كيك الحليب المكثف من رشا موسى






المقادير لعمل صينية مقاس 30

5بيضات
كوب زيت
كوب سكر
كوب اللى ربع لبن
كوب ونصف دقيق
5 قطع من الجبنة الكيرى
معلقة فانيليا
معلقة ونصف كبيرة بكنج بودر
علبة لبن محلى مكسف

الطريقة
 اولا نضيف السكر مع الزيت


 ثم البيض والفانيليا ونضربهم كويس


 ثم نضيف اللبن



 ثم نضيف الجبنة


 ونخفق كويس


 نخلط الدقيق والبكنج بودر


ونخفقهم كلهكم كويس
ونزل الخليط فى صينية مبطنة بالدقيق والزبدة


 وتدخل الفرن على درجة 180 لمدة 35 دقيقة


 شكلها بعد الخروج من الفرن


 وهى سخنة نضيف ليها الحليب المكثف

 شكلها من الدخل


 وده طبقى




طريقة عمل مشروب السحلب الساخن من مطبخ الاميرة






في الشتاء وفي السهرة بالليل مافي اجمل من مشروب دافئ  مثل السحلب

مفيد ومغذي خاصة للأولاد وهما بيذاكرو  دروسهم  تقدميه لهم مع شوية مكسرات عليه يفيدهم جداااااا

طبعا مشروب السحلب يباع  جاهز احنا بس نضعه مع اللبن

وهو من دقيق الارز المطحون  وبيكون عليه مكسبات طعم زي ماء الورد والفانيليا وروائح عطرية وسمسم  

طريقة عمل السحلب 

محتاجين لبن  مغلي  حسب عدد الافراد عندك  

 كل كوب لبن عليه ملعقة كبيرة من بودرة السحلب

ونصف كوب ماء 

سكر للتحلية 

مكسرات وزبيب وجوز هند مبشور 

نضع اللبن على النار  ونضيف السكر   ثم  نذيب السحلب في الماء ونضيفه  ونضعه على اللبن ونقلب حتى يغلظ قومه


نضيف الزبيب وجوز الهند  

نصبه في اكواب  ونضع المكسرات على الوجه

وبالهنا والشفا




كنتاكي بطريقة سهلة وجميلة من ام سارة





كنتاكي  كنتاكي  كنتاكي 


الطريقة :

اجيب الفراخ واقطع عليها بصل واحط عليها بهارات فراخ ومكعب مرق افتته عليها وفلفل اسود واسيبها فالتتبيلة دي لمدة ساعة واخرمها بالسكينة بعد كدة احط عليها لبن رايب او لبن عادي وبيضة ثم اضعها في دقيق مخلوط عليه بهارات عبارة عن(زعترو بابريكا وتوم بودر وبصل بودر وبهارات فراخ وكاري وملح وفلفل و2ملعقة كبيرة بيكنج بودر)واقليها في زيت غزيرواوهدي النار عشان تستوي كويس



السلمون المشوي من علا عبد المنعم







الوصفة سهلة للغاية
 
نقع (سمك السلمون ) في الليمون والملح والكمون والثوم لبضع ساعات ثم يوضع تحت  الشواية في الفرن 5 دقائق على كل جانب .
 
تقدم مع البطاطس المهروسة وسلطة.

سلطة الكولو سلو من رابعة هيكل


المقادير

1 كرنب سلطه (صغيرة)
4 معالق مايونيز
1/4ك لبن رايب
معلقة عسل نحل
معلقة صغيرة خل
ذرة ملح
2 حبة جزر

الطريقة

تقطع الكرنب شرائح رفيعه ويبشر الجزر عليها ويوضع عليها بقية المقادير وتقلب جيدا وتترك فى التلاجه قبل التقديم ب 4 ساعات تقريبا وتقدم

بالهنا واشفا

طريقه عمل سمك فلانتينو من الشيف/ هشــــــــــام مــــــاجـــد

المقادير
*****
نص كيلو سمك فليه
نص كيلو سبانخ
بشامل
ملح+كمون+عصير ليمون+فصين كبار ثوم+مسترده+فلفل ابيض
بصله صغيره للسبانخ
3 ملاعق زيت زيتون
100 جم جبنه شيدر مبشوره
الطريقه
*****
1- نقوم بتتبيل السمك الفليه المقطع شرايح فى جميع التوابل المذكوره لمد لا تقل عن ساعتين ثم نقوم برص السمك المتبل فى صنيه...ثم نرش الزيت على السمك بالتساوى وتوضع فى فرن درجة حرارته 180 درجه لمدة 20 دقيقه حتى يستوى السمك سوى كامل

2- نضع البصله الصغيره المفرومه على النار نص سوى ثم نضع السبانخ المقطعه على البصل مع التقليب جيدا لمدة 10 دقائق

3- نحضر صنيه نضع قليل من الزيت فى الصنيه نضع راقه بسيطه من البشاميل ثم نضع السبانخ كلها ثم نقوم برص السمك فوق السبانخ ثم نغطى السمك بباقى البشاميل ثم نرش الجبنه على وجه الصنيه تدخل الفرن على درجة حراره220 حتى يحمر وجه الصنيه بعد خروجها من الفرن تقدم بالصنيه وياخز منها اثناء الاكل
وبالهنا والشفا
مع تحيات الشيف / هشام ماجد

ملف كامل لنصائح لو عندك عزومة ما تقلقيش ..ادخلي واعرفي حتعملي ايه



عندك عزومة!!
وحاسة إنك متلخبطة!! 
ومش عارفة تعملي إيه؟!
  نفسك في أي حد يساعدك ويقول لك تعملي إيه؟! 
يلا نحضّر للعزومة مع بعض


-1-
حددي عدد المعزومين
أول خطوة المفروض إنك تعمليها هي إنك تحددي عدد المدعوين أد إيه بالضبط؟!

وعلى الأساس ده هتبدأي تحددي كمية الأكل اللي هتعمليه، وخدي بالك إن لو كان عدد المعزومين قليل؛ يعني مثلاً 3 أفراد هيبقى عدد الأصناف قليل ومحدود...؛ لكن لو عدد المعزومين كبير هيبقى فيه تنوع في الأصناف المقدمة، وده علشان ترضي جميع الأذواق...
-2-
حددي أصناف الأكل
الخطوة اللي بعد كده هي إنك تحددي أصناف الأكل اللي المفروض تكون موجودة على السفرة..
وده جدول بيحتوي علي قائمة بالأنواع اللي المفروض أنها تكون على السفرة في أي عزومة...

أولاً: السلطات


شوفي يا ستي المفروض يكون عندك على السفرة في أي عزومة نوعين من السلطات، وليكن مثلاً طبق سلطة طحينة وطبق سلطة خضراء.

ثانياً: الشوربة


كفاية أوي في عزومة رمضان وجود نوع واحد من الشوربة؛ خاصة لو كان عدد المعزومين مش كبير؛ لكن لو عدد المعزومين كبير يبقى اعملي نوعين أو ثلاثة...

ثالثاً: اللحوم
طبق اللحوم ده بيعتبر من الأطباق الرئيسية على السفرة علشان كده لازم يكون على السفرة في أي عزومة نوعين من أنواع اللحوم، وليكن مثلاً طبق بوفتيك لحمة وطبق فراخ مشوية.

رابعاً :النشويات




النشويات زي: الأرز أو المكرونة أو المحشي، لازم تكون موجودة على السفرة، بس يا ريت تكتفي في عزومة رمضان بوجود نوع واحد من النشويات.. يعني إما مكرونة أو رز، أو أكتر من صنف من أصناف المحشي.


خامساً: الخضار


يا ريت إنك تعملي نوعين من أنواع الخضار في عزومة رمضان علشان ترضي جميع الأذواق.
سادساً: الحلويات


أكيد لو عندك عزومة هتقضي وقت كبير جداً في عمل الأكل، علشان كده اختاري الحلويات السهلة في التحضير أو اختاري الأصناف اللي ممكن إنك تعمليها قبل العزومة بيوم... زي البسبوسة أو أي نوع من الحلويات اللي بتتقدم باردة زي الآيس كريم أو المهلبية أو الأرز باللبن.

-3-

جهزي للعزومة قبل يوم العزومة


يا ريت إنك قبل العزومة بيوم تجهزي أدوات المطبخ زي "الصواني والأطباق والكوبايات والكاسات"، وتتأكدي من نظافتها؛ بحيث إنها تكون جاهزة على الاستعمال...
كمان ابدأي في تحضير الأكل قبل العزومة بيوم... طبعاً هتسألي نفسك دلوقتي، وتقولي: إزاي أحضر الأكل قبلها بيوم، كده الأكل يبوظ؛ خصوصاً إن الجو حر أوي اليومين دول؟!
هاقول لك: إن فيه حاجات ممكن إنك تجهزيها قبل العزومة بيوم وتحطيها في التلاجة...
وده جدول بالحاجات اللي ممكن إنك تحضّريها قبل العزومة بيوم..


العصائر



ممكن إنك تعمليها وتحطيها في كوباية كبيرة وتحطيها في التلاجة أو تحطيها في أكياس وتحطيها في الفريزر وتطلعيها يوم العزومة قبل المغرب بخمس ساعات.




إعداد بعض الوجبات



في بعض الوجبات ممكن إنك تجهزيها وتحطيها في التلاجة زي المحشي على سبيل المثال؛ ممكن إنك تجهزيه وتلفيه وتحطيه في التلاجة؛ بحيث يكون جاهزاً على التسوية يوم العزومة.

تتبيل اللحمة أو الفراخ

لو هتقدمي في العزومة لحمة أو فراخ مشوية ممكن أنك تتبليهم ببصل قبل العزومة بيوم وتحطيهم في وعاء بلاستيك وتسيبيهم في التلاجة؛ بحيث يكونوا جاهزين على الشواء يوم العزومة.

تعصّجي اللحمة

لو هتعملي مكرونة بالبشاميل أو جلاش باللحمة المفرومة يبقى يا ريت إنك تعصّجي اللحمة قبلها بيوم.
إعداد الحلويات

الحلويات كمان ممكن تعمليها قبل العزومة بيوم وتحطيها في التلاجة، ومن الحلويات اللي ممكن إنك تعمليها الآيس كريم والبسبوسة والبقلاوة.. وخدي بالك إنك تغطي صينية البسبوسة أو البقلاوة كويس.

-4-
إعداد باقي الأصناف يوم العزومة

  ملاحظه مهمة جدااااا

1- لما تعملي عزومة مافيش دايى للافتكاسات يعنى الاختراعات بالعكس اعملي الحاجات العادية التقليدية المجربة (بصراحة كمان علشان ما تحرجيش الضيف افرض عملتيله سلطة مايونيز بالشامبينيوه وطلع يا حبة عينى ما يعرفش غير المحشى بتاع امه يبقي كدة احرجتيه ولا لأ ) ايه رأيك وعلشانك انتى برضه افرضي باظت منك لا قدر الله


2- اعملي الحاجات اللي سهلة في التقديم والغرف والاكل يعنى كل ما تعملى حاجة تتاكل بالايد او الملعقة اقصي حاجة (شفتى اقصى حاجة الملعقة ) يبقي احسن علشان مش هايسرك قوى منظر ضيوفك وهما محتارين ومكسوفين مش عارفين يغرفوا حاجة او ياكلوها

3
- الحلويات برده ابعدى عن الكريمات والملزقات (يعنى الحاجات اللي بتبوظ ايد الواحد بسرعة ) والمدلعات فاهمانى طبعا (برده علشان ما تتعبيش في التقديم للناس)

4
- العصاير خليها حاجة اساسية علشان الواحد بيحب يشرب حاجة بعد الاكل
وخليها برده حاجة تقليدية ومعروفة


اساسيات لازم طبعا تقديم شوربه سلطات مخللات عشان لو نسيت حاجه وطبعا الخبز وعصاير وحاجه حلوه
ودي نماذج من عزومات  ممكن تعملييها
نقول اول عزومه

بفتيك وفراخ محمره صينيه رقاق باللحم
مكرونه بيض استكلندى
شوربه لسان عصفور
سلطات(خضره -زبادى-طحينه)
بطاطس شيبس
ومخلل
الحلو كوكتيل



تانى عزومه

ارز معمر بالفرن
فراخ بالفرن
تورلى لحم وخضار
جلاش باللحم المفروم
وسمبلوسه بالخضار والجبن وشوربه لسان العصفور والسلطات والمخللات




ثالث قائمه

شيش طاووك او فراخ بانيه
لحم مسلوق ومحمر وشوربه خضار
صينيه كوسه بالبشاميل
سمبوسه او بيف باسترى محشى الى يعجبك
وطبعا السلطات والمخللات
والحلو جلى بالفواكه




رابع قائمه

كفته لحم يا مشويه يا محمره

صينيه فراخ بالبطاطس
مكرونه بالصلصه ممكن كمان باللحم المفرووم
شوربه عدس وممكن تقطعى الخبز وتحمصيه ويقدم معاه
والسلطات والمخللاتوطبعا عصاير والحلو انا بفضله خفيف كوكتيل جيلى بالفواكه مثلا



عزومه اخرى
السلطات
سلطة خضرا + وبابا غنوج +وسلطة فاصوليا او بطاطس

المقبلات
سمبوسة باللحمة المفرومة والسبانخ

الشوربة
شوربة خضار
الاطباق الرئيسية

كفتة
فراخ في الفرن
لحمة كباب حلة

الخضار
بامية او اي صنف خضار

الاطباق الجانبية
محشى كوسة او مشكل +جلاش باللحمة المفرومة

ارز طبعا طالما فيه خضار مطبوخ


الحلو :اي كيكة او تشيز كيك +فروت سلاط او كوكتيل

العصاير (مافيش احسن من عصير البرتقال دايما طازة وحلو وممكن عصير فراولة)





ده بقى حاجه اسبيشيال موش لاى حد
منيو ابن بلد
السلطات:
سلطة خضرا +باذنجان مخلل + سلطة زبادي

الاطباق الرئيسية :
ممبار
فتة كوارع
طحال
مخ


الاطباق الجانبية

محشى ورق عنب


الشوربات :
شوربة خضار

العصائر :
عصير برتقال

الحلو :
مهلبية او ارز باللبن

فواكه

دى بقى عزومه سمك

السلطات(خضرا بابا غنوج"سلطه زبادى بالخيار"سلطه طحينه)

الشوربه شوربه سى فود(ممكن شويه سمك مقطع على شويه جمبرى وشويه كالمارى )وماتكتريش موش الكل بيحبها

سمك مشوى ومقلى (ياعادى او فيليه نوع واحد)

الجمبرى او سبيط بكزا طريقه حسب الامكانيات
فيه ناس بتحب السمك التعابين
الارز صياديه او احمراو ارز بالبصل

وطبعا العصاير والحلو الى يعجبك



دى عزومه عملتها فى رمضان ونالت الاعجاب

مبدئيا السلطات والمخلللات والشوربه انا بفضل لسان العصفور

عكاوى بطريقه اسامه السيد كانت تحفه وخلصوها(لو ناس منكم وعليكم سيبوها بعضمها) لو حد غريب يبفضل انكم تفصصصوها
ممبار
وطبعا فراخ للى موش يحب العكاوى وملوخيه
وخبز وارز وعملت صينيه واحده مكرونه بالبشاميل للظروف

الحلو عملت بسبوسه هايله وكنت عامله كاستر بالمكسرات
كده انا خلصت ياريت اى واحده عملت عزومه تقولنا عملت ايه عشان كلنا نستفيد

أرز بسمتي بالكاري والخضراوات وشرائح اللحم من مطبخ الاميرة

المكونات


شرائح لحم رقيقة 

بصة مقطعة صغير

بسلة وجزر  

ملح + فلفل+ بهارات + كاري + كركم

3 كوب ارز بسمتي مغسول ومنقوع في مية

2 ملعقة زبد

الطريقة 

نضع شرائح اللحم مع ملح وفلفل على النار مع ملعقة زبد ونضيف لها قليل من الماء ونتركها نصف ساعة مع تقلبيها حتى تلين انسجتها 




ثم نحضر الحلة  ونضع ملعقة الزبد ونشوح البصلة البسلة والجزر  ثم نضع اللحم



ثم نضيف الارز فوقهم  ونضيف الشوربة تكفي لتغطيته وتزيد فوقه حوالي 2 سم

ونضيف الكاري والكركم وملح وفلفل وبهارات للشوربة قبل ما نضيفها للارز

وهنا الارز بعد ما تم النضج  لونه جميل ويفتح النفس



وهنا عند التقديم  وبالف هنا وشفا








البرتقال فوائده ومضاره

 
يعد البرتقال من أكثر الفواكه شعبية في العالم لتوافره الدائم على مدار السنة وقيمته الغذائية الكبيرة ومذاقه الرائع بالإضافة إلى انخفاض سعر مقارنة بالكثير من الفاكهة الأخرى , وتتنوع أنواعه , ويتميز دائما باللون البرتقالي والذي يدل على اسمه كذلك , وله قشرة خارجية ناعمة , ومن داخل الثمرة يوجد أيضا لب عصيري ومنه الحلو والمالح والحامض والمر , وهو أحد أعضاء عائلة الحمضيات التي تضم كذلك اللارنج واليوسفي والليمون.

تزرع أشجار البرتقال على نطاق واسع في الطقس المداري وشبه المداري , وفي عام 2008 تم إنتاج نجو 68.5 مليون طن من البرتقال , وتعتبر البرازيل وولاية فلوريدا الأمريكية هي المناطق الأكثر إنتاجا للبرتقال., ويعتقد أن جنوب شرق آسيا هو الموطن الأصلي لثمار البرتقال , وتتنوع أنواع البرتقال بشكل واسع فمنه البرتقال المالح "البلدي" والبرتقال ذي السرة والبرتقال الأحمر.


 
القيمة الغذائية للبرتقال

العناصر الموجودة بالبرتقال
القيمة الغذائية لكل 100 جم
الكربوهيدرات
11.5 جم
الطاقة
46 سعر
الألياف
2.4 جم
الدهون
0.21 جم
البروتينات
0.70 جم
الثيامين .. فيتامين ب 1
0.100 مجم
الريبوفلافين .. فيتامين ب 2
0.40 مجم
النياسين .. فيتامين ب 3
0.400 مجم
حامض البانتوثنيك .. فيتامين ب 5
0.250 مجم
فيتامين ب6
0.051 مجم
فيتامين ج
45 مجم
الكالسيوم
43 مجم
الحديد
0.09 مجم
الماغنيسيوم
10 مجم
الفوسفور
12 مجم
البوتاسيوم
169 مجم
الزنك
0.08 مجم

فوائد البرتقال الغذائية

يشتهر البرتقال بإحتوائه على قيمة كبيرة من فيتامين ج الذي يعد أحد مضادات الأكسدة ولذلك فهو يعمل على الوقاية من الكثير من الأمراض مثل الربو والتهاب الشعب والروماتيزم وخفض مستوى الكولسترول والسكر بالدم وخفض ضغط الدم ومنع تكون حصوات الكلى , ويعمل على تخفيف رشح الأنف , كما أنه وجد أيضا قدرته على مدمني المشروبات الكحولية من خلال عمله على تقليل الرغبة في الشراب.

1. فوائد البرتقال للبشرة:
بدلا من التخلص من قشر البرتقال بعد أكله يمكنك استغلاله في تحسين صحة الجلد , حيث يحتوي قشر البرتقال على تطهير البشرة وفتح المسام بها , ويساعد أيضا على إزالة السواد بالجلد , كما أنه يعمل على ترطيب الجلد وجعله أكثر ليونة ولمعانا , ويساعد على تفتيح البشرة بفعل حمض الستريك الموجود بالقشر , كما أنه يعمل على التخلص من حب الشباب , ويساعد على التخلص من ندبات الوجه التي تخلفها حبوب الشباب.

 قشور البرتقال تلعب دورا كبيرا في الحفاظ على البشرة

ويمكن استخدام البرتقال في عمل قناع للوجه , سواء عن طريق استخدام القشر طازجا أو تجفيفه , ويبدو استخدام القشر الطازج أسهل وأسرع كما أنه يضمن وجود كافة العناصر الغذائية به وأنها لم تتبخر بعد. ولعمل هذا القناع عليك بغسل القشر بالماء المملح حتى نتخلص من كافة الجراثيم العالقة بالثمرة , ثم توضع القشور في الخلاط حتى تصل عجينة ويمكن إضافة ملعقة كبيرة من اللبن وبضع قطرات من عصير الليمون إلى الخليط , ثم إضافة العسل أو الجلسرين ليساعد في التصاق القناع بالوجه , وتترك نحو 20 دقيقة قبل غسل الوجه بالماء الدافئ.

كذلك يمكنك تفتيح المسام بالجلد عن طريق استخدام حمام البخار بغلي قشور البرتقال والسماح للبخار بأن يمر بوجهك.

2. فوائد البرتقال للتخسيس:
يعمل البرتقال على الوقاية من زيادة الوزن , حيث أنه منخفض السعرات الحرارية والسكر والدهون لذلك فهو يساعد على التنحيف , والفواكه الحمضية عامة تعمل على الوقاية من زيادة الوزن وتقي لذلك من الأمراض المصاحبة لزيادة الوزن مثل أمراض القلب وبعض أنواع السرطان ومرض السكري وارتفاع ضغط الدم والجلطات , لذلك فهو يعتبر غذاء مثاليا إذا دخل في نظام الرجيم.

3. فوائد البرتقال للعظام:
الماغنيسيوم الذي يوجد بالبرتقال يعمل على تحسين صحة العظام , حيث قام فريق بحثي بقيادة الباحثة كاترين رايدر وزملائها بعمل بحث لإيجاد العلاقة بين استهلاك معدن الماغنيسيوم وكثافة المعادن في العظام , حيث تناولت عينة البحث المكملات الغذائية التي تحتوي على الماغنيسيوم , وخضعوا لاختبار قياس كثافة المعادن في العظام , وفي نهاية الدراسة التي نشرت في ديسمبر 2005 في مجلة الجمعية الأمريكية لطب الشيخوخة , لاحظ العلماء أن الأشخاص الذين تناولوا كميات أكبر من الماغنيسيوم زادت كثافة المعادن بالعظام لديهم عن الذين تناولوا كميات أقل , أضف إلى هذا فإن الكالسيوم الموجود بالبرتقال يساعد أيضا في الحفاظ على صحة العظام والأسنان.

4. فوائد البرتقال للامساك:
يحتوي البرتقال على الكثير من الألياف الغذائية الضرورية لتحفيز عصائر الجهاز الهضمي وتسهل من عملية الإخراج , فتحتوي البرتقالة الواحدة على نجو 12.5% من الاحتياج اليومي الموصى به من الألياف , والتي تعمل على الوقاية ضد الإمساك وتعد علاج طبيعي لمشكلة الإمساك والتي يمكن أن تتسبب في سرطان القولون , ويمكن أن يكون البرتقال مفيد في حالة القولون العصبي.

5. فوائد البرتقال لمرضى السكر:
مرض السكري مرض مزمن يحدث عندما يفقد الجسم قدرته على السيطرة على مستويات السكر بالدم , وتناول البرتقال قد يساعدك على التحكم في مستويات السكر والوقاية من مرض السكري , ووفقا لموقع مايو كلينك الطبي الشهير فإن الألياف الموجودة بالبرتقال تعمل على إبطاء عملية الهضم بحيث لا ترتفع نسبة السكر بعد الأكل مباشرة.

6. فوائد البرتقال الاحمر:
يحتوي هذا النوع من البرتقال على عصارة لونها أحمر ترجع إلى صبغة الأنثوسيانين وهي أحد المركبات الطبيعية التي تعطي لون الكثير من الفواكه والخضروات , ويعتقد خبراء التغذية أن الأنثوسيانين له خصائص مضادة للالتهاب وتؤثر على الكولاجين , وهي أيضا تمنع أمراض السرطان والسكري والالتهابات البكتيرية , كما أنها تعمل على الوقاية من الكثير من الأمراض التي تصاحب الشيخوخة عادة مثل تصلب الشرايين , كما أنها تمنع ترسب الكولسترول الضار بالدم.

 البرتقال الأحمر

7. فوائد البرتقال للحامل:
تقول أخصائية التغذية كارين أنسيل أن البرتقال مناسب تماما للأم أثناء حملها حيث أنه يمد الطفل بالكثير من المركبات الضرورية مثل البيتا كاروتين والذي يتحول إلى فيتامين أ الضروري لنمو الأنسجة والعظام بالإضافة إلى تأثيره الصحي على العين , وتقول كارين أنه لا داعي للقلق من مسألة ارتفاع نسبة فيتامين أ وعلاقته بالتشوهات الجنينة فحتى إذا تم تناول البرتقال بكميات كبيرة فإن البيتا كاروتين يتحول إلى فيتامين أ , وبمجرد أن يبدأ فيتامين أ في الارتفاع فإن الجسم يوقف تحويل البيتا كاروتين إلى فيتامين أ.

8. فوائد البرتقال السكري:
تستخدم قشور البرتقال الحلو لزيادة الشهية وتقليل المخاط وعلاج السعال والبرد وانتفاخ البطن وعسر الهضم وقروح الثدي السرطانية بسبب احتوائه على كميات كبيرة من فيتامين ج المضاد للأكسدة في الجسم , ويستخدم عصير البرتقال السكري لعلاج حصوات الكلى حيث يحتوي على كميات كبيرة من السترات وهي التي تتمكن من الارتباط مع الكالسيوم قبل أن يكون الحصوات , كذلك فإنه يحمي من ارتفاع الكولسترول بالدم والوقاية من ارتفاع ضغط الدم والجلطات نتيجة وجود البوتاسيوم , كما أنه يحمي أيضا من سرطان البروستاتا.

أضرار البرتقال

باختصار فإن البرتقال لا يحتوي على مضار حيث أنه آمن تقريبا للبالغين , أما في الأطفال فإن تناول كميات كبيرة منه قد يسبب المغص والتشنجات.

 
Design by Free Wordpress Themes | Bloggerized by Lasantha - Premium Blogger Templates | :