حوار مع الشيف المتميز الصاعد / أيــمــن الــعــطـــار






السلام عليكم ورحمة الله وبركاته


يسعدنا في مطبخ الاميرة المصرية أن نستضيف الشيف المتميز الصاعد /  أيمن العطار


وكان لنا معه هذا الحوار الذي كشف لنا من خلاله عن شخصيته وسر نجاحه في عمله  


وبدأنا بأسئلة خاصة بموقعنا ثم رأينا أن نفتح الباب لجميع محبي الشيف/ أيمن العطار  ليشاركونا الحوارليتعرفوا عليه عن قرب


وبدأنا حوارنا معه بهذه الأسئلة التي أجاب عليها بكل ثقة وتميز كعادته





س/ عرفنا بنفسك شيف أيمن ؟

ايمن العطار
بكالوريوس سياحه وفنادق
33 سنه
مقيم فى الاسكندريه





س/ بداياتك فى الطهي منذ متى وكيف؟ وماهي اول طبخة قمت بها؟

بدايتى فى الطهى كانت اثناء دراستى كنت بعمل تدريب فى فنادق كتير ثم التحقت بالعمل فى احد فنادق القاهره بعد تخرجى مباشره كنت اعشق المطبخ وانا فى الدراسه وكنت والحمد لله متميز جدا اثناء الدراسه وكنت بدخل مسابقات كتير جدا واول طبق عملته وكنت فرحان بيه جدا كان جمبرى تمبورا ومعاه صوص سويت شيلى





س/لو لدينا حفل او فرح به 500 فردا كيف تحدد ميزانيته تقريبا ؟ وهل قمت بهذه التجربة مع عدد كبير هكذا ؟

ميزانيه الفرح او الحفله دايما بتتحدد حسب سعر المنيو للفرد الواحد فى العدد مثال يعنى لو عندى فرح 500 فرد يبقى لازم الفرد لايقل سعره عن 125 جنيه دى ميزانيه الاكل للفرد فى الفرح عشان ده فندق 5 نجوم ده سعر البيع للعميل اما التكلفه الخاصه بينا كتلفه طعام للفرد الواحد بتكون حوالى 40 جنيه
اكيد طبعا عملت حفلات لعدد كبير جدا من الافراد وكانت الحفله حوالى 1200 عميل ودايما الحفلات الكبيره بتكون سهله فى انى اظبط تكلفه الطعام عشان العدد كل ميكون كبير كل ما التكلفه بتكون قليله





س/هل لأحد من الاهل دور فى غرس فكرة الطهي لديك أم هى موهبه وشجعوك عليها؟

مفيش حد من عائلتى يعمل بالمجال السياحى نهائى لكن انا كنت حابب جدا انى اخوض التجربه دى والحمد لله كان فى تشجيع من عائلتى وكان عندى طموح كبير انى اكون شيف تنفيذى والحمد لله كان فضل من عند ربنا





س/الطبخ يتطلب التركيز والدقه والإتقان كيف أنت مع من لا يلتزم بهذه السمات اثناء عمله ؟
الحمد لله رغم عصبيتى الشديده جدا وانا معترف بده لكن اتقانى فى العمل هو اساس من بدايتى فى المهنه بحاول انى افضل ملتزم بيه والمطبخ من المهن الخطره جدا والصعبه فلابد من تركيز الشيف تركيز شديد جدا




س/ أين عملك الحالي ؟

انا اعمل حاليا فى فندق ميديترنيان ازور الاسكندريه احد فنادق 5 النجوم فى الاسكندريه ويتبع شركه ازور لاداره الفنادق





س/هل تقوم بالطبخ في الحفلات لو طلب منك هذا؟

اى شيف فى الدنيا لازم يكون جاهز انه يشتغل بايديه عشان لو حصل اى ظرف وده من اساسيات الشيف الناجح وطول ما بشتغل بايدى اكيد بيكون فى ابداع اكتر



س/النظافه عنوان للأكل الصحي والجيد ما راأيك فى أكل بعض المطاعم ومانراه فى الصحف من ممارسات العمال القذره فى إعداد الوجبات؟

الرقابه الشديده من تفتيشات وزاره الصحه ووزاره السياحه على الاماكن السياحيه واشتراطات ام وسلامه الغذاء دى من اهم العوامل اللى لازم تكون موجوده فى مكان من اماكن اعداد الطعام يعنى لابد من التفتيش باستمرار على النقاط الهامه فى اشتراطات وزاره الصحه وكمان اتباع منشورات وزاره السياحه الدوريه لامن وسلامه الغذاء





س/هل للاطفال طبخات تراها مناسبه لهم يجب تعويدهم عليها وبما تنصح الامهات تجاه طعام اطفالهم؟

الأطفال نعمه من الخال ونوع من المحافظه عليه هو الأهتمام بها من جميع النواحي
والأهتمام بالصحه والغذاء بشكل عام كي يصبح جسمه سليم
كما يقال ( العقل السليم في الجسم السليم غالباً ما يستجيب الطفل لأي شيء يرضي طموحه وأهوائه، إلا أن إقناعه بتناول الطعام الصحي السليم ليس بالأمر السهل ..!
فالأطفال تجذبهم أصناف الحلوى المغلفة، والشيكولاته، والآيس كريم، كما تجذبهم السلع الغذائية الشيقة المختلفة بألوان أغلفتها الجذابة، والتي تنال في الغالب نصيباً كبيراً من الدعاية الموجهة لهم- للأطفال- خصيصاً.
ولكن الأم الذكية برغبتها الأكيدة في توصيل النافع والمفيد من الغذاء لأبنائها؛ تستطيع أن تبتكر الحيل والأساليب الذكية لإقناع أبنائها بالغذاء الصحي.
وعليها أن تستعين بالله تعالى، وأن تتحلى بالصبر والمرونة حيث أنها تتعامل مع أطفال صغار قد لا يدركون جيداً البعد الإنتفاعى الغذائي في عملية تناول الطعام.
وإليك عزيزتي الأم .. مجموعة من الخطوات ذات الأثر الإيجابى والتى تعينك في مهمتك:

1- دعيهم يشاركوا:

هذه أفضل طريقة تثير أطفالك وتجعلهم يتناولون الأطعمة الصحية، وهى أن تجعليهم يشاركون في قرار اختيار طعام العائلة، وهذا يتضمن ذهابهم مع الأب والأم للتسوق، وإتاحة الفرصة لهم في اختيار الأطعمة بأنفسهم، ثم اتركيهم يساعدونك في رصّ الأطعمة المختلفة ( خضر- فاكهة- أطعمة جافة) في أماكنها وأنتي تبينين لهم أثناء ذلك فوائد كل صنف بأسلوب مرح ومتحمس في نفس الوقت.

2-"الطفل ينمو على التقليد":

إنها حقيقة تربوية يدركها كل من مارس تربية الأطفال، لذلك اجعليهم يقلدوك في سلوكك الغذائي السليم، أتيحي لهم الفرصة أن يشاهدوكى وأنتى تتناولين الفاكهة الطازجة أمامهم بكثرة وتظهرين استمتاعك بها، أو تحرصين على إعداد وتناول طبق السلطة مع كل وجبة غذاء، إن حالة الاستمتاع التي تظهرينها أثناء ذلك تجذبهم بشدة وتجعلهم يقلدونك في تناول الفاكهة والاستمتاع بها أيضاً.

3- خففى ما يتناوله من حلوى:

عند إعطائك الطفل علبة حلوى، حاولى أن تفرغى نصف محتوياتها، وذلك كلما اشتريت له شيئاً، إن ذلك سيخفف من ضرر هذه المأكولات عليه، وسيعوده على عدم الإكتراث بها.

4- أظهرى استياءك:

وذلك كلما أعطيت طفلك لوناً من الحلوى أو المأكولات الصناعية التي يطلبها، فإن ذلك سيرسخ في نفسه وذهنه أن هذه المأكولات رديئة وغير مفيدة.

5- اغتنمى فرصة شعورهم بالجوع:

ومن أفضل هذه الأوقات عند رجوعهم من المدرسة فحينئذ يكون لديهم استعداد تام لتناول أى شىء تقدمينه لهم، فحذا لو قمت بتجهيز طبق من الفاكهة أو الخضروات المقطعة وقدمتيه لهم ريثما ينتهى إعداد طعام الغذاء!

6- قدمى لهم الطعام بطريقة مرحة:

حاولى أن تجعلى تناول الطعام بالنسبة لهم عملية شيقة ومرحة، قومى مثلاً بتقطيع الفاكهة وترتيبها بشكل جذّاب في الطبق، ويا حبذا لو قدمتيها في طبق عليه صور لأنواع من الفاكهة، وأنتى أثناء ذلك تكلميهم بأصوات مرحة على لسان الطعام نفسه وهو يطالبهم أن يأكلوه بسرعة، أو يخمّن : من الذي ينتهي من طبقه أولاً وتكون له جائزة؟ وهكذا.

7- لا للحلويات بعد الأكل!

لا تقدمى الحلويات بعد الأكل على الإطلاق حتى لا يتعود أبنائك على هذه العادة غير الصحية.

8- كونى حازمة:

إذا رفض أطفالك تناول الطعام الطبيعى فلا تستبدلى به طعاماً مصنّعاً كالحلوى والآيس كريم، ولا تقلقى فإن الأطفال إذا ضغط عليهم الشعور بالجوع فسيتناولون أى طعام يرونه أمامهم.

9- الأطعمة اللينة وتورتات الفاكهة:

الأطعمة اللينة أو المهروسة تعتبر من الطرق السهلة لإدخال الفاكهة في طعام أطفالك، فاصنعيها بنفسك وقدميها لهم، كما يمكنك أن تخلطى الفراولة مع الموز وتضيفى إليها الحليب والزبادى المثلج لإضافة المزيد من الكالسيوم وإعطاء القوام الكريمى المحبب للأطفال.

10- بعض الأغذية مغذية أكثر مما تتصورين:

تذكرى أن الطعام ليس محصوراً في السلطة والفواكه فقط، فمثلاً : ساندوتش من الفول السودانى مع كوب من الحليب يفى بحوالى نصف الكمية اللازمة للطفل من الحبوب والبروتين ومنتجات الألبان.

11- كونى قدوة حسنة:

مثلما تراعين كل الطرق لجعل أطفالك يأكلون طعاماً صحية، فتذكرى أنك كأم يجب أن تكونى قدوة حسنة ومثال جيد في تناول الطعام الصحي، فإذا كنت تأكلين كثيراً من الأطعمة الغير صحية وكان غذاؤك سيئاً، فلا تلوميهم بعد ذلك إذا قلدوك، أمّا إذا حرصتِ على البدء بنفسك في تناول الصحي والمفيد من الأطعمة، فستراكِ أعينهم وتتعلق نفوسهم بسلوكك، ثم لا يلبثوا أن يقلدوك في تناول الطعام وغيره من العادات الحسنة التي تحرصين على تعليمها لهم
.



س/موقف محرج تعرضت له من خلال عملك كشيف؟
 كتير من المواقف المحرجه جدا بتحصل لكن الاهم هو تدارك الخطاء وعدم الوقوع فيه مره تانيه
كنت فى يوم فى حلقه فى التليفزيون وكنت بعمل بيف اويستر بالبروكلى يعنى البروكلى اساس فى الصنف ده وبعد منوهت عن البروكلى واتكلمت عن فوايده الغذائيه وكمان قلته فى المقادير والمكونات وبحطه امتى فى الاكله نسيت تماما انى احط البروكلى وفعلا قدمت الطبق من غير البروكلى رغم وجوده اودامى على الترابيزه _ ومش افتكرت الا فى نهايه الحلقه وبعد التصوير





س/سؤال من مدة طويلة أحب أسأله لشيف في بعض برامج الطبخ يقوم الشيف بعمل اكلة معينة تحتوي على لحم بقري ومن المعروف وانا ك ست بيت ان اللحم البقري يأخذ تقريبا ساعة ونصف ليتم نضجه ولكني ارى بعد عشر دقائق يتم تجهيز الطبق فهل هذا من أجل وقت البرنامج ويكون الطبق غير ناضج ام انه ينضج بالفعل ..؟؟

فعلا اللحم البقرى من اللحوم اللى بتاخد وقت طويل جدا فى التسويه وعشان كده دائما لو فى صنف لحم بقرى بنعمله فى التليفزيون بنحاول اننا نعمله من قبل التصوير او انى بستبدله بلحم بتلو وبقول انه بقرى وده بيحصل كتير جدا




س/هل فكرت في التوجه لتقديم برنامج طبخ بطريقة تخرج بهذا النوع من البرامج من الطابع الذي يقيدها منذ سنوات طويلة ولم يتغير إلى الآن؟

فعلا انا عندى افكار كتير جدا وان شاء الله قيد التنفيذ هتغير كتير من مفهوم برامج الطهى العاديه





س/هناك مسابقات تقام في بعض الدول ك توب شيف وايضا هناك قنوات تقوم بعمل مسابقات مثل ستار شيف هل تعتقد ان مثل هذه المسابقات مفيدة لاظهار المواهب ؟ ومامستوى جديتها؟ ورأيك الخاص فيها؟


هذه النوع من المسابقات بيفيد الشيف المتخصص اكتر من الهواه او ستات البيوت كاستفاده مهنيه اما مستوى الجديه فده لمسته فعلا فى برنامج توب شيف العالم العربى مع القائمين على البرنامج بعد ما قابلتهم واتكلمت معاهم عرفت ان الناس دى مهتمه جدا بالبرنامج وانها عايزه تحقق منه اعلى استفاده ليها كقناه وللمشتركين وللمشاهدين كمان





س/الشيف أيمن هل لك طابع خاص تميزت به أم انت مع المتغيرات والمجريات؟

اى شيف فى الدنيا لازم يكون بيتميز بحاجه معينه ومش ينتظر تغير المجريات لازم الابتكار دائما دى من اهم مميزاتى ومن اهم مميزات اى شيف ناجح او اى شيف عايز ينجح





س/لكل انسان طموحات يسعى لتحقيقها ماطموحك فى الحياه؟ ومشاريعك المستقبلية ؟

ان شاء الله ان اتميز ببرنامج طهى غير عادى برنامج يغير مفهوم برامج الطهى نهائى وان شاء الله الفكره موجوده وان شاء الله فى القريب العاجل هتتنفذ اما الطموح العام فبلدنا من اجمل بلاد العالم وان شاء الله يجى اليوم اللى ناخد فيه المرتبه الاولى على مستوى العالم فى السياحه والحمد لله عندنا من العماله الفندقيه والسياحيه ما يؤهلنا اننا نوصل لهذه المرتبه





س/ماذا تنصح شابنا المصري الذي يرى أن الطبخ عيب وليس من إختصاصه؟
 مهنه فن الطهى وليست مهنه الطبخ هى نوع من انواع الفنون والطهى من المهن اللى فيه ابداع وسرعه وتركيز وفى بعض الدول الاوربيه بتكون من ارقى المهن الموجوده وكمان مش تنسى ان العائد المادى من هذه المهنه يفوق اضعاف اضعاف من يتقاضاه مهن اخرى بكثير



كلمه أخيره من الشيف أيمن؟
ان اى بنى ادم فينا لازم يحب اللى بيعمله ويكون مقتنع بيه ده اساس للنجاح فى اى مهنه او عمل بنعمله وصدقينى لو مش حبيتى اللى بتعمليه مستحيل هتبدعى ولا هتبتكرى فيه والحمد لله حبى فى هذه المهنه وحبى لذاتى انى اكون حاجه كبيره فيها ده اللى ساعدنى ووصلنى للى انا فيه وده من اسباب الابداع والابتكار فى هذه المهنه واتمنى يارب بلدنا تكون احسن بلد فى الدنيا لانها فعلا تستاهل ده



حوار الشيف أيمن  العطار مع محبيه



سؤال Shereen Abu Elala


كنت عايزة ياايمن تعلمنا تقديم اوتزويق الطبق وتقطيع الخضار بطريقة الشيفات كدة يعنى؟

من عيونى يا شيرين وتحت امرك ولو تابعتى الحلقات بتاعتى هتلاقينى بركز دايما على شكل التقديم للطبق والديكوريشن بتاعه وكمان بحاول انى اتكلم عن التقطعيات وازاى تقدرى تتميزى بيها وان شاءالله المزيد





سؤال حسناء المغربي


سلام عليكم, أولا انا بشكركم على الفرصة العظيمة دي لي ايديتونا ;عشان من خلالها ممكن نسأل الشيف ايمن بعض الاسئلة; فاسمحو لي اقولكم فكرتي عن الشيف ايمن : شاب وسيم وطموح يحب التجديد والابتكار ثقافته واسعة وحبه للناس ما له حدود بيرد على كل اسألتنا ودائم السؤال علينا مع اننا معرفة بس على الفايسبوك. انا مغربية بجنسية ألمانية اعرف ناس كثيرة هنا بألمانيا متابعين حلقاته لحسن اختياره لللا كلات وكمان عنده مع الاكلات السريعة الطعمة فسؤال إلو .
ماسر كل هذا الحب من الناس اليك يا شيف ؟؟؟؟ اسعدك الله وحقق متمنياته
_ ودي اعرف الطبخ عندك هواية ولا دراسة ?
_ انت وصلت لقمة النجومية في سماء الطبخ لكن اكيد ليك طموحات ثانية, تحب تكون ايه يا شيف بالمستقبل, نعرف ردك المتواضع لي هو : انك تحب تكون راضي على نفسك والستر والقناعة , ابغي اعرف ايه طموحاتك في هذا الميدان اي ليك ميدان ثاني تحب تصل ليه فأنت شخص طموح لا ينتهي , على فكرة بتحد ث بلسان صديقاتي هنا بألمانيا فهن متواجدات بجنبي الساعة.

 اولا ميرسى جدا يا حسناء على كلامك الجميل ده اجمل حاجه يا حسناء اننا نحب اللى بنعمله ويكفينى ماوصلت له من حب الناس والطموح عند الانسان مبيخلصش ولو خلص يبقى نموت احسن وان شاء الله اتمنانى اعلى من كده بمراحل يارب
 المطبخ دراستى يا حسناء والحمد لله



سؤالAisha Ashoor


ماهي أول أكله طبخها الشيف أيمن؟ .. وإيش أكثر أكله تعجبه؟

مين الناس اللي كانوا سبب في نجاح الشيف؟

ماهي العناصر التي يحتاجها أي إنسان لكي ينجح في حياته المهنية؟
ماهي طموحات الشيف المستقبلية؟ وماهي الحكمة التي يؤمن بها؟

ميرسى على اسالتك يا عائشه اول اكله طبختها وحبتها اوى كانت الجمبرى التمبورا اكله صينى كان عجبنى اوى شكلها اما اكتر اكله بعشقها فهى البسله بالجزر ههههههه
السبب فى نجاح الشيف ايمن بعد ربنا سبحانه وتعالى هو الشيف ايمن يا عائشه
العناصر يا عائشه اللى بيحتاجها اى انسان للنجاح
بالنسبه ليا
هى الدوافع اولا ثانيا حبك للشىء اللى بتعمليه ثالثا الابتكار والتركيز من اهم العناصر وكمان حبك لنفسك ده فى تصورى يمكن ناس كتير تزعل من انى بقول حب الذات بس صدقينى لو حبيتى نفسك انها تكون فى صوره كويسه بعيدا عن اى حقد او غل صدقينى هتوصلى زى ما ببتمنى ان شاء الله





 سؤالSenda Maro


ميرسي على الفرصة دي, فالشيف ايمن غني عن التعريف بكل ما يقدمه لنا من اكلات جميلة وفي حاجة هو مهتم بيها هي النصيحة الدائمة في الاحتفاض على رشاقتنا ووصفاته في الاكل للرشاقة ودي نقطة مهمة جدا جدا وكمان الاكلات المغذية التي بيوصف لنا عشان الاطفال يعني له من كل فن طرب هههههه صح , سؤال : اكتب لينا بعض الفواكه والخضروات لي بتساعد في نظارة البشرة و جمالها و عدم تجعيدها .؟؟

_وراء كل رجل عظيم امرأة يا ترى من وراء الشيف ايمن العطار وهل تتمنى ان اولادك الله يخليهم يمشوا في نفس رحلتك ؟ وفقك الله.

_ إن رجعت الحياة للوراء هل كنت تتمنى تكون الشيف ايمن ولا شخص تاني بعمل تاني وابداع متميز تاني وفي مكان تاني

ميرسى سيندا على كلامك الرقيق ده من الواضح رقتك فى كلامك
وان شاء الله هنزلك اكلات كتير للبشره
اما بالنسبه ان وراء كل رجل عظيم امراه صدقينى والله انا لا اؤمن بهذه الكلمه نهائى وانا ما كنش ورايا اى امراه اثناء نجاحى سوى امى ودعائها فقط لاغير وصدقينى ساعات كتير بتكون المراه سبب للفشل وليس النجاح
ازا رجع بيا الزمن لا يمكن اتمنى اكثر مما فيه الان والحمد لله





سؤال أميرة طارق


سلام عليكم بجد كل لي قالته البنات دي صحيح نعم هو احسن شيف بالدنيا احنا غالبا بنشوف الشيف جسمه ثخين ههههههههه لكن الاستاذ ايمن العطار رشيق هذا يدل على اهتمامه بالمهنة دي وعشان يدينا فكرة ان العين والنفس والذوق لي بياكلوا و هو كله ذوق وابتكار وروعة

_ انت بتدينا وصفات جميلة من بلدان عربية كثيرة ليه ما تركزشي شوية على الاكلات الغربية فهي كمان طعمة وجميلة .؟؟

ميرسى يا اميره على المجامله دى الاكل بالنسبه ليا مش رفاهيه يا اميره انا باكل عشان اعيش ودايما اختيارى لانواع الاكلات وكمان الوقت المناسب للاكله ده مهم جدا
انا عامل حلقات كتير لالاكل الغربى الفرنسى والايطالى والصينى وان شاء الله ازودلك يا اميره تحت امرك طبعا





سؤالNervana Ahmed


شيف ايمن ممكن تعمل حلقات عن الوجبات الي بتهم افراد الاسرة كلها من اطفال لانهم اكثر افراد في الاسرة تحب الاكل من برة وتعلمنا الاهتمام بمنظر الاكل والديكور فية وكمان عايزين حلقات عن الديت بانوعة لبنت سواء كانت بنت او ام حامل؟؟


وميرسي ليك وديما في نجاح
شكرا جزيلا مدام نيرفانا وان شاء الله الخطه الجايه هيكون شكل الحلقات متغير تماما للاحسن وبالنسبه لللاكل الدايت فى على البيدج بعض الوضفات للرجيم والدايت وان شاء الله المزيد وشكرا للمره التانيه



سؤالErrahmani Abdel

t.hank you shief for inviting my question is how to be a good cook?

انك تكون بتحب مهنتك اوى يا عبد الوحيد ومقتنع بيها الابتكار والمبادره ومشاركه زملائك وتركيزك ان شاء الله هتكون شيف كبير فى المستقبل



سؤالDuaa N. Refaey
شيف أيمن ما شاء الله عليك انت شيف ناجح و متميز بتبسيط طريقة عمل الأكلات ... و أكيد لك مشوار طويل و حافل بالمفاجآت ... ا1-يه أكثر حاجه كانت مفاجئة لك خلال رحلتك للتميز ؟؟ ....2-اكتر حاجه حبيتها بعد تحقيق النجاح الرائع في مشوار عملك ؟؟؟ ... 3-أيمن بيفكر في ايه لتحقيق انجاز آخر ؟؟

ميرسى دعاء واضح ان انسانه زوق ورقيقه جدا 
اكتر حاجه كانت مفاجأه ليا فى مشوراى للتميز ابتعاد اقرب الناس عنك او المفروض الناس اللى تكون قريبه منك سابوكى فى طريقك تقدرى انتى بقى تفسريه ؟؟؟؟؟؟؟
اكتر حاجه حبتها بعد تحقيق النجاح هى ايمن وصورته اودام الناس ونجاحه
بفكر انى انجح تانى يا دعاء النجاح مش بيخلص والاهم انك تحافظى على مستواه



سؤالNany Darwish


السلام عليكم ياشيف ايمن بسم الله ماشاء الله عليك ياايمن بجد اكلاتك ووصفاتك جميلة وسهلة وانا شخصيا جربت حاجات كتير

__ وياريت ياايمن تركز فى تنويع ساندوتشات لان الاولاد عندى بيحبو فى العشاء ساندوتشات وكلك زوق ياايمن لانك بترد كمان على جميع الاسئلة تحياتى لشخصك واتنمى لك التوفيق

ميرسى يانانى على مجاملتك ومنوره بجد البيدج وانا عارف انك من اكتر الناس اللى بتعمل وصفاتى وبجد انا مبسوط بوجودك على البيدج وتحت امرك فى طلباتك وان شاء الله المزيد وشكرا للمره التانيه

Lila Ismail سؤال


rbna ywf2k ya chef ayman,anta ansan tmo7 w mbd3 w mn alwad7 ank t7b w ttkn 3mlk,f isa rbna hykon m3ak da2mn.3aiza as2lk hl knt mtwk3 kol alnga7 w altmyz dh mn kbl?w hl hnak mn sa3dk fe hza alnga7 w fe alwsol leh.???

so2al kman,hl knt tsa3d zwgtk fe 3ml alt3am,wla dh sho3'l fkt???_


ميرسى ليلى ومنوره البيدج وانا عارف انك من اول المعجبين بالصفحه من يوم متعملت وبرحب بيكى تانى يا ليلى انا موضوع انى اساعد زوجتى فى المطبخ فقولى ان شاءاالله هههههههه رغم انه مش هيحصل





سؤال Nero Murad
هاى شيفنا العزيز ايمن المتميز ....... سوالى الاول انت نجحت كتير جداا فى حياتك الحمد لله ايه شىء كويس حققه نجاحك ؟؟؟ وشىء سىء برضه بسبب نجاحك؟؟؟؟؟
_سوالى تانى يا شيف اول شخص وقف جمبك وعمرك ما تنسى جميله عليك واكيد حد غير دعا الوالدين لان دعاء الوالدين ده انا عارفاه كويس وامر مفروغ منه يعنى اكتر شخص مميز فى حياتك ؟؟؟
هاى نيرو واهلا بيكى اقول الشيف نيرو طبعا لانك دايما بتقلدى اطباقى باستمرار وكمان بتنزليها على البيدج وانا فرحان جدا بكده
اول شىء كويس حققه نجاحى هو انى بقيت ايمن اللى بيعتز وبيفتخر بنفسه اما الشىء السىء اعتقد احب احتفظ بيه لنفسى شكرا نيرو
 سؤالك  التانى
مفيش حد وقف مع ايمن من بعد ربنا سبحانه وتعالى الا ايمن


 سؤالShahy Shosho



ازاى نقدر نكون متمكنين من اننا نعمل برنامج طبخ على الهواء ؟؟

ثقتك بنفسك يا شاهى اهم حاجه توصلك لده وتنسى انك اودام كاميرا وتفكرى بس انك تعملى حاجه انتى راضيه عنها صدقينى اكيد هترضى كل الازواق



سؤال Senda Maro


_وراء كل رجل عظيم امرأة يا ترى من وراء الشيف ايمن العطار وهل تتمنى ان اولادك الله يخليهم يمشوا في نفس رحلتك ؟ وفقك الله.
_ إن رجعت الحياة للوراء هل كنت تتمنى تكون الشيف ايمن ولا شخص تاني بعمل تاني وابداع متميز تاني وفي مكان تاني .

انا لا اوءمن يا سيندا بهذه المقوله نهائيا وصدقينى كتير بتكون المراه سبب للفشل وليس النجاح والحمد لله افتخر ان من كان ورائى ليست امراه





سؤال Ola Kandel


مين انت بالظبط؟؟ وليه انت حزين الايام دى؟؟

ميرسى علا منوره البيدج طبعا
ايمن عبد القوى العطار
بكالوريوس سياحه وفنادق
33 سنه
الاسكندريه
مدير قسم المطبخ باحد فنادق الاسكندريه
برنامج سيدتى الفضائيه المصريه
اما بالنسبه انى حزين الايام دى
ياعلا كل انسان فينا جواه حزن وجواه فرح بس ازاى تقدرى تخلى حزنك ده طاقه للابداع والنجاح هو ده السؤال




Mano Hassan سؤال

_ بحب أشوفك على التلفزيون لأنى شايفة فيك شئ كبير
_بجانب شغلك عندك وقت للحب والاحتفاظ بالحب

_ما هية الخطوة المقبلة


شكرا مانو كلامك جميل ميرسى جدا ليكى وان شاء الله هحاول ازود من الحلقات وتحت امرك
اما بالنسبه للحب فا انا الحب من وجهه نظرى مختلف تماما عن اى حب تانى وعلى فكره طالما هيحى اليوم اللى احب فيه من وجهه نظرى مفيش شىء فى الدنيا هيمنعنى انى احتفظ بيها جوه جوه جوايا كمان




سؤال Alxheart Buty


انا اول مره ادخل هنا بس بجد كان فايتني كتير والحمد لله اني شفت واتعرفت علي طريقه الشيف ايمن بجد استفدت كتير بس ممكن اسالك ياشيف ايمن اوقات كتير بيكون فيه ناس ناجحه قوي في نظر المجتمع بس هو بيكون حاسس ان فيه حاجه لسه ناقصاه هل حضرتك برده كده برغم نجاحك حاسس ان فيه حاجه ناقصاك او فيه حاجه مقدرتش تحققها مرسي قوي يا شيف علي مجهودك ده

ميرسى ونورتى البيدج
مفيش انسان فينا حقق كل اللى بيتمناه وصدقينى لو اى انسان حس انه حقق كل حاجه وان مش فيه حاجه نقصاه يبقى عمره ميحافظ على نجاحه ده




سؤال Mai Yousry


_مساء الخير على الجميع سؤالى للشيف ايمن لو جاتلك فرصه كويسه انك تسافر وتبعد عن مصر وبالاخص اسكندريه الى كل الاسكندرايه بيعشقوها هيكون رايك ايه

_كمان عايزين تحكيلنا شويه عن حياتك وعندك اخوات اد ايه وفيه اولاد ولا لسه مش بقيت بابا ؟؟

مساء النور عليكى يامى
انا سافرت كتير يامى واكتر بلد عشقتها وعشقت روحها هى اسكندريه هيكون القرار صعب صدقينى انى ابعد عن هنا لكن مش هيكون مستحيل


  •   Shimaa El Sabagh


    ايه هو أطرف موقف حصلك و أنت فى المطبخ ؟

    اطرف موقف حصللى انى فى يوم وانا على الهوا فى حلقه من الحلقات كنت بعمل لحمه بقرى بالبروكلى ونسيت احط البروكلى اللى هو اساسى فى الاكله وفعلا خلصت الاكله واتكلمت عن البروكلى وفوايده وفى الاخر محطتش بروكلى فى الاكله خالص وعدت يا شيماء ربك بيسترها وطبعا برحب بمذيعه المستقبل ان شاءالله شيماء الصباغ منوره البيدج والله






 Sherief Reyad
يا شيف ايمن احب اهنيك على الصفحه الجميله جد دى واحب الفت انتباهك انها صفحه ليها مصداقيه لان كل المعجبين بيعملو لايك عشان يتابعو الصفحه مش مجرد لايك وخلاص وربنا يوفقك بس كان عاندى سؤل هل المطبخ المصرى بدا يتقدم ويطلع للتطور وله لسه محلك سر وما هى المساء التى من الممكن ان نحصرها فى قيد التعديل بأزن الله

  ميرسى يا شريف منور البيدج كلها والفيس بوك كله
وميرسى مره تانيه لكلامك الجميل ده
المطبخ المصررى ياشريف مش قوى من الاساس احنا دايما بنعتمد على الاكل الشرقى زى اللبنانى والسورى وبناخد شويه من المطبخ التركى لكن للاسف احنا ملناش مطبخ قوى بين المطابخ العالميه رغم تفوق شيفات مصريين كتير فى المجال



        وهكذا كان الحوار مع الشيف ايمن العطار ولا اخفي عليكم اني استمتعت جدااا وانا اجهز هذا الموضوع بقراءة اجوبته ذات الطابع الخاص والتي من خلالها أيقنت أنني أمام شخص فريد واثق من نفسه يعرف أين موضع قدمه   متفائل وطموح
ومحبوب من الجميع ..  نتمنى لك المزيد من التوفيق وان شاء الله حوارنا القادم سيكون بعد فوزك في المسابقة  نتمنى لك حظا سعيد دائما


ونورت مطبخ الأميرة بتواجدك واكلاتك الرائعة .. جزاك الله كل الخير







13 التعليقات:

غير معرف يقول...

حوار شيق ومميز من شيف متميز وربنا يوفقك من اعلى الى اعلى واعلى وتتميز اكتر من كده ومن نجاح الى نجاح ديما ربنا يوفقك.......نيرو

غير معرف يقول...

بجد موضوع شيق جداجدا جدا ولذيذ قوي وبتمني انه يتكرر تاني واحلي حاجه بجد ان الانسان يعرف الشخص المميز ليه كويس ويعرف تفاصيل شخصيته وبتمني من كل قلبي للشيف ايمن انه يحقق كل الي بيتمناه ويوصل للي نفسه فيه ويزيد حبه في قلوب الناس كلها somaya abdou

غير معرف يقول...

بجد موضوع جميل جدا وشيف لبق وواثق من نفسه وصريح ولنا باع معه فى اكلاته
ربنا يوفقة ان شاء الله ومن نجاح بإذن الله الى نجاح ياشيف
زهرة الربيع

غير معرف يقول...

حورا ممتع يا شيف ..
امتعتنا بحوارك كما تمتعنا دوما بأكلاتك ووصفاتك
وان شاء الله ربنا يوفقك وتحقق كل احلامك وامنياتك
ودايما من تميز لتميز يارب
تحيتى .. وودى ..
بيرو

shimaa elsabagh يقول...

حوار رشيق من شيف حقيقى فنان و متميز دائما ..

athar mahmoud يقول...

to7faaaaaaaaaaaaaaaaaaa ea 2yman enta 3ala toll mot2lak .. w mn naga7 la nag7 ...:DDDDDDDDDD

mano hassan يقول...

حوار جميل وأكدت لى شخصيتك القوية من رجل قوى وشجاع ومكافح ويحب مهنتة ولذالك أبدعت فيها وأنت رجل ناجح سوآ بوجود المرآة أو بلا وجود للمرأةولا ترد على الاسألة الخبيثة فأنها مندثة وألى الامام ألى الامام

غير معرف يقول...

بجد مرسيه للاهتمام بالرد ودى فكرة حلوة اوى وشابوا لدماغك النضيفة ف الافكار

غير معرف يقول...

لقد امتعتنا يا شيف بحوارك وكلامك وردودك كما امتعتنا دوما بوصفاتك و ذوقك واختياراتك وابداعاتك
عرفتنا والله اننا نتعامل مع الانسان الرقيق الطيب العفوي المنظبط في كل خطوة بيمشيها ,عندك لكل سؤال جواب ولم نتوقع كل هاته الحبكة في الاجوبة فعلا انت ذواق وفريد في نوعه من السهل ان يتقدم اي انسان للدراسة بمعاهد الطبخ لكن صعب ان يتعلم فنون الكلام والادب , حب المهنة جعلك منك انسان يعجز القلم عن وصفه .

غير معرف يقول...

حوار اكثر من رائع من انسان زكى وطموح بالتوفيق يا شيف ايمن

غير معرف يقول...

انا عارفه انك جالك الحب القوي اللي كنت بتقول عمرك ماهتسيبه ,,,, لكن سيبته ياايمن وبيعته , وكان مستحيل تبيعه. الحب الكبير بيفضل في القلب ومش عايز تصريحات

غير معرف يقول...

برافو عليك يا ايمن ..بجد انت انسان مميز وشاطر ولبق وبتجب الناس والناس بتحبك ...بس ياريت ما تخليش حد يرد عن لسانك مهما كانت صفته مين ... زى الانسه اللى بتقول اسئله خبيثه ومندسه احنا مش فى معركه ولا حرب وباريت كل واحد يتكلم عن نفسه وبس وشكرا يا ايمن لزوقك

غير معرف يقول...

الله عليك وعلى اسلوبك

إرسال تعليق

ضع تعليقك هنا

 
Design by Free Wordpress Themes | Bloggerized by Lasantha - Premium Blogger Templates | :