8/30/2011 01:09:00 م
الكشري المصري بالصور
من الاكلات الشعبية المشهورة جداااا في جميع انحاء مصر
وجبة خفيفة ولذيذة وشهية
المقادير:
حسب عدد الافراد طبعا
مكرونة (نوعين)
عدس اسمر (نسميه عندنا في مصر عدس بجبة)
ارز
شعرية
حمص شام
صلصة طماطم
بصل
ثوم
خل
ملح
فلفل
كمون
شطة حارة
زيت
الطريقة
1_جهزي الصلصة
عبارة عن( بصلة + فصين ثوم
حمريهم على النار في الزيت لحين يتغير لونهم ويصبح اصفر غامق ثم ضعي الصلصة او عصير الطماطم ولعقتين كبيرة خل + الكمون والملح والفلفل)
_ اعملي حلة ارز بالشعرية بالطريقة العادية
( حمري الشعرية في ملعقة سمن
ثم ضيفي لها الارز المغسول طبعا وقلبي شوية ثم ضيفي ماء للتسوية وملح ,, انا بضيف شوربة للتسوية تعطي طعم اجمل)
3_ اسلقي المكرونة النوعين مع بعض عادي ثم صفيها وضعي ملعقتين زيت في الحلة
وحطي المكرونة عليها وقلبي شوية عشان ما تلزقش في بعضها
4_ اسلقي العدس الاسمر في ماء
ولما يستوي صفيه وحطي عليه ملعقة صغيرة زيت وملح وكمون
_ اسلقي حمص الشام وصفيه من الماء وجهزيه في طبق
6_ جهزي البصل قطعيه شرائح طولية وحمريه في الزيت لحد ما ياخد اللون البني وطلعيه على ورق لتمتص الزيت منه
_ جهزي الدقة
ثوم مدقوق ناعم + ملعقتين خل + كمون + شطة+ ملح +كوب ماءضعيهم في برطمان فاضي من عندك ورجيهم كويس مع بعض
خطوات كتيرة صح
معلش بس لو عندك تنظيم كله بيخلص في اقل من ساعة
انا بشغل الخمس شعلات مع بعض ونص ساعة كله ينتهي
يلا بئا كدة كل شئ جاهز امامك على النار
ابدئي بئا جهزي طبقك
عشان يكون شكله كدة في النهاية
تم نشره في: 
المشاركات
0 التعليقات:
إرسال تعليق
ضع تعليقك هنا