السالمون المشوى من الشيف ايمن العطار

المكونات: 

قطع من سمك السالمون
ملح عصير ليمون ثوم مفروم فلفل ابيض ده هيكون مارنسه للسالمون 

 4معلقه زبده وثوم و ربع كوب كريمه لبانى وعصير3 ليمونه لصوص الليمون اللى هعمله للسالمون
وممكن تحطى جنبه مكرونه بصوص الكريمه والريحان او بطاطس روستو او حتى ارز بالسى فود زى متحبوا

طريقه العمل :

باخد قطع السالمون اللى متجهزه ومتقطعه زى الصوره بظبط وبعدين بتبلها قبل التسويه مباشره لان سمك السالمون من الحاجات اللى مش بتستحمل المارنيه كتير بحط عليها الملح وعصير الليمون والثوم المفروم والفلفل الابيض وبعدين فى طاسه على النار بحط قطعه صغيره من الزبده وبعدين بسوى السالمون على الوجهين ده لو مش عندى جريله كهرباء او فحم وبعدين بنشل السالمون من الطاسه بعد ميستوى على فكره السالمون بيستوى بسرعه وفى نفس الطاسه اللى سويت فيها السالمون بحط قطعه زبده صغيره كمان وبعدين 2 فص ثوم مفروم وبعدين عصير 3 ليمونه متوسطه الحجم وبعدين ربع كوب كريمه لبانى وقبل مالكريمه متغلى معايا فى الطاسه بنزل بباقى الزبده اللى هى 4 ملاعق من الزبده وبعدين بتبل الصوص بملح بسيط وفلفل ابيض وده هيكون الصوص اللى هيكون مع السالمون

وبالهنا والشفا

الشيف ايمن العطار

تم نشره في: وصفات الشيف أيمن العطار