9/15/2012 10:11:00 ص
اهلا بيكم يا أميرات
كل اللي اهتم ودخل للموضوع دلوقتي انا متأكدة
انها ست بيت شاطرة
ويهمها مطبخها وعشان كدة جات هنا وانا اوعدك مش حتطلعي الا ومعاكي احلى هدية مني
مين فينا مش بيتعب في ازالة الدهون من على البوتاجاز والشفاط بتاع المطبخ والاسطح والسيراميك بجانب البوتاجاز
وست البيت الشاطرة هي اللي عارفة اد ايه التعب في ازالة الدهون دي كل يوم
طيب عاوزة بوتاجازك يرجع جديد ويبرق
والشفاط ينور ويكون كأنه طالع منا المصنع لسة
والسيراميك بيلمع ويجنن
انا عندي الحل واكيد كتير منكم عارفينه لكن انا بكتب الموضوع دة للي معندهاش خبرة وان شاء الله تستفيد
الحل هو بريق ... دة حتى اسمه بيبرق زيه
ايوة تمام هو اللي في الصورة دة انا صورته لكم عشان تشوفوا الزجاجة وتعرفوها كويس
السعر 8 جنيه فقط لا غير
ومتواجد في كل السوبر ماركت ومحلات المنظفات
وطريقة الاستعمال كالآتي وتلاقيها مكتوبة على العبوة كمان
ترشي على اي البوتاجاز من فوق لتحت والزراير بتاعته والجوانب والغطاء بتاعه وتتركيه خمس دقايق
وكل اللي محتاجاه قطعة قماش مبللة وتمسحي فقط وشوفي النتيجة بنفسك بوتاجازك يرجع جديد وبيبرق والله
حتقولوا فين الهدية وهو فيه هدية اجمل من نصيحة حقيقية تخلي مطبخك ينور ويلمع باستمرار
( انا مش بعمل دعاية للمنتج دة ... انا بحكي تجربتي معاه )
الأميرة
تم نشره في: نصائح الأميرة
المشاركات
1 التعليقات:
الله ينور علكي
إرسال تعليق
ضع تعليقك هنا