طريقة عمل مخلل القرنبيط(الزهرة) بالصور من مطبخ الأميرة

مخلل القرنبيط


المكونات :

قرنبيطة الحجم اللي عاوزاه

فلفل اخضر حامي (مشطشط) 

وحدة بنجر 

3 بصلات مقطعة اربع اجزاء

ملح خشن

ماء 

الطريقة

نقطع القرنبيطة الي اجزاء صغيرة زهيرات
ثم نغسلها
ثم نضع اناء على النار به ماء ونتركه ليغلي وعندما يبدأ في الغليان نسقط زهيرات القرنبيط فيه لمدة خمس دقائق فقط
ونصفيها 

نتركها تبرد قليلا 

ثم نأتي بالبرطمان  ونضع فيه عدد من الفلفل الاخضر الحامي  في القاع   

ثم القرنبيط  ثم  البنجر نقطعه ونضع جزء منه في المنتصف

ثم نكمل باقي القرنبيط والفلفل والبصل بالتوالي 

ونضع البنجر فوق الوجه

      نجهز كمية من الماء على حسب حجم البرطمان ونذيب فيها الملح

ونصبها فوق القرنبيط 

نقوم باغلاق البرطمان ونتركه مدة خمس ايام فقط
ثم نبدأ في استخدامه

وهو من اشهى المخللات  بجد
  
 اترككم مع الصور 

1_ هنا قطعت البنجر قطع
 

 2_ القرنبيط بعد السلق

3_ بدأت اضع الفلفل والقرنبيط والبصل في البرطمان

 4_ هنا خلصت الكمية اللي عندي 

 5_  وضعت الماء فوق القرنبيط وغطيت البرطمان وتركته 5 ايام ثم استخدمته





طريقة عمل صلصة الطماطم من مطبخ الأميرة

بطريقة مطبخ الاميرة

وهي الطريقة الصح ان شاء الله للتخزين في الفريزر



 طبعا نختار الطماطم الحمرا والمستوية بس تكون سليمة 
نغسلها كويس  



ونضعها زي ماهي في حلة كبيرة فوق بعضها على البوتاجاز  وبدون ان نضيف اي ماء ونغطيها لمدة نصف ساعة على نار عالية
( انا قسمت الكمية عشان كبيرة على 3 حلل)
بعد نصف ساعة نتركها تبرد قليلا  وننزع قشرة الطماطم حتلاقيها سهلة جداا وتتشال بسرعة معاكي




وحتلاقي مية صفرة في الحلة نزلت من الطماطم دي ترميها 




بعد تقشير الطماطم  تاخديها وتضربيها في الخلاط  
شوية بشوية عشان حتكون غليظة 

وبعدين تضعيها في حلة على نار هادئة  تستوي  مع التقليب كل شوية

حتلاقي حجمها بيقل وبتطلع فقاعات وهي تستوي   




اتركيها تبرد  وعبئيها في اكياس  على حسب استخدامك
وانا هنا عملت اكياس مختلفة الاحجام
عشان صلصة مكرونة وعشان الطبيخ للخضار مثلا وكبير شوية عشان صلصة المحشي  
 يعني اعملي ونوعي في الاحجام على حسب ظروفك  واحتياجك



ووحطيها في درج الديب فريزر  


مربى الطماطم بالصور والخطوات من مطبخ الأميرة

مربى الطماطم بالصور والخطوات من مطبخ الأميرة

يمكن ناس كتيرة يستغربوا من مربى الطماطم
وانا كنت مثلهم ..وما تخيلتش انها ممكن تكون من أشهى
انواع المربات واجملهم الا بعد ماعملتها
بناء على رغبة زوجي  ^_^ 
وحقيقي له الفضل انه جعلني أجربها 
وكمان ساعدني في الطريقة  
وأهم شئ في مربى الطماطم انك تختاري الطماطم الكبيرة
اللي شكلها حلو ويفتح النفس وتكون حمرة وسليمة وناشفة
وحجمها كبير عشان يكون مافيهاش بذور كتيرة 

وتعالوا نعرف المكونات

3 كيلو طماطم حجم كبير 
 2ونص كيلوا سكر
عصير 5 ليمونات 
اعواد قرنفل  

ونشوف الطريقة مع بعض  

طبعا نغسل الطماطم كويس وحدة وحدة 
 




ونضعها في حلة عميقة فوق بعضها بدون اي ماء  ونغطي عليها الحلة ونتركها حوالي نصف ساعة


  
بعد النصف ساعة نفتح نجدها بالشكل دة والقشر بدأ يطرى ويكون سهل تقشيرها


نضعها في مصفاة ونركها تبرد شوية  وبعدين نقشرها حتكون سهلى جداا والقشرة بتطلع معاكي بسرعة
وطبعا نرمي المية الصفراء المتبقية منها في الحلة مش حنحتاجها 




 بعد ما قشرناها  اضربيها في الخلاط ضربة وحدة حتكون مثل العجينة 

ونضعها في الحلة مرة اخرى وعليها السكر 

ونتركها على نار هادئة بعد ماتبدأ تغلي  لازم نهدي النار تحتها  ونقلبها من وقت للتاني 

لحد ما تبدأ لتف وتتقل شوية نضع عصير الليمون واعواد القرفة  

ونتركها عشر دقائق تغلي تاني ونقفل




 نتركها تبرد وبعد كدة نعبئها في برطمانات معقمة 

وعشان نعقم البرطمان  نغليهم في مية شوية ونتركهم يجفوا كويس قبل وضع المربى

 وبألف هنا وشفا


 وكل اللي ناوي يعملها ويجربها  اكيد  حيدعيلي ويدعي لزوجي اللي بيحبها وشجعني اعملها    :)





 
Design by Free Wordpress Themes | Bloggerized by Lasantha - Premium Blogger Templates | :