اكلير الفراولة من الشيف ايمن العطار





اجمل واحلى اكلير فراوله من الشيف ايمن العطار

اكلير الفراوله من الشيف ايمن العطار
عجينه الشو اكلير
# المقادير: 50 جرام زبدة كوب ماء 4 ملاعق كبيرة دقيق عدد 5 بيضات مقدار فانيليا مقدار شوكولاتة مقدار كريم شانتي مع توبنج فراوله او عصير فرواله فريش للحشو
الطريقه
1- يوضع الماء مع الزبد على النار حتى يغلي.
... 2- يضاف الدقيق بمجرد الغليان حتى لا يتبخر الماء بالغليان المستمر ويقلب لمدة دقيقة ثم يرفع من على النار.
3- يقلب بملعقة خشبية بعد رفعه من على النار.
4- عندما تهدأ العجينة قليلا يضاف البيض واحدة واحدة مع التقليب المستمر بعد كل بيضة، الى أن تصبح العجينة ملساء ناعمة وعند رفع الملعقة لأعلى يرتفع معها جزء من العجينةويظهر على شكل المنقار.
.
* توضع العجينة في كيس وبلبلة سادة غير مشرشرة قطرها نصف بوصة.
* يدهن صاج بالزبد ثم يتم عمل الوحدات على شكل إصبع طوله 8 سم
توضع الصينية في فرن درجه حرارته200 لمده 15 دقيقه الى 20 دقيقه
فور خروجه من الفرن تشق الوحدات من الجانب كالسندويتش وتترك لتبرد ثم يحشى بالكريمه او زى ما انا عامل كده فى الصوره انى اخدت اطرافه فى الشيكولاته بعد مفتحته خالص وقلبت القطعه واديتها حشو الكريمه بالفراوله 

وبالهنا والشفا الشيف ايمن العطار

طريقة عمل المقلوبة باللحم المفروم

المقادير :-
نصف كيلو لحم مفروم طبعا بيكون معصج
4 كوب ارز بسمتى مغسول جيدا ومنقوع نصف ساعة
باذنجان مقطح شرايح و مملح و يترك مدة نص ساعة قبل القلي فى الملح حتى لا يمتص الزيت
2 حبة طماطم مقطعة دوائر
الخطوات :-
بنقلى الباذنجان ونصفيه ونتركه على جنب ويصفى جيدا من الزيت اوعوا تنسوا لازم يكون مصفى على ورق نشاف
بنصفى الارز من الماء ونرش عليه قليل من البهارات وياريت لو عندكم لون رز بريانى بيتباع فى كارفور
فى قاع الحلة بنحط شرائح الطماطم والبصل ويا سلام كدا يا فتوكة يا شطورة لو مقلبة البصل والطماطم على جنب فى شوية زيت مع القرفة والبهارات مممممممم القرفة  بتعطى رائحة واووووو
وبعدين بنرص الطماطم والبصل فى قعر الحلة
نحط الباذنجان المقلى فوق الطماطم والبصل
وبعدين اللحم المفروم المعصج
وبعدين اخر طبقة نحط الارز بسمتى ونساوى السطح بالمعلقة
ونحط شوربة تكون عندنا ولو مفيش اغلى مية مع ماجى ونحطها فوق الكونات
وتبدأ المية فى الغلى والنار تكون عالية لغاية ما تبدأ المية تكون تحت الارز نهدى النار عليها
وتترك على النار لغاية ما الارز يستوى
اهم شيء وقت قلبها
لا بد ان تركها تهدى حوالى ربع ساعة اوعى تقلبى الحلة اول ما تستوى 
ثم نضع لحم مفروم معصج عليها من فوق 
وممكن اضافة صنوبر او لوز  على الوجه
وبالهنا والشفا

طريقة عمل العيش الفينو بالصور من ام سارة

العيش الفينو بطريقة سهلة ومجربة








الطريقة
اولا حنسخن ربع كوب زبدة مع كوب لبن و3ملاعق سكر

 بعد كدة نتركهم حتي يبردوا شوية يعني يكون دافئ ثم نضع 

عليهم 4كوب دقيق وملعقة ك خميرة وملعقة ص بيكنج وبيضة

 وربع كوب لبن بودر وملعقة ص ملحونصف كوب مية ثم نعجن لمدة ربع ساعة اواكتر




ثم نكورها وندهنها زيت ونغطيها بكيس بلاستيك ونسيبها تخمر ساعة

هنا بعد ماخمرت


ثم نفرد كل كورة من غير دقيق هي لوحدها مبتلزقش


ونبرمها اسطوانة او رول ونضعها فالصاج بتاع الفرن يكون مدهون زيت ونغطيها تاني ونسيبها تخمر

هنا خمرت ندهنها انا دهنت بصفار بيض وشوية لبن وسنة قهوة ورشي سمسم ودخليه الفرن علي 200 لمدة ربع ساعة وتحمري وشه بالشواية

شكله من جوة هش اووي وجميل


ان شاء الله تجربوه وتدعوا لام سارة

جزاها الله كل الخير


كيك بالنوتيلا من علا عبد المنعم






المقادير:
 
50 جرام زبدة
3/4 ج سكر
2 بيضة / الفانيليا
1/3 ج حليب
1 كوب طحين
1/2 ملعقة شاي بيكنج بودر .

الطريقة:
تخلط المكونات بطريقة الكيك العادي
ثم
يقسم الخليط  الي قسمين   نخلط النوتيلا مع نصف الخليط ونصبه في  قوالب الكب كيك  ثم نضيف القسم الآخر من الخليط

 

يخبز في فرن محمى 180 درجة لمدة 20 دقيقة.

التوبنج :

أنا وضعت 2 ملاعق كبيرة نوتيلا + 2 ملاعق  كريم خفق  + بعض رقائق الشوكولاته

أجمل تشيكلة لقوالب الكيك الجزء (2)

استكمالا للجزء الأول من قوالب الكيك

نقدم ايضا مجموعة متميزة واشكال رائعة منها

تابعوا معنا 

قالب لكيك الاناناس او البرتقال 




قالب لكيك الشطرنج


قالب لكيك القلعة











خرشوف محشي باللحمة المفرومة بالصلصة بالصور من مطبخ الاميرة

 
 الخرشوف من الخضراوات التي تحتوي على مقدار عالي جدااا من الحديد ومفيدة جدااا وموسمه مش طويل ولازم نستفيد بيه في الفترة دي  في عمل اكلات ووصفات 
وحبدأ معاكم بالخرشوف المحشي باللحمة المفرومة والصلصة
وان شاء الله نعمل الشوربة قريب

المقادير
 عدد من حبات  الخرشوف  على حسب عدد الافراد 

نص كيلو لحمة مفرومة

بصلة مقطعة صغير جدا

صلصة
طماطم
ملح وفلفل

ربع كوب زيت او معلقتين سمن



الطريقة 

طبعا قبل ما نبدأ لازم نقشر الخرشوف وهنا لازم نجهز  بولة فيها ماء + عصير ليمونتين ونضع القشر ايضا في الماء + ملعقتين دقيق

والامر دة من اجل ما يتغير لونه ويكون اسود بعد التقشير لان نسبة الحديد عالية جداا فيه 

تابعوا الصور معايا







- نعصج اللحمة مع البصل والملح والفلفل ومعلقة سمنة او معلقة زيت على النار
- هاتي حلة وحطي فيها 2 كوب ماء و2 معلقة كبيرة اوي صلصة طماطم وطبعا وحبة ملح صغننين والزيت او السمنة وسيبيهم يغلوا على النار لحد ما تتسبك وتتقل وتكون غليظة شوية بس مش اوي .
- ادهني صينية  بالزيت
- امسكي الخرشوف واحدة واحدة وحطى على كل خرشوفة معلقة كبيرة من اللحمة المفرومة واضغطيها بإديكي او بظهر المعلقة عشان ماتتطلعش .
- اعملى كل الخرشوف بنفس الطريقة ورصيه فالصينية جمب بعض .
- اسكبي الصلصة المتسبكة على الخرشوف من فوق بس بالراحة عشان اللحمة ماتتطلعش منه .
- حطي الخرشوف على نار عاليه لحد ما يغلي ونضيف له كوب ماء وبعدين نهدي النار
_ ندخله الفرن لمدة نصف ساعة  ثم نخرجه ونقدمه
(قدمي جمبه رز ابيض مصري)
 
تابعوا الصور 











وبالهنا والشفا

حوار شيق مع Shahd Mousa الفائزة الاولى في مسابقة مطبخ الأميرة





يحاول دائما موقع مطبخ الأميرة اضافة ابتسامة على كل متابعينه وزواره  والتقرب منهم والتعرف عليهم لاحداث التواصل الدائم

ومن منطلق هذا نقيم المسابقات الثقافية المتنوعة التي تضفي نوع من البهجة والمرح وروح المنافسة الجميل بين عضوات صفحتنا على الفيس بوك

وكانت الفائزة معنا هذا الاسبوع هي /
_;`';_._;`';_Shahd Mousa_;`';_._;`';_
وكانت متميزة جدااا في اجاباتها السريعة وحماسها الرائع .. وبدون مجاملة فهي تمتلك روحا جذابة وشخصية محترمة

نهينا بفوزها معنا في المسابقة .... ومن ضمن الجوائز هو ذلك الحوار الشيق الذي اجريناه معها والذي سيكون مثابة  توثيق للاخوة في الله لا حدود لها

آميلن تفاعلكم معنا ايضا فما هه الاسئلة الا مقدمة لهذا الحوار مع  اختنا  / 
_;`';_._;`';_Shahd Mousa_;`';_._;`';_
 وكانت اجاباتها  رائعة ومتميزة ايضااااا 

تابعوا معنا ذلك الحوار الشيق 
•.¸¸.•´´¯`••._.•  `•.¸¸.•´´¯`••._.•
1_ ممكن تعرفينا بنفسك ؟ يعني البطاقة الشخصية
الاسم .. والحالة الاجتماعية .. والمؤهل العلمي .. والبلد والاقامة:
\
 shahd mousa ,عزباء ,بكالوريوس خدمة اجتماعية , دمياط , دمياط الجديدة
 
•.¸¸.•´´¯`••._.•  `•.¸¸.•´´¯`••._.•
2_ ياترى من امتى انضميتي للفيس بوك ؟
 من حوالى 7 شهور

•.¸¸.•´´¯`••._.•  `•.¸¸.•´´¯`••._.•
3_ ايه اكتر حاجة بتعجبك في الفيس بوك واكتر حاجة بتزعجك فيه ؟
 اكتر حاجة بحبها المشاركة مع الاصدقاء , 
واكتر حاجة بتزعجنى : بيضيع الوقت

•.¸¸.•´´¯`••._.•  `•.¸¸.•´´¯`••._.•
4_ صفحات الطبخ على الفيس بوك رايك فيها ايه من وجهة نظرك وهل اضافت جديد لحضرتك؟
 هيا كويسه واتعلمت حاجات مكنتش اعرفها

•.¸¸.•´´¯`••._.•  `•.¸¸.•´´¯`••._.•
5_ ياترى اكتر اكلة بتحبيها ؟ واكتر اكلة بتعمليها بنجاح والكل يقول سلم ايديكي ؟
 الاكلة اللى بحبها البشاميل ,
 ومفيش اكلة بعملها بايدى لانى لسه بتعلم

•.¸¸.•´´¯`••._.•  `•.¸¸.•´´¯`••._.•
6_ اول مرة دخلتي المطبخ كان عمرك كام سنة وعملتي ايه ؟ وانا فى اعدادى وعملت شاى

•.¸¸.•´´¯`••._.•  `•.¸¸.•´´¯`••._.•
7_ مين علمك الطبيخ ؟
 مفيش حد لانى لسه مش بعرف

•.¸¸.•´´¯`••._.•  `•.¸¸.•´´¯`••._.•
8_ مين من الشيفات دايما بتابعيه ؟
 الشيف الشربينى

•.¸¸.•´´¯`••._.•  `•.¸¸.•´´¯`••._.•
9_ برامج الطبخ التليفزيونة اضافت ليكي ايه؟ وهل نفذتي وصفات منها بالفعل ؟ 
نعم اضافت بس مجربتش اللى اتعلمتو لانى مش بعرف لسه

•.¸¸.•´´¯`••._.•  `•.¸¸.•´´¯`••._.•
10_ هل حضرتك من هواة جمع ادوات المطبخ وكل ماهو عصري وحديث ؟
 لا

•.¸¸.•´´¯`••._.•  `•.¸¸.•´´¯`••._.•
11_ لو عندك بنوتة حتعلميها الطبخ امتى؟
 فى اعدادى

•.¸¸.•´´¯`••._.•  `•.¸¸.•´´¯`••._.•
12_ احكي لينا عن هواياتك وكيفية قضاء وقت فراغك ؟
 كلها بقضيها فيس بوك

•.¸¸.•´´¯`••._.•  `•.¸¸.•´´¯`••._.•
13_ هل تشغلك الحياة السياسية في مصر ومتابعة لها ؟ وماهي نظرتك للقادم ؟
 نعم تشغلنى ونظرتى للقادم ان شاء الله هيكون افضل

•.¸¸.•´´¯`••._.•  `•.¸¸.•´´¯`••._.•
14_ ما رايك في المراة العربية بصفة عامة وانجازاتها ؟ وهل حققت ماتصبو اليه ؟
 استطاعت اثبات نفسها , وحققت انجازات يشهد بها العالم

•.¸¸.•´´¯`••._.•  `•.¸¸.•´´¯`••._.•
15_ كلمة اخيرة لحضرتك ؟ 
انا بجد كنت سعيدة انى اشتركت معاكم وبجد ربنا يوفقكو
 
 
•.¸¸.•´´¯`••._.•  `•.¸¸.•´´¯`••._.•

أجمل تشيكلة لقوالب الكيك الجزء (1)

كلنا تعجبنا اشكال الكيك وتلفت نظرنا في برامج الاكل المختلفة 
ومن الطبيعي ان تكون متوفرة في الاسواق ولكن علينا قبل ان ننزل للبحث عنها ان نتعرف عليها اكثر ونختار ماذا نريد بالتحديد
ومن اجل هذا جمعت لكم مجموعة رائعة من هذه القوالب سوف تكون على اجزاء متتالية لنتابعها ونتعرف عليها 
والجميل ان هناك كيك بالفعل مصنوع مع كل شكل لنرى مدى جماله 

ولنبدأ المشاهدة سويا  .........

1_ هذه صينية ذات جوانب متحركة تصلح لعمل الكيك الاسنفجي والتشيز كيك
2_ 
 

2_ كب كيك على شكل قلوب 





3_  كب كيك  على شكل وردات روعة





4_ صواني متدرجة لعمل الكيك الادوار






5_  صينية محفورة برسومات واشكال زخرفية





6_ صينية على شكل نجوم باحجام مختلفة

7_   قالب كيك  بشكل جميل





 
Design by Free Wordpress Themes | Bloggerized by Lasantha - Premium Blogger Templates | :