كاليمارى محشي بالارز والجمبري



المقادير

قطع كلمار ممكن 8 تكفي لهالحشوه أو أكثر حسب حجمه ..... شوية جمبري منظف ومفروم لو ممكن ولو مش موجود مش مشكله .



4ربطات بقدونس.. 
 .. 1 ربطه شبت
 .. 2 ربطه كسبر
 .. ربطه صغيره ثوم أخضر يعني بأوراقه " حوالي 6 رؤس ثوم بأوراقه " ولو ما توفرش استخدمو بدله 4 رؤس كرات بأوراقه مفروم ناعم ...... وكل الخضره اللي ذكرتها تنغسل وتتوازى" تتنقى " وتنفرم ناعم


"كوب كبير " ارز " 
 حبتين بطاطس متوسطات مقطعات مكعبات صغيره


التوابل : 3 م ك معجون طماطم .. م ك فلفل أحمر حارأو أقل للي ما يحبش الحار .. نص" كركم" 
.. ثلث "كوب"زيت نباتي أو زيتون .. نص م ص كسبر جافة " ..  نص م ك ملح أو حسب الكميه .

للي بيضيف فلفل أبيض أو أي بهار يتناسب مع السمك مش مشكله بس شوي شوي



واللي تحب تقلل من طماطم معجون وتزيد 4 حبات طماطم  عادي براحتها



10 فصوص ثومه مدقوقه أو معصوره ( ما تقولوش هلبا "كثير " روعه طعم الثوم مع السمك و بهالأكله مش حايكون ظاهر أبدا ) ونضيفوا عليهم .. م ص فلفل أسود ... نص م ك كمون   ونهرسهم مع بعض ونخلوهم علي جنب ..


الطريقه :


نظفوا الكليمار كويس كويس من القشره البنيه اللي عليه وفيه زي المثلثات من الجوانب نفصلوهم عليه ونخلوهم على جنب لأننا حانفرموهم في الحشوه وأيضا 


 


نغسل الخضره ونفرمها ونفرم معاها الثوم الأخضر أو الكرات بعد غسله ونحطوهم في  " طبق كبير شوي "

نغسل الرز ونصفيه لحد ما يجف بعدين نحطه على الخضره


نحط التوابل كلها عليها والزيت ونحركهم كويس



الثوم المدقوق مع الفلفل الأسود و الكمون نحطوه على زوائد الكلمار المفرومه مع الجمبري المفروم 



ونخليهم يتبلو شويه وبعدين نحطوهم على الخضره والرز وهذا شكلهم بعد الخلط 

 

 بعدها نحشي الكلمار بالحشوه بس مش لا النهايه نخلي مكان للرز يزيد حجمه
 

 بعد الحشو نضعه على ميه تغلي ونغطوه لحد ما يطيب "يستوي" على البخار ما ياخدش وقت ممكن 40 دقيقه أو أكثر شوي وأول ما يطيب الرز يكون طاب وهذا شكله النهائي







0 التعليقات:

إرسال تعليق

ضع تعليقك هنا

 
Design by Free Wordpress Themes | Bloggerized by Lasantha - Premium Blogger Templates | :