الكوسه المحشيه باللحم والصنوبر من الشيف أيمن العطار

الكوسه المحشيه باللحم والصنوبر

المقادير:

ا كيلو كوسه متوسطه الحجم ولو صغيره هتبقى احلى
3 ملعقه زبده
ربع كوب صنوبر
ا بصله مفرومه
نصف كيلو لحم مفروم.
ملح وفلفل اسود وكزبره ناشفه
معلقه دبس رمان .
4/1 معلقة صغيرة قرفة .
2 فص ثوم
3 كوب عصير طماطم
1 معلقه نعناع ناشف
1 جوز الطيب مبشوره

الطريقة:

بنجوف الكوسه او بنقورها زى المحشى المصرى بظبط وبنغسلها كويس ونركنها على جنب عشان تصفى المايه اللى فيها
بعد كده فى حله على النار بحط الزبده او زيت الذره وبعدين البصل المفروم واللحم المفروم وبقلب كويس وبعدين بضيف
الثوم المفروم والملح والفلفل وجوز الطيب والكزبره الناشفه والقرفه وبقلب كويس لحد اللحمه متتعصج معايا
بعد كده برفعها من على النار وبصفيها فى مصفاه عشان تنزل المايه اللى فيها وتكون ناشفه
فى طاسه على النار بحط معلقه زبده وبعدين الصنوبر عشان يتحمر ويكون لونه زهبى وبعد كده بحط دبس الرمان والنعناع على الصنوبر وبضيفه بعد كده على اللحمه المفرومه المعصجه
بعد كده بناخد الكوسه ونقليها قبل الحشو نصف سوى خلوا بالكم انا بقلى الكوسه الاول قبل الحشو
ده بيدى للكوسه طعم احلى بكتير
وبعدين بشيل الكوسه من الزيت وبحطها على ورق مطبخ تصفى الزيت
وبعد كده بحشيها باللحم المفروم وبرصها فى صينيه جنب بعضها وبحط عليها عصير الطماطم المتبل بالملح والفلفل والنعناع
وبعدين بدخلها الفرن لمده 10 دقايق فقط وبعد كده بقدمها فى الطبق وممكن اجملها بالصنوبر المتبقى عندى مع شويه نعناع 

وبالهنا والشفا 

الشيف ايمن العطار

تم نشره في: وصفات الشيف أيمن العطار