10/05/2011 12:28:00 ص
فطيرة الخضراوات المشكلة بالباشميل و الدجاج
ركزي معايا عشان الموضوع طويل وعاوز تركييييييييييز يا شطورين
اكلتنا اليوم حصرية مش تلاقوها الا عندي بس
الطعم طبعا حكاية
المقادير
مقادير العجينة :
لو عندك عجينة بيتزا جاهزة ممكن تستعمليها
مش عندك يبئا حنعمل عجينة بسيطة بسرعة كدة
3 كوب دقيق
3 ملاعق سمن
بيضة
لبن للعجن او ماء
ملعقيتين بيكنج بودر
ذرة ملح + فلفل اسمر
باقي المقادير
اي نوع خضار عندك بسلة فاصوليا جزر مشروم وياريت كلهم طبعا
بصل شرائح صغيرة رقيقة وكرفس وملح وفلفل اسمر وبهارات طبعا ونصف ملعقة صغيرة قرفة
مكعب مرقة دجاج ولو عندك مرقة او شوربة ممكن نستغنى عن المكعب
نصف دجاجة مستوية نصف سوا ومخلية ومقطعة قطع صغيرة
مقدار من الباشميل ( 3 ملاعق كبيرة دقيق تحمر في 3 ملاعق سمن حتى يكون لون الدقيق ذهبي ثم يبعد عن النار ويضاف 2 كوب لبن ويقلب جيدا ويرفع على النار مرة اخرى لمدة خمس دقائق .. ثم يترك يبرد ثم يضاف عليه بيضتان ويضرب جيدا)
الطريقة
جهزي العجينة بخلط كل المقادير وعجنها باللبن قبل اي شئ واتركيها جانبا ترتاح
ضعي كل الخضار على بعض والملح والبهارات وضعي معهم كوبين مرقة واتركيه يستوي نصف سوى
ضعي الخضار في مصفاة للتخلص من الشوربة
احضري صينية مستطيلة وادهنيها جيدا بالسمن
اقسمي العجينة جزئين واحد كبير شوية
وافردي في القالب الجزء الكبير لانك حتبطني بيه القالب بسمك 1 سم تقريبا
على جميع جوانب القالب وارتفاعاته
اخلطي الخضار والدجاج والباشميل وضعيهم فوق العجينة ثم احضري الجزء الاخر من العجينة بعد فرده على الرخامة مستطيل
وغطي بيه الحشوة كلها واقفلي جوانب الفطيرة مع بعض بحيث لا يظهر اي شئ من الخضار
سخني الفرن كويس ودخليها لمدة ساعة الا ربع تقريبا بس نار متوسطة
مش حقولك ريحتها وهي في الفرن عاملة ايه وخصوصا الكرفس بيخلي الخضار ريحته حلوة وطعمه كمان مميز
هي طويلة شوية ومحتاجة جهد بس في النهاية النتيجة ممتازة ان شاء الله
وبالهنا والشفا
ابتكارات مطبخ الأميرة
تم نشره في: 
المشاركات
0 التعليقات:
إرسال تعليق
ضع تعليقك هنا