طريقة الكسكسي المصري بالصور والخطوات من مطبخ الأميرة

** الكسكسي المصري**

 

 

المقادير:

كيلو دقيق منخول

ماء للرش

ملح

ملعقة صغيرة خميرة فورية

2كوب لبن

سمن بلدي او زبدة

الطريقة:

نضع الدقيق في اناء واسع ..
نذيب الملح والخميرة الفورية في الماء ونبدأ برش اماء برفق وكمية بسيطة فوق الدقيق
ونفرك الدقيق باليدين جيدا
ونستمربرش الماء والفرك بين اليدين الى ان يختفي الدقيق تماما ويصير لونه اصفر
مثلا الصورة

وهنا انتي أمام خيارين

اما ان تضعيه في الكبة وينتهي امره في ثواني معدودة

او انك تستعملي طريقة جدتي وجدتك وتتعبي شويتين
احضري المنخل المخصوص لعمل الكسكي
وضعي فيه الدقيق وحركي بيدك الى ان ينزل كله مع اضافة بعض الدقيق ان استلزم الامر ليساعد
في النزول

والآن اتى دور الحلة والبوتاجاز

لو عندك الحلة المخصوصة لعمل الكسكسي ضعيها على النار وضعي الماء وانتظري لحين ما يغلي الماء جيدا,,
( لو ماعندك الحلة جهزي انتي حلة واختاري مصفاة مقاسها من عندك واقفلي الجوانب بقطعة عجين)

_ ضعي الكسكسي في قطعة قماش بيضاء خفيفة وضعيه المصفاه فوق الحلة

واتركيه لمدة ساعة الا ربع يستوي على البخار وغطي الحلة طبعا

عاوزة تعرفي انه استوى اكشفي القماش من عليه واضربيه بالملعقة لو عمل صوت قوي يكون استوى
( ماما علمتني كدة)

_ انزلي الكسكسي وافرغيه من قطعة القماش في اناء واسع وحركيه بالملعقة خشبية
لو حسيتي انه ماسك ببعضه دة معناه انك زودتي المية في البداية
(ما تقلقيش واضربيه تاني في الكبة او نزليه بالمنخل تاني)
انما لو مظبوط حينزل جميل من على النار

هاتي اللبن وابدئي بتشريب الكسكسي شوية بشوية وانتي تحركيه
حتلاحظي انه بيشرب ومحتاج تاني
ضيفي لحين ما تشعري انه مش محتاج
(هو تقريبا ياخد 2 كوب لبن متوسط)
_ الآن ضعي ماء يغلي تاني في الحلة
وهاتي القماشة وضعي الكسكسي لياخذ الدورة الثانية ويستوي جيدا
لن يغيب هذه المرة 20 دقيقة فقط على البخار

_ انزليه وافرغيه وضيفي له السمن او الزبد
وقدميه ساخن
_ فيه ناس بتحبه بالسكر
او بالخضار
او مع كفتة الارز اللي عملتها لكم امبارح و معها دجاج

يارب يكون عجبكم والطريقة تكون واضحة
هو بياخد وقت ومجهود لكن طعمه لذيذ جداااا

بالهنا والشفا

تم نشره في: اكلات مصرية,أكلات مطبخ الأميرة