طريقة عمل اللحمة الباردة من رابعة هيكل

كيفية عمل الحمه البارده
طبعا بتشترى العرق من الجزار على بعضه ممكن يبقى 2ك او 2.5ك
بتجيبى العرق وطبعا بتلفيه بالخيط الدوبار لو مش هتعرفى ممكن الجزار يعمله وتاخديه ملفوف وتخرميه من جميع الجهات كده بطريقه عشوائيه ودخلى فيه بعض فصوص الثوم
تهتبليه بتتبيله كده لذيذه وسريعه (فلفل اسمر _بهار لحمه _جوز الطيب - زعتر )
بتسخنى صنييه مفروده او طاسه مفروده تاخد العرق بتسخنيها كويس
وتحطى فيها شوية سمن وبعدين تنزلى عليها العرق المتبل بعد تتبيله بساعتين
وتحمرى العرق من جميع الجهات والحركه دى اسمها صدمه اوك
تجيبى بقى ورقة فويل وتحطى فيها العرق وممكن بقى حلقات ابصل وكما الجزر واى نوع خضار مع شويه من توابل التتبيله كده على خفيف
وتقفلى الفويل وتحطيه فى صنيه بها شويه من الماء ودخليها الفرن لمدة ساعه او ساعه ونص وأول لما تدخلى السكين فيه ما ينزل مايه تعرفى انه كده استوى تخرجيه وتضعيه فى التلاجه لليوم النى ثم تقطعيه شرائح وطبعا هو ليه استخدمات كتير غير ساندوتشات الحمه الباره
ويارب يعجبكم
وبالهنا والشفا

تم نشره في: أطباق رابعة هيكل