طريقة عمل عجينة الميل في بالصور والخطوات






اولا المقادير للعجينة

حوالى كوب و نصف دقيق
180 جرام زبده جامده" من التلاجة يعنى مش بدرجة حرارة الغرفة "
كوب الا ربع ماء للعجن ممكن اكتر او اقل حاجة بسيطة حسب الدقيق
ذرة ملح


الطريقة



سهلة جدا والله مش صعبة


نجيب الدقيق على السطح الرخامى او الترابيزة " يكون سطح املس " و نعمله زى الهضبه كدا و نعمل فى قلبه حفره زى فوهة البركان


و بعدين نبتدى نضيف الماء داخل الحفرة و نلم الدقيق عليها و نعجن لغاية ما تتكون معانا عجينه مبتلزقش و تلم كل الدقيق اللى على السطح


طريقة عمل تورته الميل فى و عجينه الميل فى بالصور


طريقة عمل تورته الميل فى و عجينه الميل فى بالصور


بعدين نحط العجينه فى كيس نايلون فى التلاجة للمدة ربع الى نص ساعة عشان تكون ارتاحت و بردت و الزبدة ال هنضيفها متسيحش فيها بسهولة


بعد ربع ساعة نخرجها من التلاجة و نبتدى نفردها على هيئة مربع و نجيب قطعة الزبدة بتاعتنا و نحطها فى نص العجينة و نقفل جوانب العجينه عليها زى كدا


طريقة عمل تورته الميل فى و عجينه الميل فى بالصور



انا قطعت الزبدة قطع صغيرة نسبيا و وزعتها فى قلب العجينه

طريقة عمل تورته الميل فى و عجينه الميل فى بالصور


بعدين نقفل اهو


طريقة عمل تورته الميل فى و عجينه الميل فى بالصور


بعدين نبتدى نفرد بالنشابه


طريقة عمل تورته الميل فى و عجينه الميل فى بالصور


بعدين نطوى


طريقة عمل تورته الميل فى و عجينه الميل فى بالصور


و نرجع نفرد بالنشابه و ياريت لو مثلا فردنا بالطول و طوينا بالعرض

بعد كدا نفرد بالعرض و نطوى بالطول يعنى نحاول نفرد الزبده داخل العجينه فى كل الاتجاهات

و لو حسينا ان العجينه هتبتدى تلزق على السطح او ان الزبده بتخرج نحط العجين فى التلاجه ربع ساعة ترتاح و تجمد و نخرجها و نرجع نفردها و نطويها كمان كام طيه و نرش السطح بالدقيق رشات خفيفة ضرورى جدا النقطة دى لسهولة الفرد و عدم التصاق العجين


كل ما عمليه الطى و الفرد دى بتزيد كل ما بتدى معانا نتيجة مدهشة بعد كدا فى الخبز و الطعم


انا عملتها اربع مرات و بين كل مرةومرة كنت بريحها فى التلاجة ربع ساعة و ارجع اكمل


لغاية ما هنلاقى ان العجينة بقى لونها اصفر نتيجة انها شربت كل الزبدة اللى حطيناها و لما نفردها او نطويها مفيش زبدة هتخرج منها لانها دابت خلاص جواها


و طريقة فرد الزبدة فى العجينة بالشكل دا هو اللى بيخلى العجينه مورقة و هشه زى ما بنشوفها و بتديها الطعم المميز اللى كلنا بنحبه


المهم


دلوقتى العجينة جهزت عندنا خلاص و بقيت اخر تمام بالشكل دا


طريقة عمل تورته الميل فى و عجينه الميل فى بالصور


و فى مليون فكرة ممكن نستخدمها فيهم


انا عملت منها تورتة ميل فى و كمان اصابع الساليزون المدهشة بالبسطرمة


لو هنعمل تورتة ميل فى


هنفرد جزء من العجينة يعنى حوالى اربعين سم فى تلاتين و بنرققها جدا يا جماعة زى الصورة كدا بالظبط وانا عملتها كدا


طريقة عمل تورته الميل فى و عجينه الميل فى بالصور


و بعدين نحطها فى الصاج بتاعنا و نشكها بالشوكة عشان متنتفخش فى الخبز بالشكل دا


طريقة عمل تورته الميل فى و عجينه الميل فى بالصور


و انا دهنت الوش بيض و دخلتها الفرن على الشبكة فى الرف الاسفل لمدة ربع الىتلت ساعة تقريبا على نار متوسطة



و خرجت جميلة


بعد كدا عملت


الباسترى كريم


و مقاديرة

اتنين اصفر بيض مع بيضة كاملة
كوب و ربع لبن
فانيليا
ملعقة كبيرة نشا
ملعقة كبيرة دقيق
و ثلاث ملاعق سكر و نقلب ع البارد لغاية ما كل المكونات دى تندمج و تدوب مع بعض تماما و بعدين نبتدى نرفعها على النار و نقلب لغاية ما تتخن معانا و توصل للقوام المناسب وهو بيبقى تخين شويه زى الكاسترد كدا او اتخن كمان حاجة بسيطة

بعدين بنبتدى نجيب العجينة بتاعتنا واللى اصبحت رقاقة كبيرة هشه و جميلة و نقطعها نصين او ثلاثة على حسب عدد الطبقات اللى حابن نعملها لقالب التورته

و نهذب الجوانب كدا

طريقة عمل تورته الميل فى و عجينه الميل فى بالصور


و العجينة بيبقى شكلها من الداخل كدا بالظبط جميلة جدا "انا اصلى مش مصدقة انها نجحت معايا شكلا و طعما للدرجة اللى حصلت
طريقة عمل تورته الميل فى و عجينه الميل فى بالصورطريقة عمل تورته الميل فى و عجينه الميل فى بالصور"

طريقة عمل تورته الميل فى و عجينه الميل فى بالصور


نجيب كيس نايلون " من اكياس التلاجة العادية " او كيس كريمة و نفتح الكيس من جهة واحدة فتحة بسيطة بحيث نقدر نصب بيه الكريم باسترى فوق الرقاقة الهشه زى كدا


طريقة عمل تورته الميل فى و عجينه الميل فى بالصور


و نكرر عملية الحشو و الطبقات " انا عملت طبقتين بس عشان كنت عامله عجينة قليلة "


طريقة عمل تورته الميل فى و عجينه الميل فى بالصور


نسد اى ثغرات و نهذب الجوانب كدا


طريقة عمل تورته الميل فى و عجينه الميل فى بالصور

طريقة عمل تورته الميل فى و عجينه الميل فى بالصور

طريقة عمل تورته الميل فى و عجينه الميل فى بالصور

دا الشكل النهائى ليها و نرش عليها سكر بودرة و نقدمها مع الشاى يا سلام ولا اروع و زى الجاهز بالظبط مفيش اى فرق غير اننا ضامنين الصنعة و النضافة و موفرين اكتر من70 فى الميه من تمن الجاهز

لو عاوزة تعملى كمية كبيرة ممكن تجهزى لعجينة و تحتفظى بيها فى الفريزر فى شكل لفات فى اكياس نايلون لحين الاستخدام بتخرجيها و تسيبيها تلين و تشكليها زى ما تحبى


كيلو الدقيق بياخد كيلو الا ربع زبدة و يطلع معاكى كمية رهيبة من الحلويات و الساليزون و المقبلات المختلفة


4 التعليقات:

Unknown يقول...

نايـس

غير معرف يقول...

مافهمت والو من هدا ميلفاي اختي

غير معرف يقول...

ارجوكم شرح الميلفاي اكثر بالجزائري

Unknown يقول...

تسلم ايدك

إرسال تعليق

ضع تعليقك هنا

 
Design by Free Wordpress Themes | Bloggerized by Lasantha - Premium Blogger Templates | :