنت بريحها فى التلاجة ربع ساعة و ارجع اكمل

لغاية ما هنلاقى ان العجينة بقى لونها اصفر نتيجة انها شربت كل الزبدة اللى حطيناها و لما نفردها او نطويها مفيش زبدة هتخرج منها لانها دابت خلاص جواها

و طريقة فرد الزبدة فى العجينة بالشكل دا هو اللى بيخلى العجينه مورقة و هشه زى ما بنشوفها و بتديها الطعم المميز اللى كلنا بنحبه

المهم

دلوقتى العجينة جهزت عندنا خلاص و بقيت اخر تمام بالشكل دا



و فى مليون فكرة ممكن نستخدمها فيهم

انا عملت منها تورتة ميل فى و كمان اصابع الساليزون المدهشة بالبسطرمة

لو هنعمل تورتة ميل فى

هنفرد جزء من العجينة يعنى حوالى اربعين سم فى تلاتين و بنرققها جدا يا جماعة زى الصورة كدا بالظبط وانا عملتها كدا



و بعدين نحطها فى الصاج بتاعنا و نشكها بالشوكة عشان متنتفخش فى الخبز بالشكل دا



و انا دهنت الوش بيض و دخلتها الفرن على الشبكة فى الرف الاسفل لمدة ربع الىتلت ساعة تقريبا على نار متوسطة


و خرجت جميلة

بعد كدا عملت

الباسترى كريم

و مقاديرة

اتنين اصفر بيض مع بيضة كاملة
كوب و ربع لبن
فانيليا
ملعقة كبيرة نشا
ملعقة كبيرة دقيق
و ثلاث ملاعق سكر و نقلب ع البارد لغاية ما كل المكونات دى تندمج و تدوب مع بعض تماما و بعدين نبتدى نرفعها على النار و نقلب لغاية ما تتخن معانا و توصل للقوام المناسب وهو بيبقى تخين شويه زى الكاسترد كدا او اتخن كمان حاجة بسيطة

بعدين بنبتدى نجيب العجينة بتاعتنا واللى اصبحت رقاقة كبيرة هشه و جميلة و نقطعها نصين او ثلاثة على حسب عدد الطبقات اللى حابن نعملها لقالب التورته
و نهذب الجوانب كدا



و العجينة بيبقى شكلها من الداخل كدا بالظبط جميلة جدا "انا اصلى مش مصدقة انها نجحت معايا شكلا و طعما للدرجة اللى حصلت "



نجيب كيس نايلون " من اكياس التلاجة العادية " او كيس كريمة و نفتح الكيس من جهة واحدة فتحة بسيطة بحيث نقدر نصب بيه الكريم باسترى فوق الرقاقة الهشه زى كدا



و نكرر عملية الحشو و الطبقات " انا عملت طبقتين بس عشان كنت عامله عجينة قليلة "



نسد اى ثغرات و نهذب الجوانب كدا







دا الشكل النهائى ليها و نرش عليها سكر بودرة و نقدمها مع الشاى يا سلام ولا اروع و زى الجاهز بالظبط مفيش اى فرق غير اننا ضامنين الصنعة و النضافة و موفرين اكتر من70 فى الميه من تمن الجاهز

لو عاوزة تعملى كمية كبيرة ممكن تجهزى لعجينة و تحتفظى بيها فى الفريزر فى شكل لفات فى اكياس نايلون لحين الاستخدام بتخرجيها و تسيبيها تلين و تشكليها زى ما تحبى

كيلو الدقيق بياخد كيلو الا ربع زبدة و يطلع معاكى كمية رهيبة من الحلويات و الساليزون و المقبلات المختلفة

تابع القراءة »

تم نشره في: حلويات شرقية وغربية

بطاطس محشيه باللحم المفروم من رابعة هيكل

المقادير

1ك بطاطس صغيرة الحجم
1/2ك طماطم
1 معلقة صلصه كبيرة
3 معالق سمن
زيت للقلى
1/4 ك لحم مفروم
1بصله كبيرة للعصاج
1بصله طرنشات للقاعده
2فص توم
2 حبة فلفل اخضر
ملح وفلفل وبهارات لحم وكعب مرقه فوريهوزرة جوز الطيب

الطريقه

نقور البطاطس وتقلى وتصفى من الزيت
ونعمل الحشوة
نتبل البصل ويوضع عليه الحم المفروم والتوابل وتقلب وتضاف معلقة من الصلصه اليها وتترك حتى تنضج
نحشى االبطاطس ونعمل للصنيه قاعده عباره عن لب البطاطس الى طلع معانا من التقوير وبضع عليه حلقات بصل وفلفل ونرس عليه البطاطس المحشيه
ونحضر الصلصه للوجه
نسخن السمن ونزل بالتوم والطماطم ونسيب الصوص يتقل معانا ونتبله بالمح والفلفل
ونسقى بيه الصنيه كويس وندخلها الفرن حتى تستوى ويحمر وجها
ودى كانت طريقتى ويارب تعجبكم

تابع القراءة »

تم نشره في: أطباق رابعة هيكل

الكورن دوج من رحاب البارودي

المقادير

كوب دقيق ذرة أصفر

 
كوب دقيق عادي

 
معلقة صغيرة ملح

 
رشة فلفل أسود

 
معلقة صغيرة بودرة فلفل أحمر مدخن

 
1/2 معلقة أوريجانو

 
1/4 كوب سكر

 
4 معالق صغيرة بيكنج بودر

 
بيضه

كوب لبن رايب

 
كوب حليب كامل الدسم

 
18 حبه فرانكفورتر


الطريقة

 

نخلط كل المكونات الجافة جيداً ونضيف عليهم اللبن الرايب والحليب والبيضة، نخلط

 كل المكونات كويس ولو كانت العجينة ثقيله بزياده ممكن نزود شوية حليب، نغطي

 بالعجينه كويس طبقة سميكه، لازم نقلي في حاجه عميقه ونملى بالزيت عشان 

الفرانكفورترز تتغطى كويس في القلي، نسخن الزيت كويس ونقلي الفرانكز واقفين

 لحد ما يبقوا كرسبي ولونهم حلو

تابع القراءة »

تم نشره في: أطباق رحاب البارودي

فوائد زيت الزيتون

أقسم الله تعالى في قرآنه العظيم بالزيتون فقال : (والتين والزيتون . وطور سينين ) .
وأوصى رسول الله صلى الله عليه وسلم باستعمال زيت الزيتون فقال : " كلوا الزيت وادهنوا به فإنه من شجرة مباركة " رواه . أحمد والترمذي وابن ماجه عن عمر ، وابن ماجه فقط عن أبي هريرة ، وصححه الحاكم على شرطهما ، وفي لفظ : فإنه من شجرة مباركة ، وفي الباب عن جماعة

دهش الباحثون حديثا حينما اكتشفوا أن سكان جزيرة كريت في البحر المتوسط هم أقل الناس إصابة بأمراض القلب والسرطان في العالم أجمع . ودهشوا أكثر حينما عرفوا أن أهالي جزيرة كريت يستهلكون زيت الزيتون أكثر من أي شعب آخر ، فحوالي 33 % من السعرات الحرارية التي يتناولونها يوميا تأتي من زيت الزيتون .فما علاقة زيت الزيتون بذلك ؟ وهل للطب الحديث رأي في هذه العلاقة ؟ وما تأثيراته على القلب والكولسترول ؟

ماذا يقول أطباء الغرب عن زيت الزيتون ؟
يقول الدكتور " ويليام كاستللي " مدير دراسة فارمنجهام الشهيرة :
" إن هناك زيتا واحدا يتمتع بأطول سجل من سلامة الاستعمال في التاريخ هو زيت الزيتون . فلقد تناول زيت الزيتون أجيال وأجيال ، وامتاز هؤلاء بصحة الأبدان وندرة جلطة القلب عندهم . وهذا السجل الحافل بمآثر زيت الزيتون يجعلنا نطمئن لاستعماله ، ونقبل عليه بشغف كبير " .
ويقول الدكتور " أهرنس " من جامعة كوفلر بنيويورك : "
إننا ندرك تماما أن استعمال سكان حوض البحر المتوسط لزيت الزيتون كمصدر أساسي للدهون في الغذاء هو السبب وراء ندرة مرض شرايين القلب التاجية عندهم " .

وينبه الدكتور كاستللي إلى فوائد استعمال زيت الزيتون في حوض البحر المتوسط فيقول :
" رغم أن الناس في حوض البحر المتوسط يتناولون بعض الدهون المشبعة ( السيئة ) المتوافرة في لحم الخروف والقشدة والسمن والجبن ، إلا أنهم يستعملون زيت الزيتون بشكل رئيسي في طهي الطعام . وهذا ما يجعل أمراض شرايين القلب التاجية قليلة الحدوث عندهم " . ويقول أيضا : " إن أفضل طريقة لطهي الطعام وتحضير المأكولات هي باستعمال زيت الزيتون بشكل أساسي ، واستعمال كميات قليلة من زيت الذرة أو دوار القمر دوار الشمس . فالجسم لا يحتاج إلا إلى كميات قليلة من النوعين الأخيرين " . ويمتاز زيت الزيتون بغناه بالدهون اللامشبعة .

أما الدكتور تريفيسان من جامعة نيويورك فقد لخص فوائد زيت الزيتون في بحث نشر في مجلة ( جاما ) عام 1990 فقال:
: " لقد أكدت الدراسات الحديثة التأثيرات المفيدة لزيت الزيتون في أمراض شرايين القلب ، ورغم أن البحث قد تركز أساسا على دهون الدم ، إلا أن عددا من الدراسات العلمية قد أشارت إلى فوائد زيت الزيتون عند مرضى السكري والمصابين بارتفاع ضغط الدم " .

الأبحاث العلمية الحديثة :
حتى عام 1986 كانت الكتب الطبية تقول بأن زيت الزيتون لا يؤثر على كولسترول الدم ، فلا يزيده ولا ينقصه . ولكن الأبحاث العلمية الحديثة جدا قد أظهرت أن زيت الزيتون ينقص مستوى كولسترول الدم . وليس هذا فحسب بل إنه لا ينقص من مستوى الكولسترول المفيد في الدم . ومن الثابت علميا أنه كلما ارتفع مستوى هذا النوع من الكولسترول ، قلت نسبة الإصابة بجلطة القلب .

وقد أظهرت دراسة نشرت عام 1990 في مجلة جاما الأمريكية الشهيرة أن مستوى ضغط الدم ، وسكر الدم ، والكولسترول كان أقل عند الذين كانوا يكثرون من تناول زيت الزيتون . وقد أجريت تلك الدراسة على أكثر من مئة ألف شخص .

زيت الزيتون وارتفاع ضغط الدم :
أجرى الدكتور " ويليامز " من جامعة ستانفورد الأمريكية دراسة على 76 شخصا غير مصاب بأية أمراض قلبية لمعرفة تأثير زيت الزيتون على ضغط الدم . فوجد الباحثون أن ضغط الدم قد انخفض بشكل واضح عند الذين تناولوا زيت الزيتون في غذائهم اليومي . وكان انخفاض ضغط الدم أشد وضوحا عند الذين تناولوا 40 جراما من زيت الزيتون يوميا .

زيت الزيتون ومرض السكر :
ينجم مرض السكر عن نقص أو غياب في إفراز الأنسولين من البنكرياس ، مما يؤدي إلى زيادة مستوى السكر في الدم وقد أوصى الاتحاد الأمريكي لمرضى السكر ، المصابين بمرض السكر بتناول حمية تعطى فيه الدهون بنسبة 30 % من الحريرات على ألا تتجاوز نسبة الدهون المشبعة ( كالدهون الحيوانية ) عن 10 % . وأن تكون باقي الدهون على شكل زيت زيتون وزيت ذرة ، أو زيت دوار الشمس .

فوائد أخرى لزيت الزيتون :
ذكرت دائرة المعارف الصيدلانية الشهيرة " مارتندل " أن زيت الزيتون مادة ذات فعل ملين لطيف ، ويعمل كمضاد للإمساك . كما أن زيت الزيتون يلطف السطوح الملتهبة في الجلد ، ويستعمل في تطرية القشور الجلدية الناجمة عن الأكزيما وداء الصدف .
ألم يقل رسول الله صلى الله عليه وسلم : " ائتدموا بالزيت ..وادهنوا به " صحيح الجامع الصغير 18
وقد وصف الله تعالى هذه الشجرة بأنها مباركة ، فقال : ( يوقد من شجرة مباركة زيتونة لا شرقية ولا غربية ) النور : 35
فالشجرة مباركة .. والزيت مبارك .. وهنيئا لمن نال من تلك البركات ....

تابع القراءة »

تم نشره في: فــــوا ئـــد

شوربه الفريك من الشيف ايمن العطار

المكونات
نصف كوب فريك
3 حبه طماطم مقطعه قطع صغيره
1 فص ثوم مفروم
بصله مفرومه
4 كوب شوربه
1 مكعب ماجى
1 جزره مقطعه قطع صغيره
1 عود كرفس مفروم
ملح وفلفل اسود كزبره ناشفه
نصف معلقه صغيره حبهان
1 ربطه كزبره خضرا مفرومه
الطريقه
فى حله على النار فيها شويه زيت بسيطه اوى بحط البصله المفرومه وبقلب كويس اوى وبعدين اكرفس والثوم وبقلب كويس واول مااللون يبتدى يغير معايا بنزل بالجزر وبقلب كويس جدا بعد كده بحط الشوربه والماجى
وبعد ماتغلى معايا بحط الطماطم والفريك وبتبل بالتوابل اللى قلت عليها وبعد كده اول ماالفريك يستوى بحط الكزبره الخضرا وبقدمها سخنه

 وبالهنا والشفا

 الشيف ايمن العطار

تابع القراءة »

تم نشره في: وصفات الشيف أيمن العطار

مطبخ الأميرة الشيف أيمن العطار فراخ ايطالي+ سلطة الخرشوف بالتونة

فراخ ايطالي+ سلطة الخرشوف بالتونة

شاهدوا الوصفة كاملة مقدمة من الشيف أيمن العطار بالفيديو أدناه

مدونة مطبخ الأميرة المصرية

 اكلات واطباق لا تقاوم

 لزيارة صفحتنا على الفيسبوك اضغطوا على الرابط ادناه   

http://www.facebook.com/amira.kitchen

تابع القراءة »

تم نشره في: وصفات الشيف أيمن العطار

صينية سمك بلاميطة بالثوم والطماطم والليمون من مطبخ الأميرة

سمك البلاميطة هو اسمه كده فى اسكندرية وحقيقى معرفش له مسمى اخر فى باقى مناطق مصر

هو  متوفر دائما فى الاسواق زى البلطى كده وسعره زي البلطي تقريبا

وعلشان نعرفه ده شكله  ويتميز ان لحمه متماسك واشواكه قليلة  بصراحة طعمه حلو 

وممكن نعمله باي طريقة سواء مشوي او مقلي او سنجاري او صواني بالبطاطس 

انا عملته صينية بس من غير بطاطس لان جوزي مش بيحبها في السمك 

اول حاجة حنقوم بتنظيفة وقطع الذيل والراس ونغسله كويس اوي

ودة شكله بعد ما فتحته ونظفت بطنه

 ثم نجهز التتبيلة بتاعته ثوم  مفروم  وملح وكمون وليمون وفلفل مقطع وطماطم مقطعة وزيت

ونضع كمية بسيطة منها في الصينية

ثم نحشي السمك بالثوم والكمون والملح من الداخل 

 

نرصه في الصينية   ونضع التتبيلة عليه وشرائح الليمون وزيت على الوجه ويدخل الفرن  لمدة ساعة تقريبا

ودة شكله بعد ما خرج من الفرن 

وبالف هنا وشفا

تابع القراءة »

تم نشره في: أسماك,أكلات مطبخ الأميرة

كيك الشكولاتة من وئام عرفان Wiaam Irafane

السلآآام عليكم و رحمة الله
اهداء إلى هذا المطبخ الرائع و الراقي من Wiaam IRAFANE

هدي كيكة حضرتها البارح و خرج طعمها روعة و قلت نشاركها مع البنات خاصة المبتدئات و تيقو بيا طعمها روعة
المقاديييير : 

150 غ شكلاط ابيض ( شكولاتة بيضا)

3 بيضات

كاس سنيدة ( سكر بودرة)

3 ملاعق كبيرة زبدة

ملعقة كبيرة قشرة الحامض محكوكة (مبشورة)

ربع كاس عصير الحامض (الليمون)

نص كاس حليب (لبن)

3 كؤوس دقيق

ملعقة باكينغ باودر

الطريقة

نضرب البيض بالخلاط الكهربائي مع السكر سنيدة  (بودرة)حتى يتضاعف حجمه،
و ندوبو الزبدة و الشكلاط فحمام مريم (حمام مية)
نضيفو على البيض الحليب ( اللبن)، عصير و قشرة الحامض (الليمون)، الشكلاط الذائب مع الزبدة و نخلطو مزيآآان، و فالاخييير نضيفو الدقيق و الباكينغ باودر و نخلطو حتى ينسجمو العناصر و ندخلوها فران ساخن على نار متوسطة
ملي نخرجوها ممكن نزينوها باللي حبينا، شكلاط أبيض و شكلاط أسود
أنا عملت شكلاط أبيض ذوبتو مع حليب مركز محلى و زينتو برقائق اللوز و الفرمسييل كنت ناوية نزينو بخطوط الشكلاط بحال ميلفوي لكن ما توفرش لي الشكلاط الاسود
و بالصحة و العافية ^^

تابع القراءة »

تم نشره في: اكلات ستات البيوت

Oats الشوفان

الشوفان Oats

أو الخرطال باللهجة المغربية

الأسم العلمى: Avena sativa

كثيرا ما ينصح خبراء التغذية بتناول الشوفان كوجبة فطور وذلك لقيمتة الغذائية العالية وفوائدة الصحية .ولكن الكثير منا يغفل عن هذة الفوائد ...فالشوفان يخفض نسبة الكولسترول فى الدم مما يخفف من الإصابة بأمراض القلب والشرايين حيث ان تناول كوب من الشوفان يوميا يعمل على خفض معدل الكولسترول فى الدم ..والشوفان :ينظم عملية الهضم فى الجسم .يخفف من المشاكل المعوية والإمساك .يساعد فى المحافظة على الوزن الصحى إذ يعطى الشعور بالشبع . حيث يحتوى كوب الشوفان على 4 جرام من الدهون 204 سعر حرارى7 جرام بروتين . والشوفان إحدى أهم المصادر التى يمكن الحصول من خلالها على(inositiol) وهذة المادة هامة للمحافظة على معدل الكولسترول الطبيعى بالدم .الشوفان مضاد طبيعى للإكتئاب , ومعالج لحالات الإضطرابات العصبية .يعالج الإرهاق ومشاعر الإجهاد , وتراجع الطاقة .واقى طبيعى من الإصابة بسرطان الإمعاء .
الاستخدام التاريخي أو التقليدي:
في الطب الشعبي وكذلك وسط أطباء الأعشاب يستخدم الشوفان لعلاج الإعياء العصبي، والأرق و "ضعف الأعصاب". أعتبر الشاي المعد من الشوفان مفيدا في الحالات الروماتزمية، ولعلاج احتباس الماء فى الجسم. وقد استخرجت صبغة الشوفان من الأجزاء العلوية من النبات، حيث استعملت لمساعدة المدخنين في الإقلاع من تناول الدخان بأنوعه المختلفة. وغالبا ما يستخدم الشوفان أيضا في الحمامات المائية لعلاج بعض حالات الأرق والقلق، وكذلك العديد من الحالات الجلدية المرضية، وتلك التي تشمل الحروق والإكزيما أو الحكة الجلدية
شراء الشوفان : عادة ما يباع الشوفان في علب معدنية محكمة الغلق وفي هذه الحالة تأكد من تاريخ الصلاحية على العلبة وكذلك ظروف التخزين في المتجر فيجب أن تكون العلبة محفوظة في مكان بارد وقليل الرطوبة وليس في واجهة المحل وعرضه للشمس. إذا قمت بشراء الشوفان بالوزن تأكد من نظافته وعدم وجود الحشرات والأوساخ فيه ، كما أن هذا الشوفان قد يكون عرضه للرطوبة مما يساعد على فساده.حفظ الشوفان : علب الشوفان يجب أن تحفظ في مكان بارد وبعيدا ً عن الحرارة والرطوبة وعند فتحها يفضل تفريغها في وعاء زجاجي أو بلاستيكي محكم الغلق ويمكن حفظها في الثلاجة لمدة طويلة ( أكثر من ستة أشهر ). أما إذا كانت الكمية كبيرة فتوضع في أوعية بلاستيك محكمة الغلق وتحفظ في أماكن ذات تهوية جيدة وبعيدا ً عن الرطوبة والحرارة.القيمة الغذائية والفوائد الصحية : الشوفان من الحبوب الغنية بالألياف الغذائية والمهمة للوقاية من الأمراض المزمنة والإمساك ويعتقد أن ألياف الشوفان تساعد في تقليل نسبة الكوليسترول في الدم. ويحتوي على نسبة جيدة من البوتاسيوم والمغنيسيوم والفوسفور والحديد وحمض الفوليك المفيد لصحة الأم وجنينها وكذلك للوقاية من أمراض القلب. يحضر الشوفان عادة على شكل شوربة وهذا يقلل من قيمته الغذائية ويعتمد ذلك على كمية الماء الموجودة في الشوربة فكلما كانت قليلة ارتفعت القيمة الغذائية. وتنفع هذه الشوربة للمصابين بالسكري والسمنة وأمراض القلب.
تم استخدام الشوفان بالارتباط مع الحالات التالية:
• ارتفاع مستوى الجليسريدات الثلاثية.
• القلق النفسى.
• الاكزيما الجلدية.
• ارتفاع مستوى الكوليسترول فى الدم.
• الإقلاع عن تعاطي النيكوتين، أو التدخين.
ما هو المقدار الذي يتم عادة تناوله؟
يمكن تناول الشوفان كطعام مؤلف من حبوب لوجبة الفطور. كما يمكن إعداد شاي من ملء ملعقة مائدة من الشوفان منقوعة فى 250 ملي لتر (كوب) من الماء المغلي، وبعد التبريد والتصفية، يمكن شرب الماء عدة مرات في اليوم وقبل النوم بمدة قصيرة.
كصبغة، يؤخذ غالبا مقدار 3- 5 ملي لتر 3 مرات في اليوم. يمكن استخدام الكبسولات والأقراص بمقدار 1- 4 جرام في اليوم. كما يمكن عمل حمام مهدئ لإراحة الجلد الملتهب عن طريق إسالة ماء الحمام خلال جورب يحتوي على ملء عدة ملاعق من الشوفان، فى البانيو الخاص بالاستحمام

تابع القراءة »

تم نشره في: فــــوا ئـــد

مطبخ الأميرة الشيف أشرف صلاح شوربة السي فود بالكريمة + كاليماري محشي

شوربة السي فود بالكريمة + كاليماري محشي

شاهدوا الوصفة كاملة مقدمة من الشيف أشرف صلاح بالفيديو أدناه

مدونة مطبخ الأميرة المصرية

 اكلات واطباق لا تقاوم

 لزيارة صفحتنا على الفيسبوك اضغطوا على الرابط ادناه   

http://www.facebook.com/amira.kitchen

تابع القراءة »

تم نشره في: فيديوهات طبخ